Mitteko 13:19 - Mawu a Mulluku

¹⁹ Aheeriha wi mitundu mitthanu ni miilli ddoonongiwe mu Kanani nave aweera athwaaye ekhalla aneena a ellapweeyo.

Mitteko 13:19 Iomraidhean Croise

Genesis 12:5

Abramu aamukusa mwaariye Sarai, Loti mwaana a mung'onong'onwaaye ni eyuumaaye ettheene ni akaporo aariiyena o Harani. Sika ahaamba olendo wooya o Kanani. Ephiyalle o Kanani,

Genesis 17:8

Ellapo ella onakhalleewemo wonanko mulleto, kineerewuuvaha weyaano ni edduullu ddawo. Ellapo ettheene ya Kanani enaakhalle ya edduullu ddawo wa enthawi yoohimalla nave miyaano kineerokhalla Mullukwiiwa.”

1 Mamwene 6:1

Vimanlle miyakha 480 Aisraele ekhumalle o Iguputo, muyakha waneesese wa omwene wa Solomoni mu Israele va mweeri wa Zivi oyo ori mweeri waneepiilli Solomoni ahaamba omaka enyumba ya Apwiya.

Nehemiya 9:24

Sika edduullu ddaavollowamo ddaakha ellapweeyo. Mwahaagonjihella athu a mwiillaponimmo, Akanani. Mwahaavelleella mamwene ni athu attheene amwiillaponimmo wi eweerena erive ello enapaalliiwa.

Masalimo 135:11

Sihoni mwene Aamori, Ogi mwene a o Bashani ni mamwene mattheene a o Kanani.

Masalimo 78:55

Ahiikariha mitundu ddimodda dda athu waavenyihamo muttilla, aayikawakawa ellapwiiwa wi ekhalle yoohallana ya athwaaye, aakeraatthiha malloko a Israele m'misasani mwa athwaayo.

Yesaya 34:17

Apwiya aakawa ellapweeyo wa erive enama echigawiiwa. Ellapweeyo enaakhalle yayiwa wa enthawi yoohimalla nave ddinaakhalleke mwemmo va mibado ddiwa ddittheddene.

Mitteko 7:45

Ddimallille ddenndda makhollwaahu yahaakhella musasa ovenyera wamakhollwiiwa, yaawaana wuno Yoswa aariiye oohoollelliiwa nave yaakhilliiwa ellapo ovenyera wa mitundu nnddo ddiikarihiwe ni Mulluku alliwaayo yawiiwa. Yaari variyari viwa ophiyera enthawi ya mwene Davide.

Deuteronomo 7:1

“Apwiya Mullukwaanyu eneerewuuphiyihani mu ellapo eyo munaawaakheenyu nave mitundu ddimodda ddittheddene eneeroddiikarihamo. Alliwa eneerewiikarihamo mitundu mitthanu ni miilli ddookhalla ni athu anchichi ni amasiva wuukhwaranyani nyuwaano monga Ahiti, Agirigashi, Aamori, Akanani, Aperezi, Ahivi ni Ayebusi.

Yoswa 14:1

Nndda tti ellapo nnddo Aisraele yaakhenlliiwa mu ellapo ya Kanani nnddo mullupa mukutho Eleazara, Yoswa mwaana a Nuni, oohoollella a mabanja a malloko a Aisraele yaakawenlliiwa Aisraele.

Yoswa 18:10

Vano Yoswa ahoombesa, vamiitthoni va Apwiya o Shilo. Nave nirive nlloko na Aisraele naakawelliwa echigawo ya ellapweeyo.

Yoswa 19:51

Mullupa mukutho, Eleazara, Yoswa mwaana a Nuni ni oohoollella a mabanja a Aisraele sika yakawille ellapo yeella ekhalle yoohallaniiwa vawoombesani vamiitthoni va Apwiya o Shilo, o mullako wa musasa wamutthukumano. Sika yaamalliha okawa ellapo.

Yoswa 23:4

Ngoonani, koovelleella wa nyuwaano mitundu nnddo muhiddigonjihalleenyu wi ddikhalle yoohallanaanyu ya mallokwaanyu o muhinje wa Yordani, mitundu ddittheddene kaddoonongilleemi ni Enyanja Yuullupalli woovollowa nndduwa.

Yoswa 24:11

Mwaallapuwa muhinje wa Yordani mwaphiya o Yeriko. Athu a o Yeriko yaawana ni nyuwaano, owaaka Aamori, Aperezi, Akanani, Ahiti, Agirigashi, Ahivi ni Ayebusi nave kahaavelleella m'matani mwanyu.

Oweeruza 11:26

Wa miyakha 300 Aisraele yakhalla o Heshiboni ni o Aroere ni matawoni mattheene oowaapheella owaakattho mizinda ddittheddene nnddo ddaari mukhwipi mwa muhinje wa Arinoni. Kaambiiwa tini mwahiwaakhilleenyu enthawi yeeyo?