Mitteko 10:36 - Mawu a Mulluku

³⁶ Aarumiha othengaaye wa athu Israele, ollalleya othenga waphaama wa murendelle mwa Yesu Khrisitu. Yesu yoolla tti Apwiya a athu attheene.

Mitteko 10:36 Iomraidhean Croise

Masalimo 45:11

Mwene aneerewuupaalla ekaamba ya oreera wawo, mukokhorelle vawi tti apwiiyo.

Masalimo 45:6

Nyu Mulluku, mpandwaanyu woomwene tti wa enthawi yoohimalla, munneeruza moolungama mu omwenaanyu.

Masalimo 72:7

Va mallapwaaye echilungamo eneerewunnuwa, murendelle oneerewaata ophiyera mweeri ohiyalle owala.

Yesaya 55:12

Nyu athwaaka, Muneerovenyawo o Babiloni moohakallalla, eneerewuukhumihani m'muzindanimmo mwamurendelle. Miyaango ni asimiyaango ddineerowiipellani nchipo, miteekho ddamuhakani ddittheddene ddineerowoopellani m'mattani.

Yesaya 57:19

Athu attheene a woorekama ni a vakhuviru kineerewaavaha murendelle ni waachiriha.

Yesaya 7:14

Ekaamba ya yeella Apwiya weekhiiwa eneerewuuvahani echizindikiro. Ngoonani, namwalli aneerokhalla ni erukullu nave aneeromuyara mwaana aamullopwana nave aneeromuvaha nnddina nawi Imanuwele.

Yesaya 9:6

Vawi mwaana ooniyariwella! Noovahiwa mwaana aamullopwana! Olamulello onaakhalle m'mattani mwaye, aneerovahiwa nnddina nawi Oolangiza Oottikhiniha, Mulluku Amasiva, Attiitthi Eenthawi Yoohimalla, Mwene amurendelle.

Hoseya 1:7

Koma kineerowoonihella echifundo athu a Yuda nave kineerewaavullusa ni masivaaka, mi Apwiya Mullukwiiwa,” oohikhalla ni muura, nsupada, akavalo ni oowella va akavalo.

Mika 5:2

Apwiya enallota wi, “We Betelehemu Efurata, ori mung'onong'ono variyari va matawoni a Yuda koma mwa weyaano muneerovenyera oolamulella Israele. Olliyoolla maambeellwaaye tti akhallekhalle, a mallapo oohaamba.”

Malaki 3:1

Apwiya Amasiva Mattheene enallota wi, “Ngoonani, kineeromuruma amithengaaka wi akipotokoselle ettilla. Sika Apwiya munawaashaasheenyu eneerophiya o enyumbiiwa moorurumusa. Amithenga a echipangano oyo munahakallalleenyuna aneeroowa. Mi Apwiya Amasiva Mattheene koollota.

Mateyu 10:6

Koma muye wa athu a o Israele ayo tti wonanko enkhosa ddoohollowa.

Mateyu 11:27

“Attiitthaaka aakivaha ddeko ddittheddene. Khaavo muthu anamudduwellesesa Mwaana koma Attiitthinnyave sika enamudduwella. Nave khaavottho anaadduwellesesa Attiitthaaka koma Mwaana nave sika anaadduwella ni wa ayo Mwaanooyo anapaalleeye owuupullullella Attiitthinnya.

Mateyu 28:18

Yesu aaphiya vakhuviru allota wi, “Attiitthaaka aakivaha olamulello muttheene wa oddullu ni wa vatthimva.

Luka 1:79

Nave oneerewooneya wa ayo eri mwiipiphini ni m'muuthuuchini wa okhwa, wi onihoollelle mu ettilla ya murendelle.”

Luka 24:47

Nave mu nnddina naye ollalleyiwe othenga woorukunusa murima ni okhululukiwa wa machimo wa athu attheene, waambeella mu Yerusalemu.

Mitteko 10:37

Munnadduwella dda ello yeereye mu ellapo ya Israele, waambeella mu Galileya vatulli va obatizo woollalleyiwa ni Yohane.

Mitteko 11:19

Ookhulupilila amodda ayo yapallalleyille ekaamba ya ohoosiwa waambeyille Sitefano iiphiweeye yaaphiya o ezigawo dda Fenisiya, Kupro ni o muzinda wa Antiyokeya,* ollalleya othenga wa Ayudave.

