Mitteko 13:3 - Mawu a Mulluku

³ Vano yaahalla ocha, yaavekella, yahiiyaatthi mattiiwa va alliwaayo nave yaaruma.

Mitteko 13:3 Iomraidhean Croise

Numeri 27:23

Vano aamwiiyaatthi matta, amwinnya odindo moollikana ni mmo yamulangizelle Apwiya.

Luka 2:37

Vano aari ni miyakha 84. Khaavenyillemo mu enyumba ya Mulluku koma aanallapella mahiiyu ni otthaana, voohallani ocha ni ovekella.

Mitteko 1:24

Yaavekella wi, “Apwiya, nyuwaano sika munadduwella mirima dda athu attheene. Vano munoonihe oyo mumutthoonlleenyu va eellaalla

Mitteko 13:2

Yaallapelliiwa Apwiya ni ohalla ocha,* Munepa Waweella aallota wi, “Okitthoollelle Baranaba ni Saulo wi yaphare mutteko oyo kawiithanelleemi.”

Mitteko 13:4

Yarumiwiiwa ni Munepa Waweella, Baranaba ni Saulo yaaya o muzinda wa Seleukiya nave yaheeta vakallawani ovenyera wenko nave yaphiya o echilumba ya Kupro.

Mitteko 14:23

Va orive mpingo yahaatthoollavo attekweene nave ni mavekello owaakattho ohalla ocha* yahaavelleella wa Apwiya, ayo yaakhulupililiiwa.

Mitteko 14:26

Nave yavenyeriiwa wenko yaawella ekallawiiwa ehokollweella o Antiyokeya ekaamba yawi yaamalliha muttekwiiwa. Sika yaahokollweella onipuroni wulle yavelleelliwiiwa wa Mulluku wi aweerelle echifundo vamuttekonoolle.

Mitteko 15:40

Nayeene Paulo amutthoonlle Sila yaatimulla, ookhulupilila yaavekella wi Apwiya eweerelle echifundo wi yeete phaama.

Mitteko 6:6

Mullokooyo wahaavelleella athwaayo wa amurummwa, ayo yaavekenlle navettho yaadalisalle vawiiyaatthini mattiiwa va miru ddiwa.

Mitteko 9:17

Vano Ananiya aatimulla, avollowa mpa mwaari Saulooyo, iiyaatthi mattaaye va olliye allota wi, “Mwanamunnaka Saulo, Apwiya Yesu aakiruma miyaano yeekhiwa, tti yaalla yawooneyelle vamusewuni waweewe wuno. Ekirumalle wi woonettho ni ohoollelliwa ni Munepa Waweella.”

Aroma 10:15

Nave othengooyo onaallalleyiwe mwawiidde athu ehirumiwe? Mawu a Mulluku eni, “Tti woohakallalliha owa wa oollalleya othenga waphaama”

1 Timoteo 4:14

Ohivevulle emphaso eri mwa weyaano, eyo yavahiwe wa weyaano oweella mwa mawu oollotella va enthawi ya wiiyaatthi wa matta a attekweene va weyaano.

1 Timoteo 5:22

Ohaakuveke wiiyaatthi matta va muthu naari ochimwa vamodda ni athu amodda. Weyaano vaweekhaawo okhalleke aweella.

2 Timoteo 1:6

Ekaamba ya yeella kinimawuupusa wi okharihe wonanko munllo emphaso eyo waavahiwewe ni Mulluku kiyaattheemi matta va weyaano.

2 Timoteo 2:2

Vano nnddo wiiwalleewe wa miyaano vamiitthoni va amboni anchichi, waalleellettho ddennddo athu oororomelleya ayo enaawore waahuddihattho amodda.

3 Yohane 1:6

Yaavelleella omboni dda echikondaawo o mpingo. Ddineerokhalla phaama waakavihera mu ettilla yoomuhakallalliha Mulluku wi evirellelle olendwiiwa.

3 Yohane 1:8

Sika, hiyaano ookhulupilila ninaphwanella waakavihera athu yaalla wi niphareke mutteko nimodda voovuwihani yawoona.