Mitteko 11:23 - Mawu a Mulluku

²³ Aphiyalleeyewo ahoona echisomo ya Mulluku vaathwaayo. Aahakallalla nave aallipiha mwiilli attheenaayo wi evirellelle ookhulupilila mwa Apwiya ni murimiiwa muttheene.

Mitteko 11:23 Iomraidhean Croise

2 Mamwene 18:6

Olliye aawanddeellella wa Apwiya. Khaahiyalle waathwara Apwiya nave aanasunga malamulo ayo yamuvahilliiwa Mose.

Masalimo 17:3

Naari mweese murimaaka, khaya okiwehesesa mahiiyu, naari mukitthurumelle mwawiidde, khamukiphwanya ni mullatu, vayanoni vaka khavinallota yoonanara.

Miyambo 23:15

Mwanaka, wakhalla ni ezeru miyaano kineerohakallalla.

Miyambo 23:28

Annawiipitthella wonanko allupaawiiya nave annawoonjerera allopwana oohiroromelleya.

Daniele 1:8

Koma Daniele aallipa murima wi khiiripiha ni yoocha ya mwene apaalle ni vinyo oyo amuwiryeeye. Sika aaveka enduna wi emwaakhullelle wiihiiha.

Mateyu 16:24

Vano Yesu aallota wa oohudderaaye wi, “Muthu aapaallaka okithwara iikhoote yeekhaaye, atukhulle mutandaaye akithware miyaano.

Mariko 2:5

Yesu vawoonani echikhulupililwiiwa, aallota wa oorakallooyo wi, “Mukhwaaka, machimwaawo aakhululukiwa.”

Yohane 15:4

Khallani mwa miyaano nave miyaano kikhalle mwa nyuwaano. Enthambi khenimma ezipaso mwa weekhiiwa yaahikhalla vamuteekhoni wa mpesa. Emoddamoddave yeeyo, nyuwaano khamuwora wimma ezipaso mwaahikhalla mwa miyaano.

Mitteko 13:43

Athu yapallalleyiiwa va mutthukumanooyo, Ayuda anchichi ni athu ayo yahaari Ayuda koma yathwara echikhulupililo ya Ayuda yahaathwara Paulo ni Baranaba. Amurummwa eellaalla yahaalleella athwaayo ni waallipiha murima wi evirellelle okhulupilila echisomo ya Mulluku.

Mitteko 14:22

Yahaallipiha murima ni waalleellesesa wi evirellelle okhulupilila. Yahaahuddiha wi, “Ninaphwanella wi nikumane ni ddoohoosa wi navollowe mu omwene wa Mulluku.”

Mitteko 14:26

Nave yavenyeriiwa wenko yaawella ekallawiiwa ehokollweella o Antiyokeya ekaamba yawi yaamalliha muttekwiiwa. Sika yaahokollweella onipuroni wulle yavelleelliwiiwa wa Mulluku wi aweerelle echifundo vamuttekonoolle.

Mitteko 15:40

Nayeene Paulo amutthoonlle Sila yaatimulla, ookhulupilila yaavekella wi Apwiya eweerelle echifundo wi yeete phaama.

Mitteko 20:24

Koma nginapwatha dda eyo enaakeereyelle. Emoddave eyo kinapaalleemi tti yawi kimallihe muttekwaaka ni orumeyella kavahiweemi ni Apwiya Yesu wi keere, ollalleya othenga waphaama wa echisomo ya Mulluku.

Mitteko 20:32

“Nave vano kinuuhiyani mwa Mulluku ni wa mawu a echisomwaaye. Annawora owunnuwihani ni wuuvahani madaliso ayo anaavaheeye athwaaye.

Mitteko 4:36

Nave waakhalla muthu mmodda nnddina naye Yosefe a nlloko na Levi oyo avenyera o Kupro. Amurummwa yaamuvaha nnddina nawi, Baranaba ottaphullella wi, “Oollipiha murima.”

