Mitteko 13:34 - Mawu a Mulluku

³⁴ Dda omuvenyiha olliye wa ookhwa nave ohimuhiya wi untellettho mu mahame, Mulluku aallota khalle wi, ‘Kineerewuuvaha madaliso aweella ni oororomelleya ayo kalonjezilleemi khalle wa Davide.’

Mitteko 13:34 Iomraidhean Croise

2 Samuele 23:5

Vano Mulluku aneerodalisa edduullu ddaka kaambiiwa olliye aheera echipangano yoohimalla ni miyaano. Echipangano yootthopoowa phaama ni yoohimalla. Nndda sika kinakhallelleemi munkhella nave sika ddinaakivulluse, Mulluku sika anaaweere ddenndda.

Yesaya 55:3

Apellani maaru nave muwe wa miyaano, kiiwellelle wi mukhalle ni okumi. Kineerokeraatthiha ni nyuwaano echipangano yoohimalla, kineerowoonihani echikondi yoohisintheya ni yoohikayikiha eyo kamulonjezilleemi Davide.

Yeremiya 30:9

Vano enaarumeyelleke mi Apwiya Mullukwiiwa ni edduullu ya Davide eyo kinaayitthoolleemi.”

Yeremiya 33:26

Vano wonanko mmo keerelleemi ddenndda moosimikiza, kineerosunga echipangano eyo kakeraatthihalleemi ni edduullu dda Yakobo ni Davide, oorumeyellaaka. Kineeromutthoolla mmodda mwa edduullu dda Davide wi alamulelleke edduullu dda Abrahamu, Isaki ni Yakobo. Vano kineerewaamorella ethakaraka ni waahokollosellattho ddaphaama.”

Hoseya 3:5

Vatulli viwa Aisraelaayo eneerohokollowa ni owaashaasha Apwiya Mulluku ni edduullu ya Davide mweniiwa. Enthawi yeeyo Aisraele eneerowoovattho Apwiya nave eneerewaakhella ddaphaama ddiwa.

Amosi 9:11

Apwiya enallota wi, “Enthawi yeeyo kineerohokollosella omwene wa Davide oyo wakumuwalle wonanko enyumba. Kineeropotokosattho esiri ddiwa ddookumuwa ni omakattho matepiiwa, kineerewuuhokollosellattho mwakhalle.

Zekariya 12:8

Nllapo nenno Apwiya eneerewaateteza ookhalla o Yerusalemu mwawi athu oofooka wunchichi mwa alliwa enaakhalle amasiva wonanko Davide. Sika nibanja na Davide ninaakhalle noolamulella wonanko Mulluku, wonanko mungelo a Apwiya awaahoollella.

Mitteko 13:30

Koma Mulluku aamuvenyiha wa ookhwa.

Mitteko 13:33

Vano ddookwakhwanihiwa wa hiyaano edduullu ddiwa, Mulluku voomuvenyihani Yesu wa ookhwa. Moollikana ni ddalembiwe mu nchipo naneepiilli wi, ‘Weyaano tti Mwanaka, ollello kohuuyara weyaano.’

Mitteko 13:37

Nave yeella kheyaawereyille wa oyo Mulluku amuvenyihalleeye wa ookhwa.

Mitteko 2:24

Koma Mulluku aamuvenyiha wa ookhwa, amuttaphulla o ddoovoreya dda okhwa kaambiiwa khawaari wooworeya wi okhwa omuwanddeellelle.

Aroma 6:9

Vawi ninnadduwella wi Khrisitu oovenyihiwa wa ookhwa nave wi khakhwattho, sika okhwa khonnattho masiva va olliyooyo.