Mitteko 10:2 - Mawu a Mulluku

² Aanamoova Mulluku, olliye ni nibanja naye nittheene. Aaneerattho ddeko ddinchichi waakavihera Ayuda oohoowa nave aanavekella wa Mulluku mallapo mattheene.

Mitteko 10:2 Iomraidhean Croise

Genesis 18:19

Koomutthoolla olliyoolla wi aalamule anaaye ni mabanjaaye amuhoollo wi yiiwellelleke mawaaka vaweerani ddaphaama ni ddoolungama. Yeera ddenndda, kineereweera ddittheddene kamulonjezilleemi.”

1 Mamwene 8:43

nyu mwiiwe oddullu munakhalleenyuwo nave mweere nnddo mulletooyo uuvekilleeyeni. Mweere ddenndda wi athu attheene a va ellapo yavatthi edduwelle nnddina nanyu nave ewoovekeni monga eneerella Aisraele athwaanyu nave edduwelle wi enyumba ella kiyimankeemi enadduwanyeya ni nnddina nanyu.

2 Epilli 6:33

nyu mwiiwe oddullu munakhalleenyuwo nave mweere nnddo mulletooyo uuvekilleeyeni. Mweere ddenndda wi athu attheene a va ellapo yavatthi edduwelle nnddina nanyu nave ewoovekeni monga eneerella Aisraele athwaanyu nave edduwelle wi enyumba ella kiyimankeemi enadduwanyeya ni nnddina nanyu.

Yobu 1:1

Vaakhalla muthu mmodda mu ellapo ya Uzi nnddina naye Yobu. Muthoolla aari oohichimwa, oolungama, ooheera ddoonanara ni oomoova Mulluku.

Yobu 1:5

Vano mallapo a machellello yamalla, Yobu aanavenya ohinase ovelleella mikutho ddooshellelliha nave aanaddivelleella moollikana ni waata wa anamwanaayo wi yeellihiwe. Eera ddenndda vooganizani wi apaalle mmodda mwa anaaye aachimwa nave oomullotella epewe Mulluku m'murimani mwaye. Yobu aaneera ddenndda enthawi ddittheddene.

Masalimo 102:15

Mitundu dda athu ddineerekewoova nnddina na Apwiya, mamwene mattheene a va ellapo yavatthi eneerekewoova ntitimiho niwa.

Masalimo 119:2

Oodala tti ayo enasunga malamulo a Apwiya, ayo enawaashaasha ni murimiiwa muttheene,

Masalimo 25:5

Mukihoollelle mu yawoonaanyu nave mukilangize vawi nyu tti Mulluku, oovullusaaka, kinnuuroromellani mallapo mattheene.

Masalimo 41:1

Oodalisiwa tti muthu oyo anaaganizella oohoowa, vawi Apwiya eneeromuvullusa va nllapo na ddoohoosiwa.

Masalimo 55:17

Misikuwa, ohinase ni otthaana kinnakhupanya ni winlla, alliwa eneerewiiwa mawaaka.

Masalimo 86:3

Nyu Apwiya, keerelleni echifundo, vawi kinninllella wa nyuwaano mallapo mattheene.

Masalimo 88:1

Nyu Apwiya Mulluku oovullusaaka, kinninllella otthaana ni mahiiyu.

Oollalleya 7:18

Tti waphaama wi othwareke ettilla emodda komattho oohitathilla emoddeeyo. Muthu oomoova Mulluku ttuupindulana.

Yesaya 59:19

Sika athu eneerewoova nnddina ni ntitimiho na Apwiya ovenyera wookhuma nndduwa ophiyera woovollowa nndduwa. Apwiya wonanko muhinje woothamaka wookakhiwa ni ephevo.

Daniele 6:10

Daniele iiwalleeye wi lamulonna nookeraatthihiwa aavollowa mpa mwaye. Mu echipindaaye yavaddullu mwaakhalla mawindo ooweha o Yerusalemu. Nave mwemmo aanakokhora vatthi oraru vanllaponi anavekella ni omutitimiha Mullukwaaye moollikana ni mmo eerelleeye khalle.

Daniele 6:16

Sika mwene aalamula wi yamuphare Daniele emuvokhelle mu nlliti na mikango nave mwene aallota ni Daniele wi, “Mullukwaawo onamurumeyelleewe moororomelleya enthawi ettheene uuvulluse!”

