Mitteko 15:7 - Mawu a Mulluku

⁷ Ekambiranne wa enthawi yoorekama Petro ahiimella allota wi, “Asinnaka ni arokoraka nyu, munnadduwella wi khalle Mulluku aakitthoolla miyaano variyari vanyu wi kallalleye othenga waphaama wa athu ayo ehiri Ayuda wi yiiwe ni okhulupilila.

Mitteko 15:7 Iomraidhean Croise

Eksodo 4:12

Vano khawe, miyaano kineerewuukavihera ollotanko nave kineerewuulleella yawi wallote.”

Yeremiya 1:9

Vano Apwiya yaattaphurusa nnatta niwa ettannya vayanoni vaka ekilleella wi, “Ngoona, koohiya mawaaka muwano mwawo.

Yohane 15:16

Nyuwaano khamwaakithoonlle miyaano koma miyaano kahuutthoollani ni oweerani wi muye mwimme ezipaso ddinchichi, ezipaso nnddo ddinaakhallewo wa enthawi yoohimalla. Sika vano erive ello munaavekeenyu Attiitthaaka mu nnddina naka eneerewuuvahani.

Yohane 3:27

Yohane ahaakhulla wi, “Khaavo muthu anawora okhalla ni ello aahivahiwa ni Mulluku.

Mitteko 1:16

“Asinnaka ni arokoraka, waari woophwanella wi mawu a Mulluku ekwakhwanihiwe mmo Munepa Waweella allotilleeye oweella mwa Davide ollotella dda Yudasi, oyo aari owaahoollella ayo yamuphanre Yesu.

Mitteko 1:24

Yaavekella wi, “Apwiya, nyuwaano sika munadduwella mirima dda athu attheene. Vano munoonihe oyo mumutthoonlleenyu va eellaalla

Mitteko 10:19

Enthawi yeella Petro aari aganizeraka dda masomphenyanndde, Munepa Waweella waallota wi, “Athu araru enimuupaalla weyaano.

Mitteko 10:20

Sika venya okitthe vatthi nave ohikhoote waathwara vawi kirimaarumiha.”

Mitteko 13:2

Yaallapelliiwa Apwiya ni ohalla ocha,* Munepa Waweella aallota wi, “Okitthoollelle Baranaba ni Saulo wi yaphare mutteko oyo kawiithanelleemi.”

Mitteko 15:14

Simoni ootthopoolla phaama mmo Mulluku vawaamba oonihalleeye wi ohaatthoolla athu ayo ehiri Ayuda wi ekhalle athwaaye.

Mitteko 15:2

Nave Paulo ni Baranaba yaavaanyihanana athu oovenyera o Yudeyaayo moollipa dda yeella. Sika yahiiwanana wi Paulo ni Baranaba owaaka athu amodda o Antiyokeya eye o Yerusalemu yawoone amurummwa ni attekweene wi yakambirane dda ehuddihweella.

Mitteko 15:39

Nave vaakhalla okangana variyari va Paulo ni Baranaba sika yaamwallana, Baranaba amukusa Mariko ewella mukallawani enaya o Kupro.

Mitteko 20:24

Koma nginapwatha dda eyo enaakeereyelle. Emoddave eyo kinapaalleemi tti yawi kimallihe muttekwaaka ni orumeyella kavahiweemi ni Apwiya Yesu wi keere, ollalleya othenga waphaama wa echisomo ya Mulluku.

Mitteko 21:16

Oohuddera amodda oovenyera o Kaisareya yaanivelleellattho o enyumba ya muthu nnddina naye Mnasoni wi nakhalle wenko. Aari oovenyera o Kupro nave aari oohuddera waambeella khalle.

Mitteko 3:18

Mulluku aallotella khalle oweella mwa anamallotella attheene wi Mesiya anaphwanella wi ahoosiwe nave ddaakwakhwanihiwa.

Mitteko 4:25

Ni Munepa Waweella mwaallota mwa nikhollo nahu Davide, oorumeyellaanyu, allotilleeye wi, ‘Athu oohimullapella Mulluku yashelle tini murima athu yiiwananelle tini va ddeko ddoohikhalla ni mutteko?

Mitteko 9:15

Koma Apwiya yaallota wi, “Khawe kaambiiwa koomutthoolla wi akhalle echipangizwaaka, allalleye nnddina naka wa athu ayo ehiri Aisraele ni mamwene ni athu a o Israele.

Afilipi 2:14

Mweereke ddittheddene moohiwinya apaalle ovaanya,