Mitteko 13:16 - Mawu a Mulluku

¹⁶ Sika Paulo ahiimella, uuva ni nnatta naye owiithana athu wi ewe vakhuviru nave aamba ollota wi, “Aisraele akhwaaka owaakattho nyu muhiri Aisraele koma munamoova Mulluku, kiiwelleni!

Mitteko 13:16 Iomraidhean Croise

1 Mamwene 8:40

Mwawi ddiidda athwaanyu eneerekowiiwellellani mallapo mattheene enaakhalliiwa mu ellapo eyo mwaavahilleenyu makhollwaahu.

Masalimo 135:20

Nyu a munibanjani na Levi, atitimiheni Apwiya! Nyu attheene munawoova Apwiya, atitimiheni!

Masalimo 67:7

Ddawoona, Mulluku oonidalisa! Athu attheene a va ellapo yavatthi emooveke.

Masalimo 85:9

Ddawoona, Mulluku tti ookhozeka wi aavulluse ayo enamoova wi ntitimiho naye nikhalle mu ellapwaahu.

Mateyu 11:15

Ngiiwani vano mwaarina maaru awiiwana!

Luka 1:22

Akhumalleeye, khaawonre ollota ni athwaayo, allota ni matta nave aallakallakeya. Sika athwaayo yaadduwella wi muwarimmo ohoonamo masomphenya ovenyera wa Mulluku.

Luka 1:50

Anaweerella echifundo ayo enamoova olliye ovenyera va mbado mmodda ophiyera mmodda.

Luka 23:40

Mmoddooyo aamusimwella wi, “Ethiyo weyaano khonamoova Mulluku? Vawi naweenettho onaakhella ollaka omoddamodda wenngu.

Mitteko 10:2

Aanamoova Mulluku, olliye ni nibanja naye nittheene. Aaneerattho ddeko ddinchichi waakavihera Ayuda oohoowa nave aanavekella wa Mulluku mallapo mattheene.

Mitteko 10:35

Ayo enamoova olliye ni weera echilungamo ennaakhullelliwa ni olliyooyo nave olliyooyo khanoonattho wi enavenyera mutundu wa aani.

Mitteko 12:17

Ahiimesa nnatta naye wi emaalle nave ahaatthopoollella mmo Apwiya yamukhumihelliiwa mundende. Nave aallota wi, “Mumulleelle Yakobo ni ookhulupilila amodda ddenndda.” Nave aavenyavo aya waamodda wene.

Mitteko 13:26

“Aisraele akhwaaka, edduullu dda Abrahamu ni athu attheene ayo ehiri Ayuda koma munamoova Mulluku, othenga woollota dda ovullusa waarumihiwa wa hiyaano!

Mitteko 13:46

Koma Paulo ni Baranaba yaallota moollipa murima wi, “Waari woophwanella wi mawu a Mulluku ellotiwe wa nyuwaano vawaamba. Ekaamba yawi mohaakhoota, mohooniha wi khamunaphwanella okumi woohimalla, nineerewuuhiyani niye wa athu ayo ehiri Ayuda.

Mitteko 19:33

Athu amodda yaaganizera wi Alekizandro anapaalla ollota ello yawoonilliiwa Ayuda emukakhellaka vahoollo. Vano Alekizandro ahiimesa muwonwaaye wi aamaallihe athu nave aatthopoollelle phaama mowaateteza Ayuda.

Mitteko 2:14

Vano Petro ahiimella vamodda ni amurummwa amodda khumi ni mmoddaalle nave olliyooyo ahaamba ollota mookhuwa wi, “Nyu Ayuda, nyu attheene munakhalla mu Yerusalemu, kiiwellelleni miyaano wi mwiiwesese nndda.

Mitteko 2:22

“Iwellellani mawaalla, Aisraele nyu! Yesu a o Nazareti aari muthu arumiwe ni Mulluku wa nyuwaano. Mulluku ahuusimikizellani vaweerani ddoottikhiniha ni ezizindikiro oweella mwa olliyooyo variyari vanyu wonanko nyuwaano aneenaanyu moonilleenyu.

Mitteko 21:40

Oolamulelloolle aamwaakhullella, sika Paulo ahiimella vakhote valle nave iimesa miwono ddaye waamaalliha athwaayo. Yamanlliiwa, Paulo aallotana mu ellotello ya Eheberi.

Mitteko 22:22

Athwaalle yamwiiwelliiwa Paulo, yaamwiiwella ophiyera allotilleeye yeella. Vano yahaamba okhuwa ni mawu oowella wi, “Muthu yoolla khanapaalleya wi akhalle mukumi va ellapo yavatthi! Iiphiwe!”

Mitteko 3:12

Petro awoonilleeye athwaayo, aallota wi, “Aisraele nyu, munattikhinella tini ni yeella apaalle munaniweherati wonanko nimweetihalle muthoolla ni masivaahu apaalle wi niri aweellesesa?

Yawuupullulla 2:11

“Ngiiwani vano mwaarina maaru awiiwana ddinallota Munepa Waweella wa mipingo! Athu ayo enaapambane khevoreyiwa ni okhwa waneepiilli.

Yawuupullulla 2:17

“Ngiiwani vano mwaarina maaru awiiwana ddinallota Munepa Waweella wa mipingo! “Wa ayo enaapambane kineerewaavaha mana mmodda oovittheya. Kineerowaavahattho nlluku naweella noolembiwa nnddina nanaanweene noohidduwelliwa ni muthu mmodda koma yooyove aakhenllooyo.

Yawuupullulla 2:29

“Ngiiwani vano mwaarina maaru awiiwana ddinallota Munepa Waweella wa mipingo!”

Yawuupullulla 2:7

“Ngiiwani vano mwaarina maaru awiiwana ddinallota Munepa Waweella wa mipingo! Wa ayo enaapambane kineerowaakhullella wi eche ovenyera omuteekhoni wa okumi oyo ori mu paradizo a Mulluku.”