Mitteko 13:44 - Mawu a Mulluku

⁴⁴ Sika nllapo na Sabata noothwarellellanno, vakhuviru athu attheene a m'muzindanimmo yaawa wi yiiwelle mawu a dda Apwiya.

Mitteko 13:44 Iomraidhean Croise

Genesis 49:10

Yuda eneerophareella ekopo yoomwene enthawi ddittheddene. Aneerowummellella omwenooyo, nave aneerosunga masiviiwa, ophiyera mwaneenaneena aphiyalle, oyo anaalamulelle athu attheene.

Masalimo 110:3

Athwaawo eneerewiivelleella mwa opaalla wiwa va nllapo nno onaawooniheewe masivaawo vamwaangoni waweella. Asombwaawo eneeroowa wa weyaano mwawaata wonanko nikame ohinase.

Yesaya 11:10

Nllapo nenno musisi wa Davide enaakhalle embendera wa athu a mitundu ddittheddene. Attheene eneerotthukumana wa olliye nave nipuro naye ninaakhalle na ntitimiho.

Yesaya 60:8

Ethiyo nndda tti tini ddinapallalleya wonanko mirapo, ddiri wonanko ekhunda ddoohokollweella omakhollani wiwa?

Mateyu 8:34

Vano athu attheene a mutawoni mulle yaakhuma wi ekumane ni Yesu. Yamoonilliiwa yaamuveka wi avenyewo o echigawiiwa.

Mitteko 13:14

Nave yaavirellella ovenyera o Perga ephiya wa Antiyokeya a mu echigawo ya Pisidiya nave va nllapo na Sabata yaavollowa mu enyumba yamavekello ekeraatthi.