Mitteko 14:1 - Mawu a Mulluku

¹ Ddeko ddeereye o Antiyokeya* ddaheereyattho o Ikonio. Paulo ni Baranaba yaavollowa mu enyumba yamavekello nave ellalleya wawi Ayuda anchichi owaakattho athu ayo ehiri Ayuda yaakhulupilila.

Mitteko 14:1 Iomraidhean Croise

Mariko 7:26

Mutthiyanooyo aari Mugriki* mmodda ooyariwa o echigawo ya Fenisiya o Siriya. Aamuveka Yesu wi akhumihe munepa woonanara mwa mwanayooyo.

Yohane 12:20

Agriki* amodda yaari nimodda ni ayo yawiille o Yerusalemu woomullapella Mulluku va Ehakallallo ya Paska.

Yohane 7:35

Attekweene a Ayuda yaakohana wi, “Anaaye wuuwi wi hiyaano nihimuphwanye. Apaalle anaaye o mizinda dda athu ayo ehiri Ayuda wi aahuddiheke yaayo, nko athwaahu epallalleyelliiwawo?

Mitteko 11:21

Masiva a Apwiya yaari ni alliwaayo nave athu anchichi yaakhulupilila erukunuwella murima wa Apwiya.

Mitteko 13:43

Athu yapallalleyiiwa va mutthukumanooyo, Ayuda anchichi ni athu ayo yahaari Ayuda koma yathwara echikhulupililo ya Ayuda yahaathwara Paulo ni Baranaba. Amurummwa eellaalla yahaalleella athwaayo ni waallipiha murima wi evirellelle okhulupilila echisomo ya Mulluku.

Mitteko 13:46

Koma Paulo ni Baranaba yaallota moollipa murima wi, “Waari woophwanella wi mawu a Mulluku ellotiwe wa nyuwaano vawaamba. Ekaamba yawi mohaakhoota, mohooniha wi khamunaphwanella okumi woohimalla, nineerewuuhiyani niye wa athu ayo ehiri Ayuda.

Mitteko 13:5

Yaphiyalliiwa o muzinda wa Salamisi, yaallalleya mawu a Mulluku mu enyumba ddamavekello.* Yaarittho ni Yohane Mariko oyo aakavihera mutteko.

Mitteko 13:51

Amurummwa eellaalla yaattattha nthupi omanyalloni wiwa mowaavaanyiha nave evirellella olendwiiwa oya o Ikonio.

Mitteko 14:19

Ayuda amodda yavenyenre o Antiyokeya ni o Ikonio, yahaakopa athwaalle wi ekhalle ni alliwa. Yaamuvokha malluku Paulo emupurullella otte wa muzindooyo vawi yaganiza wi ookhwa.

Mitteko 14:2

Nave Ayuda ayo yahikhulupililaayo yaaweeriha athu ayo ehiri Ayudaayo wi ekanganganeke ni athu yakhulupililaayo.

Mitteko 14:21

Paulo ni Baranaba yaallalleya othenga waphaama wa athu mu Derbe nave yahaakopa oohuddera anchichi. Vano yaahokollweella o Listara, o Ikonio ni o Antiyokeya.

Mitteko 16:1

Paulo ni Sila yaaphiya o Derbe ni Listara, wenko yaamuphwanyawo oohuddera mmodda nnddina naye Timoteo. Amennyattho yaari ookhulupilila, yaarittho Muyuda nave attiitthinnya yaari Mugriki.*

Mitteko 16:2

Ookhulupilila attheene a o Listara ni Ikonio yaallota ddaphaama dda Timoteo.

Mitteko 17:12

Anchichi a yaayo yaakhulupilila nave allopwana ni atthiyana a Egriki ooriiheya anchichi yaakhulupililattho.

Mitteko 17:17

Sika aakambirana ni Ayuda ni athu ayo ehiri Ayuda, oomullapella Mulluku, mu enyumba yamavekello. Navettho aanakambirana nirive nllapo vamusikani ni athu ayo yaari wenko.

