Mitteko 13:39 - Mawu a Mulluku

³⁹ Koma oweella mwa Yesu arive muthu oyo anakhulupilila aneerottaphulliwa.

Mitteko 13:39 Iomraidhean Croise

Yobu 25:4

Ethiyo muthu ttuulungama mwawiidde vamiitthoni va Mulluku? Ethiyo ooyariwa mwa mutthiyana aneelle mwawiidde?

Yobu 9:20

Naari kiri oohilakwa, eyanwaaka eneerokivaanyiha, eneerokiphwanya ni yoolakwa naari kihipahunlle ello.

Masalimo 143:2

Muhinakiipa mullatu mi oorumeyellaanyu vawi khaavo muthu mukumi oyo ari oolungama vamiitthoni vanyu.

Yesaya 53:11

Wamalla ohoowa wayenko, aneerokwakhwanihiwa ni mphurwaaye. Mweezeru, oorumeyellaaka oolungama aneerewiireya machimo a athu attheene wi anchichi eneerolungamihiwa.

Yeremiya 31:32

Khekhallattho wonanko echipangano elle kakeraatthilleemi ni makhollwiiwa kaaphareelleemi muwono kaakhumiha o Iguputo. Echipangano yeeyo yaayitathilla naari kaari pwiiwa. Mi Apwiya koollota.

Habakuku 2:4

Ngoonani, oyo ahinna murima woolungama khavulluwa koma oolungama eneerokhalla ni okumi ekaamba ya echikhulupililwiiwa.”

Luka 10:25

Muhuddihi a malamulo* mmodda ahiimella wi amweese Yesu, amukoha wi, “Ahuddihi, keere tini wi kaakhelle okumi woohimalla?”

Luka 10:28

Yesu aamulleella wi, “Wohaakhulla phaama. Khawe weere ddennddo nave oneerewaakhella okumi woohimalla.”

Luka 18:14

Yesu aallotave wi kinimuulleellani wi, “Ookhomiha musonkhoolla aaya owaniwa alungamihiwe koma ohiri Mufarisoolle. Vawi attheene enaddunnuwiha weekhiiwa eneeroyevihiwa nave ayo eniiyeviha weekhiiwa eneerewunnuwihiwa.”

Yohane 1:17

Mulluku aanivaha malamulo oweella mwa Mose koma echisomo ni yawoona ddaawa oweella mwa Yesu Khrisitu.

Yohane 5:24

“Ddawoona, kinimuulleellani wi, oyo aniiwa ni wiiwellella mawaaka nave anakhulupilila mwa yooyo aakirumalle ookhalla ni okumi woohimalla. Yoolla kheeruziwa koma ookhuma khalle wa ookhwa avollowa mu okumi.

Mitteko 10:43

Anamallotella attheene yaallota dda olliye wi, attheene enakhulupilila mwa olliye eneerokhululukelliwa machimwiiwa oweella mwamasiva a nnddina naye.”

Aroma 10:10

Vawi ninalungamihiwa vamiitthoni va Mulluku ekaamba ya echikhulupilwaahu nave ninavullusiwa ekaamba ya waakhullella wahu.

Aroma 10:4

Vawi Khrisitu ookwakhwaniha malamulo wi arive muthu anakhulupilila alungamihiwe vamiitthoni va Mulluku.

Aroma 3:19

Vano ninnadduwella wi erive ello m'malamuloni mmo enallota dda ayo enalamuliwa ni malamulwaayo wi athu ehikhalle ni mawu oothawellavo nave wi ellapo yavatthi ettheene yeeruziwe ni Mulluku.

Aroma 3:20

Vawi Mulluku khaamulungamihalle arive muthu vamiitthoni vaye ekaamba ya wiiwellella malamulo. Malamulo enakhulla moona waadduwelliha athu wi aachimwa.

Aroma 4:15

Vawi malamulo ennamweeriha Mulluku waashella murima athu koma vaahikhalla malamulo khavinakhalla ohiiwellella wa malamulo.

Aroma 4:24

koma enaakattho dda hiyaano ayo ninaakhullelliwe wi tti oolungama, ayo ninamukhulupilila olliye oyo aamuvenyihalle Yesu Apwiihu wa ookhwa.

Aroma 5:1

Vawi vano Mulluku aanilungamiha kaambiiwa ninnamukhulupilila, nookhalla vamurendelleni ni Mulluku oweella mwa Apwiihu Yesu Khrisitu.

Aroma 5:20

Malamulo yaavelleelliwa wi athu edduwelle waata wa machimwiiwa koma machimo yaatilliiwa, echisomo ya Mulluku yahaanjerereya.

Aroma 5:9

Vawi noolungamihiwa ni Mulluku ekaamba ya nikhame na Yesu, vano yookatamiha ttiivi ovullusiwa o osha murima wa Mulluku.

Aroma 8:1

Vano athu ayo enakhalla mu eyaattano ni Khrisitu Yesu khenna mullatu vamiitthoni va Mulluku.

Aroma 8:3

Mulluku aheera eyo malamulo a Mose yahiwonriiwa weera kaambiiwa omuthu waalephela. Olliye aahumullulla machimo oomuthwaayo voomurumihani mwanaye, oyo aawiille mwa mwiilli wonanko muthu oochimwa wi amallihe machimo.

Aroma 9:31

Koma Aisraele, ayo yaashaasha malamulo owaalungamiha vamiitthoni va Mulluku, kheyaaphwanyille.

1 Akorinto 6:11

Amodda a nyuwaano mwaari awi ddiidda. Koma machimwaanyu yaakhululukiwa, mwaheellihiwa nave mwaheeriwa oolungama vamiitthoni va Mulluku mwa nnddina na Apwiya Yesu Khrisitu navettho Munepa wa Mullukwaahu.

Agalatiya 2:16

Nave ninnadduwella wi muthu analungamihiwa ni Mulluku oweella mu echikhulupililove mwa Yesu Khrisitu, ohiri vawiiwellellani malamulo. Sika nookhulupilila mwa Khrisitu Yesu wi neeriwe aphaama ni Mulluku oweella mu echikhulupililo mwa Khrisitu nave ohiri vawiiwellellani malamulo. Vawi khaavo muthu aneeriwa oolungama vawiiwellellani malamulo.

Agalatiya 2:19

Vano Miyaano kiri wonanko ookhwa ekaamba ya malamulo. Sika nginakhalla ni okumi wi kirumeyelleke malamulo koma kimurumeyelleke Mulluku. Kootthomeyiwa vamodda ni Khrisitu vamutandani,

Agalatiya 3:8

Mawu a Mulluku yaallotella wi Mulluku aneeroweera oolungama athu ayo ehiri Ayuda oweella mu echikhulupililo. Sika Mulluku aamulleella Abrahamu wi, “Oweella mwa weyaano mitundu ddittheddene ddineerodalisiwa.”

Agalatiya 5:3

Wiillittho, kinamuchenjeza arive muthu anapaalla ophaddiwa wi anaphwanella wiiwellella malamulo mattheene.

Aheberi 10:11

Allupa mukutho enaphara muttekwiiwa nllapo ni nllapo oheraatthi mukutho mmoddamoddave oyo ohinawora ohuwa machimo.

Aheberi 10:4

Vawi nikhame na eng'ombe ni na epuri khaniwora ohuwa machimwiiwa.

Aheberi 7:19

Vawi malamulo a Mose kheyaaworille weeriha ddeko ddittheddene okhalla ddaphaama. Koma vano noovahiwa etiyerello yuullupalli eyo enanaatamelliha vakhuviru ni Mulluku.