Mitteko 10:26 - Mawu a Mulluku

²⁶ Nave Petro aamuvenyiha allota wi, “Venya, miyaanottho tti muthu.”

Mitteko 10:26 Iomraidhean Croise

Yesaya 42:8

Mi tti Apwiya, nnddina naka tti nenno khaavo kinakawaneemina ntitimiho naka nginakawana ntitimiho naka ni mafano.

Yesaya 48:13

Mattaaka yaakeraatthiha matthipello a ellapo yavatthi, nnattanatta naka nahaanddellella oddullu. Kiithana ellapo yavatthi ni yooddullu, ddittheddenennddo ddinnatthukumana vamodda.

Mateyu 4:10

Vano Yesu ahaakhulla wi, “Kivenyerevo, Satana! Mawu a Mulluku eni, ‘Waallapelleke Apwiya Mullukwaawo nave omurumeyelleke yooyove.’ ”

Yawuupullulla 13:8

Athu attheene ookhalla va ellapo yavatthi eneerollapella enama yawoopiha yuullupalleeyo, waapatula yaayove manddiniiwa yalembiwe ehinaphatusiwe ellapo yavatthi mu nibukhu na akumi na mwaanaankhosa iiphiwoolle.

Yawuupullulla 19:10

Kaakokhora vamiitthoni vaye wi kimullapelle koma olliye aakilleella wi, “Oheere ddennddo! Mi tti oorumeyella mukhwaawo nave mmodda a asinno ni arokoriyo, attheene ayo enakhallella omboni dda Yesu. Mullapelle Mulluku!” Vawi okhallella omboni dda Yesu tti ollotella.