Mitteko 13:32

Nave noollalleya othenga waphaama wa nyuwaano, oyo Mulluku alonjezilleeye khalle wa makhollwaahu wi aneereweera.

Mitteko 13:46

Koma Paulo ni Baranaba yaallota moollipa murima wi, “Waari woophwanella wi mawu a Mulluku ellotiwe wa nyuwaano vawaamba. Ekaamba yawi mohaakhoota, mohooniha wi khamunaphwanella okumi woohimalla, nineerewuuhiyani niye wa athu ayo ehiri Ayuda.

Mitteko 2:36

“Vano Aisraele attheene edduwellesese wi Yesu olla mwamutthomeyilleenyu vamutandani, tti oyo Mulluku amweenreeye wi akhalle Apwiya navettho Mesiya!”

Mitteko 5:31

Yooyo Mulluku aamuwelliha akhalla onnattanatta naye wi akhalle Oohoollella navettho Oovullusa wi aavahe athu a o Israele ekari yoorukunuwa murima ni okhululukelliwa machimwiiwa.

Aroma 14:9

Vawi Khrisitu aakhwa avenyihiwa wi akhalle Apwiya a athu akumi ni a ookhwa.

Aroma 5:1

Vawi vano Mulluku aanilungamiha kaambiiwa ninnamukhulupilila, nookhalla vamurendelleni ni Mulluku oweella mwa Apwiihu Yesu Khrisitu.

1 Akorinto 15:27

Vawi mawu a Mulluku enallota wi, “Mulluku aahiya ddeko ddittheddene m'mattani mwaye.” Nave tti ddoodduwanyeya khalle wi mawu awi, “ddeko ddittheddene” khenamwaaka ni Mullukweene oyo anahiya ddeko ddittheddene m'mattani mwa Khrisitu.

1 Akorinto 15:47

Adamu awaamba awoopiwa ni ethaya aari avatthimva koma Adamu aneepiilli, Yesu aari ooddullu.

Afilipi 2:11

Nave ddittheddene ddineerewaakhullella wi, “Yesu Khrisitu tti Apwiya,” o ntitimiho na Mulluku Attiitthiihu.

Akolose 1:20

Oweella mwa Mwaanooyo, Mulluku aheeriha ddeko ddittheddene wi ddaattanihiwe ni olliye. Mulluku aawaana murendelle oweella mu nikhame na Mwanaye vamutandani wi ddeko ddittheddene ddaattanihiwe ni olliye, vatthimva ni oddullu wene.

Aheberi 1:2

Koma mu mallapo oomallihellaalla anallota wa hiyaano oweella mwa Mwanaye. Mwa olliyoolla Mulluku aaphatusa ellapo ni ddittheddene ddinakhalla mwemmo. Nave Mulluku aamutthoolla wi omamallihello wene ddeko ddittheddene ddikhalle ddaayeddaaye.

Aheberi 13:20

Mulluku oovaha murendelle, ahaavenyiha Apwiihu Yesu wa ookhwa. Vano Yesu tti mbusa muullupalli a enkhosa, oyo eerille echipangano yanaanweene yoohimalla oweella mu nikhame naye.

1 Petro 3:22

Olliye aarowa oddullu nave akhalla o nnattanatta na Mulluku, olamulella angelo ni masiva amodda mattheene ooddullu.

Yawuupullulla 1:18

Ookumoolle tti miyaano! Kaari ookhwa koma vano kookhalla ni okumi woohimalla. Kookhalla ni kiiyi a va okhwa ni a va ellapo ya ookhwa.

Yawuupullulla 1:5

ddoovenyerattho wa Yesu Khrisitu, mboni oororomelleya oyo aari awaamba ovenyihiwa wa ookhwa nave oyottho ari oolamulella a mamwene a va ellapo yavatthi. Olliyooyo annanikonda hiyaano nave ni mukutho wa okhwa waye aanittaphulla hiyaano ovenyera o machimwaahu.

Yawuupullulla 17:14

Eneerowana ekhoto ni mwaanaankhosa nave Mwaanaankhosooyo eneeropambana kaambiiwa olliye tti Apwiya a apwiya ni Mwene a mamwene. Nave oomuthwarellellaaye tti ayo yiithaniwe, etthoolliwe nave tti ookhulupilila.”

Yawuupullulla 19:16

Va yoowaraaye ni vakasambarani vaye vaalembiwa nnddina nawi, “Mwene a mamwene ni Apwiya a apwiya.”