Mitteko 11:16 - Mawu a Mulluku

¹⁶ Vano kahuupuwella ddallotille Apwiya wi, ‘Yohane aabatiza ni maaddi koma nyuwaano muneerobatiziwa ni Munepa Waweella.’

Mitteko 11:16 Iomraidhean Croise

Miyambo 1:23

Apellani maaru kaawuuhumullullakani vawi kinapaalla wuulleellani ddiri m'murimani mwaka nave mudduwelle maganizwaaka.

Ezekiele 36:25

Kineerewuumiddani maaddi aphaama wi mweelle o ddittheddene ddawuuripihani. Navettho kineeroweellihani voovenyihani mafanwaanyu mattheene.

Yowele 2:28

“Vatulli viwa kineerohella munepaaka va athu attheene, aniinyu aallopwana ni aatthiyana eneerollotella, athu awuulluvalla eneerolloha, asombwe eneerewoona masomphenya.

Yowele 3:18

“Nllaponno naphiya miyaango ddineeromukhumiha vinyo ooddiva, asimiyaango eneereweeta mukaka. Mihinje ddittheddene dda o Yuda ddineeroddalla ni maaddi, neetuutu aneerokhuma mu enyumba ya Apwiya, aneerohellella ntapo na Shitimu.

Mateyu 3:11

“Kinuubatizani ni maaddi wooniha wi moorukunuwa murima koma oyo anaawe mutulli mwaka tti muullupalli ookikhwaranya miyaano. Ngiphwanenlle naari otukhulla esapato ddaye. Yoolla aneerewuubatizani ni Munepa Waweella ni munllo.

Mateyu 3:6

Yaalapa machimwiiwa nave ahaabatiza athwaayo mu Yordani.

Mariko 1:8

Kahuubatizani ni maaddi koma olliyooyo aneerewuubatizani ni Munepa Waweella.”

Luka 24:8

Vano atthiyanaalle yahuupuwella mawaayaalle.

Luka 3:16

Sika Yohane ahaalleella attheenaayo wi, “Kinuubatizani ni maaddi koma animawa mmodda muullupalli ookikhwaranya miyaano. Ngiphwanenlle naari ottaphulla mikwe dda esapato ddaye. Olliyooyo aneerewuubatizani ni Munepa Waweella ni munllo.

Yohane 1:26

Yohane ahaakhulla wi, “Kinuubatizani ni maaddi koma variyari va nyuwaano vohiimella muthu mmodda muhinamudduwelleenyu.

Yohane 1:33

Miyaano ngaamudduwenlle wi aari wonanko aani koma Mulluku oyo aakirumihalle wi kibatize ni maaddi, aallota wa miyaano wi, ‘Oneerewoona Munepa Waweella akitthaka nave aneerokhalla va muthu. Yooyo sika anabatiza ni Munepa Waweella.’

Yohane 14:26

Ookavihera, Munepa Waweella, oyo Attiitthaaka enaamurumiiwa mu nnddina naka, aneerewuuhuddihani erive ello ni owuupusani ddeko ddittheddene kuulleelleemini.

Yohane 16:4

Nave kohuulleellani ddenndda wi enthaweeyo yaphiya muupuwelle wi kahuulleellani. “Ngaallotille nndda vawaambeella kaambiiwa kaari vamodda ni nyuwaano.

Mitteko 1:5

Vallethi Yohane aabatiza ni maaddi koma vihinavire mallapo manchichi muneerobatiziwa ni Munepa Waweella.”

Mitteko 20:35

Koowoonihellani mwa ddeko ddittheddene wi voopharani mutteko moollipiha ddiidda ninaphwanella wi naakavihereke oohoowa, vawuupuwellani mawu yallotille Apwiya Yesu weekhiiwa wi, ‘Oovaha sika anadalisiwa ohiri owaakhella.’ ”

1 Akorinto 12:13

Emoddamoddave yeeyo, hiyaano attheene naari niri Ayuda apaalle athu nihiri Ayuda naari niri akaporo apaalle nihiri akaporo, noobatiziwa ni Munepa mmodda okhalla mwiilli mmodda nave noovahiwa Munepa mmoddamoddave yooyo.

2 Petro 3:1

Akhwaaka ookondiwa olla vano sika kalata aneepiilli oyo kuulembelleemini. Mu makalata meelli mattheenaalla kaheeseesa ollipiha maganizwaanyu voowuupusani dda ddeko ddenndda.