Mitteko 12:23 - Mawu a Mulluku

²³ Enthawi yeeyo mungelo a Apwiya aamweeriha Herode wi avoriiweke kaambiiwa khaamutitimihalle Mulluku. Aakhuma miingu nave aakhwa.

Mitteko 12:23 Iomraidhean Croise

2 Mamwene 19:35

Sika mahiiyu yaayo mungelo a Apwiya aaya o misasa ddakhoto dda Aasiriya awiiphawo akhoto 185,000. Ohinase athu yaawoona akhoto attheenaayo ekhwille, eri millumillu!

2 Epilli 32:21

Vano Apwiya yaamuruma mungelo nave aawiipha akhoto attheene amasiva ni oohoollella a o misasa dda mwene a o Asiriya. Sika aahokollweella owaniwa ari oowulliwa muru. Vano avollowille mu enyumba ya mullukwaaye, anaaye amodda yaamwiipha ni nsupada.

Yobu 19:26

Nttapara naka namalla woonongeya, komave mu okumi yoolla kineeromoona Mulluku.

Yobu 7:5

Mwiillaaka ori miinguve ni nihiryove, nttapara naka nohaahuwa nave niri marohive.

Masalimo 115:1

Wa hiyaano iyaayi, Apwiya, wa hiyaano iyaayi, koma nnddina nanyuve nititimihiwe, ekaamba ya echikondi yoohisintheya ni oororomelleya.

Eksodo 10:3

Mose ni Aroni yaaya wa Farao yamulleella wi, “Apwiya Mulluku a Aheberi, anakoha wi, ‘Ethiyo onaakhooteve wiiyeviha vamiitthoni vaka ophiyera niini? Owaakhullelle athwaaka evenyewo wi eye yakillapelle.

Eksodo 12:12

“Mahiiyu yaayo miyaano kineerovira mwiillaponi ya Iguputo nave variyari va Aiguputwaayo kineerowiipha anamwani aallopwana awaamba a athu ni a eziweto. Kineerollaka milluku ddittheddene dda Iguputo vawi mi tti Apwiya.

Eksodo 12:23

Apwiya eneerovira mu ellapo ettheene ya Iguputo wi ewiiphe anamwani attheene aallopwana awaamba a Aiguputo. Yaawoonaka nikhamenno va embali ddiraru dda eferemu ya vamullakoni eneerekokhwaranya mullakooyo nave khemwaakhullellaka mungelwaaye awoononga wi avollowe mpa mwanyu wi awiipheni.

Eksodo 12:29

Variyari va mahiiyu, Apwiya yaawiipha anamwani attheene aallopwana awaamba mu ellapo ya Iguputo. Yamwaambille mwaana aamullopwana awaamba a Farao oyo aphwanella ovollowa omwenaaye, ophiyera mwaana aamullopwana a mukaidi a mu enyumba dda mwiipiphini dda mu endende. Mwaana aamullopwana awaamba a eziweto ahiiphiwattho.

Eksodo 9:17

Koma onimaanyaambusave athwaaka, vawaakhootihani wi evenyewo.

Miyambo 12:8

Muthu annariihiwa moollikana ni ezerwaaye koma ookhoromana murima annavevulliwa.

Yesaya 14:11

Oriiheya wawo ni machipo a azezaawo, ddittheddene ddoomalla nave woovollowana o ellapo ya ookhwa. Vano bedaawo tti mapwihi nave yawiikhuneellaawo tti miingu.

Yesaya 37:23

Ethiyo we okhanlle omuvevullaka ni omullotella epewe? Ethiyo ttaani omukhuwenlleewe ni omuweha mwawiitukhulla? Khe mmodda koma Aweelloolle a Israele!

Yesaya 51:8

Athu yaalla eneeromalla wonanko ekuwo yoochiwa ni enjenjete, wonanko nthoche noochiwa ni miingu. Koma ovullusa waka onaakhalle wa enthawi yoohimalla, woopolla waka wa enthawi ddittheddene.”

Yesaya 66:24

“Nave alliwa eneerokhuma ni woona mitembo dda athu ayo yakiwukilalle vawi mapwihiiwa khewa ekhwa, munllwiiwa khowa othiimihiwa nave eneerekewaananara athu a mitundu ddittheddene.”

Ezekiele 28:2

“We mwaana a muthu mulleelle mwene a o Tiro mawaaka awi, we ni murimaawo wawiitukhulla onnallota wi, ‘Mi tti mulluku. Kinakhalla wonanko mwene variyari va milluku mu enyanja ddoowallamella.’ Komathi we tti muthu shisha ohiri mulluku naari oddeesaka eezeru wonanko mulluku.

Ezekiele 28:9

Ethiyo oneerovirellellave ollota wi weyaano tti wonanko mulluku vamiitthoni va athu enawiiphaayo. Iyaayi, oneerewooneya wonanko muthu ohiri mulluku wakhalla m'mattani mwa athu oowoonongaayo.

Mitteko 12:22

Athu yaari vaavwaayo yaakhuwa wi, “Khe muthu anallotooyo koma tti mulluku!”

Mitteko 5:19

Koma mahiiyu yaayo mungelo a Apwiya aahulla millako dda ondendenko, aakhumiha amurummwaayo, aalleella wi,

2 Atesalonika 2:4

Aneerovaanyiha ddittheddene ddineeriwa mulluku naari ddoollapelliwa navettho aneeroddeera wi olliye tti ookhwaranya ddittheddene. Aneerovollowa nave aneerokeraatthi mu enyumba ya Mulluku niwiiromolla yeekhaaye wi tti Mulluku.

1 Samuele 25:38

Viviralle mallapo khumi Apwiya yaamwiipha Nabala.