Mitteko 17:4

Amodda a athwaayo yaakopeya yaathwara Paulo ni Sila navettho mulloko muullupalli wa Agriki* ayo yamullapella Mulluku ni atthiyana oohoollella anchichi yahaathwara.

Mitteko 18:4

Nirive nllapo na Sabata aanakambirana ni Ayuda naarittho Agriki* mu enyumba ddamavekello* wi ekhulupilile.

Mitteko 18:8

Krispo oyo aari muttekweene a mu enyumba yamavekello, aakhulupilila mwa Apwiya vamodda ni nibanja naye nittheene. Nave athu amodda anchichi a o Korinto ayo yiiwalle mawu a Paulo, yaakhulupilila nave yaabatiziwa.

Mitteko 19:10

Ddenndda ddaheereya wa miyakha miilli, wawi athu attheene ayo yakhalla o echigawo ya Asiya,* Ayuda ni athu ayo ehiri Ayuda, yahiiwa mawu a Apwiya.

Mitteko 19:17

Ayuda attheene ni athu ayo ehiri Ayuda ayo yakhalla o Efeso yahiiwa ddenndda. Nave attheene yahoova nave nnddina na Apwiya Yesu naariihiwa wuullupalli.

Mitteko 19:8

Wa miyeri miraru Paulo aanaya mu enyumba yamavekello nave aanallota moollipa murima wa athu, okambiranana ni opaalla waakopella mu omwene wa Mulluku.

Mitteko 2:47

Nave yaanamutitimiha Mulluku nave yaanakondiwa ni athu attheene. Vano nllapo ni nllapo Apwiya yanawaanjerera omullokonooyo ayo yavullusiwe.

Mitteko 20:21

Wa Ayuda ni athu ayo ehiri Ayuda kahaachenjeza wi erukunuwe murima ewe wa Mulluku nave ekhulupilile mwa Apwiihu Yesu.

Mitteko 21:28

Yaakhuwa wi, “Aisraele nyu! Nikavihereni, olla sika muthu olle ayiille virive veko ahuddihaka ddawaavaanyiha Aisraele, malamulo a Mose ni enyumba ya Mulluku. Navettho ohaavollochiha athu ayo ehiri Aisraele mu enyumba ya Mulluku nave anaripiha nipuro noopatuleyanna!”

Mitteko 9:20

Enthawi yeeyo ahaamba ollalleya mu enyumba ddamavekello wi Yesu tti Mwaana a Mulluku.

Aroma 1:16

Othenga waphaama khonakiwulliha muru. Vawi yoolla tti masiva a Mulluku oovullusa arive muthu arina echikhulupililo, vawaamba Ayuda navettho athu ayo ehiri Ayuda.

Aroma 10:12

Nndda tti dda arive muthu kaambiiwa khuwaavo ohiyana variyari va Ayuda ni athu ayo ehiri Ayuda vawi attheene eri ni Apwiya amodda a athu attheene nave annaadalisa wunchichi attheene enamwiithana olliyooyo.

Agalatiya 2:3

Mukhwaaka Tito naari tti Mugriki,* khaawatiheriwe wi aphaddiwe.

Agalatiya 3:28

Sika khawiivo ohiyana variyari va Ayuda ni athu ayo ehiri Ayuda, variyari va akaporo ni athu ehiri akaporo, variyari va allopwana ni atthiyana. Attheenenyu tti amoddamoddave mu eyaattano ya Khrisitu Yesu.

Akolose 3:11

Ekaamba ya yeella, khuwaavo ohiyana variyari va Ayuda ni athu ayo ehiri Ayuda, oophaddiwa ni oohiphaddiwa, athu a ellapo ddimodda, athu oohihuddera, akaporo ni athu eyo ehiri akaporo nave Khrisitu sika ari oopaalleya, Khrisitu ari mwa attheene.

2 Timoteo 3:11

ddoohoosa ddaka ni ddookatamiha ddaka. Onnadduwella wi ddittheddenenndda ddaakeereyella o Antiyokeya,* o Ikonio ni o Listara. Kaavillella ddoohoosa nave Apwiya sika yakaakihalle miyaano.