Mitteko 11:1 - Mawu a Mulluku

¹ Amurummwa ni ookhulupilila a mu Yudeya mutthemwene yahiiwa wi naarittho athu ayo ehiri Ayuda ahaakhullella mawu a Mulluku.

Mitteko 11:1 Iomraidhean Croise

Genesis 49:10

Yuda eneerophareella ekopo yoomwene enthawi ddittheddene. Aneerowummellella omwenooyo, nave aneerosunga masiviiwa, ophiyera mwaneenaneena aphiyalle, oyo anaalamulelle athu attheene.

Masalimo 22:27

Mitundu ddittheddene ddineerowuupuwella Apwiya ni waarukunuwella. Malloko mattheene eneerewaallapella.

Yesaya 11:10

Nllapo nenno musisi wa Davide enaakhalle embendera wa athu a mitundu ddittheddene. Attheene eneerotthukumana wa olliye nave nipuro naye ninaakhalle na ntitimiho.

Yesaya 32:15

Koma Apwiya eneeronirumihella munepiiwa ovenyera oddullu nave echipululu eneerotthattuwa ellapo ya ethaya yaphaama, emata ddittheddene ddineerewimma ddeko ddinchichi.

Yesaya 42:1

Apwiya enallota wi, “Olla tti oorumeyellaaka oyo kamuthoollilleemi, kinamukondeemi ni ohakallallana wunchichi. Kineeromwinnya munepaaka aneeroweeruza athu a mitundu ddittheddene mweechilungamo.

Yesaya 42:6

“Mi Apwiya koowiithana wi okeraatthihe echilungamo. Kohuuphara nnatta ni wuusunga, kohuutthoolla wi okhalle echipangano wa athu, okhalle owala wa athu a mitundu ddimodda.

Yesaya 49:6

Apwiya enallota wi, “Tti ello yoovevuwa wi okhalle oorumeyellaaka, wi waavenyihe malloko a Yakobo, waahokollosella owaniwa Aisraele oohalla. Kineeroweerani wi mukhalle owala wa mitundu ddimodda dda athu, wi ovullusa waka ophiye o makomello a ellapo yavatthi.”

Yesaya 52:10

Apwiya aaphariha mutteko masiviiwa aweella vamiitthoni va mitundu dda athu ddittheddene. Ellapo ettheene yavatthi ophiya o makomello wiwa eneerewoona ovullusa wa Mullukwaahu.

Yesaya 60:3

Athu a mitundu ddimodda eneerothwara owala wawo, mamwene eneeroowa o onyezimella wawo wonanko nndduwa naakhumaka.

Yesaya 62:2

Mitundu dda athu ddineerowoona olungamihiwe, mamweniiwa mattheene eneerewoona ntitimiho niwa. Eneerewiithaniwa ni nnddina nanaanweene, nno Apwiya mwaneeniiwa enuuvahiiwa.

Yeremiya 16:19

Nyu Apwiya tti masivaaka ni mpandaaka, voothawellavo vaka va enthawi ya ddoohoosa. Athu a mitundu ddittheddene eneeroowa wa nyu ovenyera o makomello mattheene a ellapo yavatthi. Nave eneerollota wi, “Makhollwaahu yaakhalla ni milluku ddawoottha, yaakhalla ni mafano oohikhalla ni mutteko.

Hoseya 2:23

Kineerommidda mwiillaponi wi akhalle aaka. Kineerewooniha echikondi wa ‘Khakondiwa.’ Athu ayo kaaromolleemi wi ‘Khe athwaaka,’ kineerewaaromolla wi, ‘Athwaaka.’ Nave alliwa eneerollota wi, ‘Mullukwaahu.’ ”

Mika 5:7

Oohalla a Yakobo enaakhalle variyari va mitundu ddinchichi dda athu wonanko nikame noovenyera wa Apwiya. Enaakhalle wonanko murimu oorupella vamanasini moohiselliwa vawi khanatiyera olamuliwa ni muthu.

Zefaniya 2:11

Vano Apwiya eneerowoopopiha, eneerewoononga milluku ddittheddene dda va ellapo yavatthi. Sika athu attheene eneerewaallapella Apwiya, arive muthu vanipuroni vaye, orive mutundu wa athu o ellapwiiwa.

Zefaniya 3:9

“Enthawi yeeyo kineereweelliha eyano dda mitundu ddittheddene dda athu, wi attheene yiithaneke nnddina na Apwiya, yaarumeyelleke nimodda.

Zekariya 2:11

Enthawi yeeyo athu anchichi eneeroowa wa mi Apwiya, muneerotthattuwa athwaaka nave kineerokhalla variyari vanyu.” Vano muneerodduwella wi Apwiya Amasiva Mattheene sika ekirumalle.

Malaki 1:11

Ovenyera wookhuma nndduwa ophiyera woovollowa nndduwa nnddina naka ninaakhalle nuullupalli variyari va mitundu ddittheddene. Va nirive nipuro ennakoosella lubani* nave ennavelleella mikutho ddoopatuleya vawi nnddina naka tti nuullupalli variyari va mitundu dda athu ddittheddene. Mi Apwiya Amasiva Mattheene koollota.

Mateyu 2:1

Yesu ayariweeye mu etawoni ya Betelehemu mu echigawo ya Yudeya, mwene a ellapweeyo aari Herode.* Enthawi yeeyo athu oohuddera dda etheneeri oovenyera wookhuma nndduwa yaaphiya m'muzindani wa Yerusalemu.

Mateyu 8:11

Kinimuulleellani wi anchichi eneerovenyera wookhuma nndduwa ni woovollowa nndduwa nave eneerocha ni makhollwaahu, Abrahamu, Isaki ni Yakobo, va machellello mu omwene wa Mulluku.

Mariko 16:5

Sika yaavollowa mu mahamemmo, emoona musombwe akeraatthille o nnattanatta, awanre mukanjo waweella nave yahoova.

Luka 2:32

owala wawuupullulla opaalla wanyu wa athu oohimullapella Mulluku, ni ovelleella ntitimiho va athwaanyu Israele.”

Mitteko 1:15

Viviralle mallapo ooyeva waakhalla mutthukumano wa ookhulupililave 120. Vano Petro ahiimella allota wi,

Mitteko 11:29

Sika oohuddera yahiiwanana wi tti waphaama wi erumiheke ddeko ddawaakavihera ookhulupilila akhwiiwa o Yudeya moollikana ni eyuumiiwa.

Mitteko 14:27

Yaphiyalliiwa o Antiyokeya, yahaatthukumaniha athu a mpingo vamodda yaalleella ddittheddene Mulluku eerilleeye oweella mwa alliwaayo. Nave yahaalleellattho mmo Mulluku aworelleeye wi athu ayo ehiri Ayuda ekhulupilile.

Mitteko 15:3

Vano Mpingo waarumihalliiwa nave yavirelliiwa o ezigawo dda Fenisiya ni Samariya, yaavuwiha dda orukunuwa murima wa athu ayo ehiri Ayuda nave epilli yeella yahaahakallalliha ookhulupilila attheene.

Mitteko 28:15

Ookhulupilila yaari o Roma yahiiwa dda hiyaano sika yaawa ephiya va Musika wa Apio nave o Enyumba dda Alleto Ddiraru wi ekumane ni hiyaano. Paulo awoonilleeye, aamuthokoza Mulluku nave aallipa murima.