Mitteko 15:4 - Mawu a Mulluku

⁴ Yaphiyalliiwa o Yerusalemu, yahaakhelliwa ni mpingo, amurummwa ni attekweene nave yaatthopoolla erive ello Mulluku eerilleeye oweella mwa alliwaayo.

Mitteko 15:4 Iomraidhean Croise

Mateyu 10:40

“Oyo anawaakhellani nyuwaano anakaakhellattho miyaano, oyo anakaakhella miyaano annamwaakhellattho Mulluku oyo akirumalle.

Mitteko 11:30

Vano yaheera yeella voowinnyani Baranaba ni Saulo makobiri wi yawinnye attekweene a mpingooyo.*

Mitteko 14:27

Yaphiyalliiwa o Antiyokeya, yahaatthukumaniha athu a mpingo vamodda yaalleella ddittheddene Mulluku eerilleeye oweella mwa alliwaayo. Nave yahaalleellattho mmo Mulluku aworelleeye wi athu ayo ehiri Ayuda ekhulupilile.

Mitteko 15:12

Mulloko wa athu muttheene khawaallotille ello mvo yawiiwellelliiwa Baranaba ni Paulo ellotoka dda ezizindikiro ni ddoottikhiniha ddittheddene Mulluku eerilleeye oweella mwa alliwa variyari va athu ayo ehiri Ayuda.

Mitteko 15:2

Nave Paulo ni Baranaba yaavaanyihanana athu oovenyera o Yudeyaayo moollipa dda yeella. Sika yahiiwanana wi Paulo ni Baranaba owaaka athu amodda o Antiyokeya eye o Yerusalemu yawoone amurummwa ni attekweene wi yakambirane dda ehuddihweella.

Mitteko 15:22

Nave amurummwa ni attekweene, vamodda ni mpingo muttheene, yahiiwanana wi yaatthoolle athu amodda ovenyera mu mullokwiiwa wi yaarumihe wa Antiyokeya vamodda ni Paulo owaaka Baranaba. Vano yahaatthoolla athu eelli Yudasi ooromolliwa Barasaba ni Sila, ayo yaari ooriiheya vayari va ookhulupililaayo.

Mitteko 15:3

Vano Mpingo waarumihalliiwa nave yavirelliiwa o ezigawo dda Fenisiya ni Samariya, yaavuwiha dda orukunuwa murima wa athu ayo ehiri Ayuda nave epilli yeella yahaahakallalliha ookhulupilila attheene.

Mitteko 15:6

Nave amurummwa ni attekweene yaakumana wi ekambirane phaama dda mwaha yoolla.

Mitteko 16:4

Yeetiiwa m'matawoni, yahaalleella ookhulupilila malamulo ayo yiiwananne amurummwa ni attekweene a o Yerusalemu.

Mitteko 18:27

Vano Apolo aapaalla wi aye o Akaiya, sika ookhulupilila a o Efeso yaamukavihera voomulembellani kalata awi awinnye ookhulupilila a o Akaiya, waalleella wi emwaakhelle. Aphiyalleeye, ahaakavihera ayo yakhulupililalle mwa echisomo ya Mulluku.

Mitteko 21:17

Naphiyalleehu o Yerusalemu, ookhulupilila yaanaakhella moohakallalla.

Mitteko 21:19

Paulo ahaavaha mooni nave aatthopoollella phaama ddittheddene nnddo Mulluku eerilleeye variyari va athu ayo ehiri Ayuda oweella mwa mitteko ddaye.

Aroma 15:18

Kineerollota moohoova ddennddove Khrisitu eerilleeye oweella mwa miyaano wi kineeroweeriha athu ayo ehiri Ayuda omwiiwellella Mulluku. Kineereweera ddenndda voollotani ni voopharani muttekwaaka

Aroma 15:7

Sika mwaakhullellaneke wonanko mmo Khrisitu awaakhullelleeyeni wi athu emutitimiheke Mulluku.

1 Akorinto 15:10

Koma ni echisomo ya Mulluku miyaano kiri mmu kikhallelleemi nave echisomo aakivahilleeye kheyaari yoohikhalla ni mutteko. Koophara mutteko moollipiha ohiyana ni amurummwa amodda attheene naari khe miyaano koma echisomo ya Mulluku eyo enaphara mwa miyaano.

2 Akorinto 5:19

Sika Mulluku ahaattana ni ellapo yavatthi ettheene oweella mwa Khrisitu nave khaawerengelle machimwiiwa. Nave aaniinya othenga wawi nikhalleke mwawaattana wi niwullalleye.

2 Akorinto 6:1

Sika voopharani mutteko vamodda ni Mulluku, ninnuuvekani nyuwaano mwaakhenlle echisomo ya Mulluku wi ehikhalle yoohikhalla ni mutteko.

Akolose 4:10

Aristariko, oyo ari mundende ni miyaano, anuuvahani mooni. Navettho Mariko mullamwaaye a Baranaba anallota wi mooni. Mohaakhella khalle malangizo oomwaakhellella Mariko aphiya wenko.

2 Yohane 1:10

Sika vano, mmodda awa wa nyuwaano ahiwaana ehuddiho yeella, muhimwaakhelle mpa mwanyu apaalle omvaha mooni.