Mitteko 12:5 - Mawu a Mulluku

⁵ Petro ahiyiwe mundende mpingoolle waanamuvekella wa Mulluku moohihiya.

Mitteko 12:5 Iomraidhean Croise

Mateyu 18:19

“Kinimuulleellanittho ddawoona wi eelli mwa nyuwaano va ellapo yavatthi mwaakhullellana erive ello munavekelleenyu, eneereweeriwa wa nyuwaano ni Attiitthaaka ooddullu.

Luka 18:1

Yesu ahaalleella oohudderaaye niphwanaphwaniho nowaahuddiha wi enaphwanella wi evekelleke mallapo mattheene, oohitopa.

Mitteko 12:12

Adduwenlleeye ddenndda, aaya o enyumba ya Mariya, amennya a Yohane Mariko nko athu anchichi yatthukumanniiwa evekellaka.

Mitteko 12:4

Amakiweeye Petro, aahiyiwa mundende, avelleelliwa wa milloko misese dda akhoto asese orive mulloko wi emuwehereke. Herode apaalla amweeruze vamiitthoni va athu amalla Paska.

Mitteko 12:6

Mahiiyu yaayo Herode ahanlleeye vang'ono wi amukhumihe eeruziwe, Petro akonille variyari va akhoto eelli, amakiwe ni onyolo miilli. Nave vaakhallattho oowehera ayo yawehera va mullako wa endendeeyo.

1 Akorinto 12:26

Echiwalo ya mwiilli emodda yoona ovoreya, eziwalo ddittheddene ddinniwana ovoreya. Echiwalo emodda yavahiwa olemu, eziwalo ddittheddene ddinnahakallallana.

2 Akorinto 1:11

Nyuwaano munaphwanella munikaviherekettho voovekellani. Vano athu anchichi eneeromuthokoza Mulluku ekaamba yoonidalisa vawaakhullellani mavekellwaahwaalla.

1 Atesalonika 5:17

Vekellani moohihiyerera.

Aheberi 13:3

Muwuupuwelleke ayo eri mundende wonanko nyuwaano murittho wenko. Muwuupuwelleke ayo enahoosiwa wonanko nyuwaanottho munahoosiwella nimodda.

Yakobo 5:16

Sika vano muwululellaneke machimwaanyu nave muvekellaneke wi muchirihiwe. Nivekello na muthu oolungama ninnakhalla namasiva nave ninnaphara mutteko.