Mitteko 13:10 - Mawu a Mulluku

¹⁰ Nave allota wi, “Mwaana a Satana we! Nave mudani a ddeko ddittheddene dda echilungamo, ooddalliwa ni ddeko ddittheddene ddawoottha. Ethiyo khohiya orukunusa yawoona ya Apwiya wi ekhalle yoolleka?

Mitteko 13:10 Iomraidhean Croise

Genesis 18:19

Koomutthoolla olliyoolla wi aalamule anaaye ni mabanjaaye amuhoollo wi yiiwellelleke mawaaka vaweerani ddaphaama ni ddoolungama. Yeera ddenndda, kineereweera ddittheddene kamulonjezilleemi.”

Genesis 3:15

“Kineeroweeriha weyaano ni mutthiyana wi mwiitane nave vineerokhalla wiitana wunchichi variyari va edduullu ddawo ni edduullu dda mutthiyanooyo. Edduullu ddaye ddineeronyenya murwaawo nave weyaano eneerolluma etotopwa ya edduullu ddaye.”

2 Epilli 17:6

Olliye aahiya murimaaye va waathwara Apwiya. Waanjerera vaavo, aakumulla mapuro oollapellamo mafano ni mafano a Asherimu a o Yuda.

Oollalleya 9:3

Yoonanara wunchichi mwa ddittheddene ddaweereya vatthimva tti yawi otulli omoddamoddave yoolla onnaamorella attheene. Emoddattho tti yawi mirima dda athu tti ddooddalla ni ddoonanara ni ddaanepa eri akumi nave vatulli viwa ennakhwa.

Yeremiya 23:36

Koma muhillotekettho wi, ‘Olla tti othenga woollemella wa Apwiya.’ Othenga woollemella wa arive muthu tti mawu mwaneenaaye vawi mwaavirikaniha mawu a Mulluku Ookumi, Apwiya Amasiva Mattheene, Mullukwaahu.

Hoseya 14:9

“Oyo aniiwesese addisunge. Vawi ettilla dda Apwiya tti ddoolungama nave oolungama enneetamo koma oochimwa ennakwakwatuwamo.”

Mateyu 13:38

emateelle tti ellapo yavatthi. Mmiddo waphaamoolle tti athu ayo eniiwellella malamulo a mu omwene wa Mulluku koma nansongoloolle tti athu ayo eniiwellella malamulo a Oonanarooyo.

Mateyu 15:19

Vawi m'murimani munnavenyera maganizo oonanara, wiipha, oraruwa, wiiya, omboni wawoottha ni oweerella amodda epewe.

Mateyu 23:13

“Nyu, awoottha, ahuddihi a malamulo ni Afarisi, mookhalla ni otulli! Munnawalla nchiwi na omwene wa Mulluku wi athu ehivollowemo. Nyuwaano khamunavollowamo nave munnahiiha ayo enapaalla ovollowa!”

Mateyu 3:7

Vano Yohane awoonilleeye athu anchichi a mulloko wa Afarisi* ni wa Asaduki* ewaaka wi alliwattho ebatiziwe, ahallotella wi, “Nyu enowa! Ttaani uulleelleni wi muthawe ollaka wa Mulluku onawanko?

Luka 11:39

Vano Apwiya yaallota wi, “Nyu Afarisi, munnahuwa otte wa kapu ni embale koma muwari mwanyu muddanlle nrima ni ddoonanara.

Luka 11:52

“Nyu, ahuddihi a malamulo, mookhalla ni otulli! Moomukusa mumuvittha kiiyi a vamullakoni va enyumba ya ezeru. Nyuwaano weekhiinyu khamwaavollowillemo nave mwahaahiiha ayo yapaalla ovollowamo!”

Yohane 1:23

Yohane ahaakhulla voollotani mawu a namallotella Yesaya wi, “Mi tti okhuwa wa muthu mmodda muchipululuni, onallalleya wi, ‘Okollani musewu wa Apwiya.’ ”

Yohane 8:44

Nyuwaano tti anamwani a attiitthaanyu, Satana nave munapaalla weera minkhella dda attiitthaanyu. Yooyo aari mullupa awiipha ovenyera vawaamba nave khaari mwa yawoona kaambiiwa mwa yooyo kheyaamo yawoona. Analloteeye ddawoottha, anallota ovenyera m'murimani mwaye kaambiiwa tti awoottha ni attiitthiiwa a awoottha attheene.

Mitteko 20:30

Nave athu amodda oovenyera mwa mullokwaanyu yoolla, eneerowoottottha ookhulupilila ni waahoollella wi ehiye mpingo nave yaathwareke alliwaayo.

2 Akorinto 11:3

Koma kinoova wi maganizwaanyu enaavirikanyihiwe nave wi muneerohiya wiivelleella wanyu woororomelleya wa Khrisitu wonanko mmo Heva aallekiweeye ni olleka woochenjera wa enowa.

Agalatiya 1:7

Ddawoona tti ddawi khawiivo othenga waphaama omodda. Nave kinallota ddenndda kaambiiwa aakhallavo athu amodda enawaapheellihani muru nave enapaalla orukunusa othenga waphaama wa Khrisitu.

Aefeso 4:14

Neera ddiiddo khanikhallattho wonanko anamwani ookusiwa ni mafunde ni oovavihiwa ni ephevo yooyeella nngu ni nngu ya ddoohuddiha dda athu awoottha, ayo enaahollosa amodda vawallekani.

2 Petro 2:15

Aahiya ettilla yawookowa nave aahollowa. Ekusalle ettilla eyo akusalle Balamu mwaana aamullopwana a Beori. Balamu aakonda opata makobiri vaweerani ddoonanara

1 Yohane 3:8

Oyo anavirellella ochimwa anakhalla a Satana kaambiiwa Satana aachimwa ovenyera vawaamba. Mwaana a Mulluku ahooneya ekaamba ya yeella wi oononge eyo yeeriwe ni Satana.