Mitteko 13:26 - Mawu a Mulluku

²⁶ “Aisraele akhwaaka, edduullu dda Abrahamu ni athu attheene ayo ehiri Ayuda koma munamoova Mulluku, othenga woollota dda ovullusa waarumihiwa wa hiyaano!

Mitteko 13:26 Iomraidhean Croise

2 Epilli 20:7

Nyu Mullukwaahu, ethiyo khemwaawiikanre aneetthi amwiillaponimmu ehinaphiyemo Aisraele athwaanyu nave muyivaha wa edduullu dda Abrahamu mukhwiinyu wa enthawi yoohimalla?

Masalimo 105:6

nyu edduullu dda oorumeyelliiwa Abrahamu, anamwani a ootthoolliwiiwa, Yakobo.

Yesaya 41:8

Koma we Israele oorumiwaaka, we Yakobo ootthoolliwaaka tti edduullu ya Abrahamu mukhwaaka.

Yesaya 46:13

Kinnasusella vakhuviru ni ovullusa waka, kohaatamella, ngiselliwa wuuvullusani. Kineeromuvullusa Ziyoni, kineeroyiriiha ellapo ya Israele.”

Yesaya 48:1

Nyu a nibanja na Yakobo, ngiiwani nndda, nyu munaromolliwa ni nnddina na Israele, nyu edduullu dda Yuda. Munnallupella vamiitthoni va Apwiya, munavekella wa Mulluku a Israele, koma moohiroromelleya ni moohilungama.

Mateyu 10:6

Koma muye wa athu a o Israele ayo tti wonanko enkhosa ddoohollowa.

Mateyu 3:9

Nave muhinallotaka weekhiinyu wi, ‘Abrahamu sika nikhollo nahu.’ Kinimuulleellani wi Mulluku ttuuwora otthattusa mallukwaalla okhalla edduullu dda Abrahamu.

Luka 1:69

Oonivaha Oovullusa amasiva, edduullu ya Davide, oorumeyellaaye,

Luka 1:77

Oneerewaalleella athwiiwa wi eneerovullusiwa, vookhululukelliwani machimwiiwa.

Luka 24:47

Nave mu nnddina naye ollalleyiwe othenga woorukunusa murima ni okhululukiwa wa machimo wa athu attheene, waambeella mu Yerusalemu.

Yohane 6:68

Simoni Petro ahaakhulla wi, “Apwiya, ninaaye wa aani? Tti nyeeneve muri ni mawu oovaha okumi woohimalla.

Mitteko 10:2

Aanamoova Mulluku, olliye ni nibanja naye nittheene. Aaneerattho ddeko ddinchichi waakavihera Ayuda oohoowa nave aanavekella wa Mulluku mallapo mattheene.

Mitteko 10:35

Ayo enamoova olliye ni weera echilungamo ennaakhullelliwa ni olliyooyo nave olliyooyo khanoonattho wi enavenyera mutundu wa aani.

Mitteko 13:43

Athu yapallalleyiiwa va mutthukumanooyo, Ayuda anchichi ni athu ayo yahaari Ayuda koma yathwara echikhulupililo ya Ayuda yahaathwara Paulo ni Baranaba. Amurummwa eellaalla yahaalleella athwaayo ni waallipiha murima wi evirellelle okhulupilila echisomo ya Mulluku.

Mitteko 13:46

Koma Paulo ni Baranaba yaallota moollipa murima wi, “Waari woophwanella wi mawu a Mulluku ellotiwe wa nyuwaano vawaamba. Ekaamba yawi mohaakhoota, mohooniha wi khamunaphwanella okumi woohimalla, nineerewuuhiyani niye wa athu ayo ehiri Ayuda.

Mitteko 16:17

Aamuthwara Paulo ni hiyaano akhuwaka wi, “Athwaalla tti oomurumeyella Mulluku Muullupalli! Enallalleya wa nyuwaano mmo munaavulluselliweenyu!”

Mitteko 22:5

Mullupa mukutho muullupalli ni attekweene a millatu attheene ekhalle mboni wi kinallota ddawoona. Yaakivaha makalata owaalembella Ayuda akhwiihu o Damasiko, sika kaayaawo wi kaamake athu oothwara ettilla ya Apwiya wi kiweena o Yerusalemu wuno wi ellakiwe.

Mitteko 28:28

Nave Paulo aamalliha ni wi, “Vano mudduwelle wi Mulluku oorumiha mawaaye oovullusa wa athu ayo ehiri Ayuda. Alliwaayo eneerowiiwella!”

Mitteko 3:26

Nave Mulluku amutthoonlleeye oorumeyellaaye, aambille omurumiha wa nyuwaano wi uudaliseni vooweerihani attheenenyu wi murukunuwe murima o machimwaanyu.”

Mitteko 4:12

Nave khaavo muthu koma Yesuve oyo anawora waavullusa athu vawi va ellapo yavatthi ettheene khaniivo nnddina nimodda navahiwe ni Mulluku wi nivullusiwena.”

Mitteko 5:20

“Khaweni mu enyumba ya Mulluku nave mwaalleelle athu dda okumi wanaanweenoolla.”

Aroma 1:16

Othenga waphaama khonakiwulliha muru. Vawi yoolla tti masiva a Mulluku oovullusa arive muthu arina echikhulupililo, vawaamba Ayuda navettho athu ayo ehiri Ayuda.

Aefeso 1:13

Nave mwaakhulupilila mwa Khrisitu mwiiwalleenyu othenga wawoona, othenga wa ovullusiwa wanyu. Nave Mulluku ahuuvahani Munepa Waweella alonjezilleeye wi ekhalle echizindikiro yawi nyuwaano tti aaye.

Akolose 1:5

Nndda ddiri ddiidda kaambiiwa munatiyerella ddeko nnddo ddisungiwe oddullu. Vawi mwahiiwa dda nndda mvo yawoona, eyo tti othenga waphaama, wallalleyiwiiwa wa nyuwaano.