Aroma 12:8

Emphaswaahu yakhalla yawaallipiha amodda, naalipiheke. Oyo anaakavihera amodda, eereke ddiiddo mwawoollowa matta. Oyo ari ni olamulello, alamulelleke phaama. Oyo anaweerella amodda echifundo, eereke ddiiddo moohakallalla.

1 Akorinto 15:58

Sika vano, asinnaka ni arokoraka ookondiwa, khallani oohitikheya ni oohisuseya. Hiyani murimaanyu va mutteko wa Apwiya vawi munnadduwella wi oweella mwa alliwa, muttekwaanyu onnakhalla ni mphuro.

2 Akorinto 1:17

Ethiyo munaganiza wi kaganizeemi ddenndda ngaadduwella keereemi? Ethiyo apaalle kinooneya wonanko muthu, awaakhullella ni okhoota enthawi emoddave yeeyo?

2 Akorinto 6:1

Sika voopharani mutteko vamodda ni Mulluku, ninnuuvekani nyuwaano mwaakhenlle echisomo ya Mulluku wi ehikhalle yoohikhalla ni mutteko.

Deuteronomo 10:20

Muwooveke Apwiya Mullukwaanyu ni waallapella yaayove ni owummellella nave mullupelleke mu nnddina niwave. Mukhalleke oororomelleya vamiitthoni viwa nave mullupelleke mu nnddina niwave.

Deuteronomo 30:20

mwaakonde Apwiya Mullukwaanyu mwiiwellelleke mawiiwa ni waawanddeellella alliwa wi nyuwaano ni edduullu ddanyu mukeraattheye mwiillaponi eyo yallupenlliiwa wa makhollwaanyu, Abrahamu, Isake ni Yakobo.”

Akolose 1:6

Othenga waphaamoolla onnawaana ezipaso nave onunnuwa mu ellapo yavatthi ettheene, wonanko mmo weerelliiwa variyari vanyu waambeella va nllapo mwaambilleenyu wiiwa dda echisomo ya Mulluku navettho mwaawudduwellesesa mwawoona.

2 Timoteo 3:10

Koma weyaano waathwara phaama ehuddihwaaka, makhallellwaaka, yoolingaaka, echikhulupililwaaka, olleva waka, echikondaaka, ovillella waka,

Yoswa 22:5

Mupwatheke phaama wiiwellella malamulo ni malangizo ayo Mose oorumeyella a Apwiya uuvahilleeyeni, waakonda Apwiya Mullukwaanyu ni weeta mu ettilla ddittheddene ni osunga malamulwiiwa ni waawanddeellella alliwa nave mwaarumeyelleke ni murimaanyu muttheene ni okumaanyu muttheene.”

Yoswa 23:8

Vano mwaawanddeellelle Apwiya wonanko mweerelleenyu ophiyera ollello.

1 Petro 5:12

Kuulembelleni kalata ookhuveyoolla mookaviherana ni Silivano oyo kinamweereemi mukhwaaka oororomelleya. Kinapaalla kuullipiheni murima voovelleellani ombonaaka wi ella sika echisomo ya Mulluku yawoona. Mwiimelle mwa yeeyo moohitikheya.

1 Yohane 2:28

Ddawoona, anaaka, mukhallekeve mu eyaattano ni olliyooyo wi ooneya nineerokhalla oollipa murima nave khaniipittha ekaamba yoowulliwa muru vamiitthoni vaye va Nllapo anaweeye.

3 Yohane 1:4

Khayiivo enakihakallalliha ohiyana ni wiiwa wi anaaka ennathwara yawoona.

Yuda 1:4

Vawi athu amodda oohikhulupilila yaavollowa variyari vanyu mwawiitta. Yaalla tti athu ayo enaanganyera echisomo ya Mullukwaahu wi ephwanyellevo yaweerella machimo oorarawu, ayo enamukhoota Yesu Khrisitu, yooyove ari ooholleellaahu ni Apwiihu. Ddaalembiwa khalle mu mawu a Mulluku wi athu yaalla eneerollakiwa.