Daniele 6:20

Aatamenlle nlliti mwene ahiithana mweethakaraka wi, “We Daniele, oorumeyella a Mulluku Ookumi! Ethiyo Mullukwaawo onamurumeyelleewe moororomelleya enthawi ettheene oowora wuuvullusa o mikango?”

Daniele 6:26

Kinakeraatthiha lamulo nawi athu attheene a mu omwenaaka emooveke ni omuvaha olemu Mulluku a Daniele. Olliye tti ookumi ni oohimalla, omwenaaye khowa woonongeya, olamulellwaaye khowa omalla.

Mateyu 25:17

Emoddamoddavettho mullupa mutteko aakhenlle meelli, aapindulavo makobiri mamodda meelli.

Luka 18:1

Yesu ahaalleella oohudderaaye niphwanaphwaniho nowaahuddiha wi enaphwanella wi evekelleke mallapo mattheene, oohitopa.

Luka 2:25

Mallapo yaayo waakhalla mullopwana o Yerusalemunko nnddina naye Simiyoni. Aari muthu oolungama, oomwiiwellella Mulluku, atiyera enthawi yawi Mulluku aavulluse a Israele nave Munepa Waweella aari va olliyooyo.

Mitteko 10:22

Alliwaayo yahaakhulla wi, “Korineliyo, akhoto muullupalli a o Roma a mulloko wa akhoto 100 sika anirumalle. Olliyoolla tti muthu oolungama ni oomoova Mulluku nave Ayuda attheene ennamuvaha olemu. Mungelo a Mulluku sika amulleelle wi awiithaneni muye onyumbani waye wi iiwe eyo munaalloteenyu.”

Mitteko 10:31

nave allota wi, ‘Korineliyo! Mavekellwaawo ahiiweya navettho waakavihera wawo oohoowa wohaakhullelliwa ni Mulluku wonanko mukutho.

Mitteko 10:35

Ayo enamoova olliye ni weera echilungamo ennaakhullelliwa ni olliyooyo nave olliyooyo khanoonattho wi enavenyera mutundu wa aani.

Mitteko 10:4

Olliye aamuweha mungeloolle oovaka akoha wi, “Apwiya, tti waphaama?” Mungeloolle ahaakhulla wi, “Mavekellwaawo navettho waakavihera wawo oohoowa ddohaakhullelliwa ni Mulluku wonanko mukutho.

Mitteko 10:7

Nave mungeloolle aavenyavo, vano Korineliyo aawiithana allupa muttekwaaye eelli owaaka akhoto mmodda oyo aari oomullapella Mulluku nave oyo aari ovenyera mwa ayo yamurumeyella Korineliyo.

Mitteko 11:14

Aneerollota wi weyaano ni nibanja nawo nittheene muvullusiwe.’

Mitteko 13:16

Sika Paulo ahiimella, uuva ni nnatta naye owiithana athu wi ewe vakhuviru nave aamba ollota wi, “Aisraele akhwaaka owaakattho nyu muhiri Aisraele koma munamoova Mulluku, kiiwelleni!

Mitteko 13:26

“Aisraele akhwaaka, edduullu dda Abrahamu ni athu attheene ayo ehiri Ayuda koma munamoova Mulluku, othenga woollota dda ovullusa waarumihiwa wa hiyaano!

Mitteko 13:50

Nave Ayuda yaaweeriha atthiyana oovuwa ni allopwana oolamulella ayo yahiri Ayuda koma oomullapella Mulluku wi yaambihe waahoosa Paulo ni Baranaba nave owiikarihawo o echigawonko.

Mitteko 18:8

Krispo oyo aari muttekweene a mu enyumba yamavekello, aakhulupilila mwa Apwiya vamodda ni nibanja naye nittheene. Nave athu amodda anchichi a o Korinto ayo yiiwalle mawu a Paulo, yaakhulupilila nave yaabatiziwa.

Mitteko 2:5

Vano waakhallattho Ayuda ookhalla o Yerusalemu, ayo yamullapella Mulluku nave oovenyera o ellapo ddittheddene dda vatthimva.

Mitteko 22:12

“M'muzindanimmo mwaakhalla muthu nnddina naye Ananiya.* Muthu oomullapella Mulluku oyo athwara malamulwaahu nave aarittho oovahiwa olemu ni Ayuda attheene ookhalla wenko.

Mitteko 8:2

Athu amodda oomullapella Mulluku yaavittha mutembo wa Sitefano emwinllellattho wunchichi.

Mitteko 9:11

Apwiya yaallota wi, “Venya oye omusewuni wa m'muzindanimmu wooromolliwa, ‘Musewu wowookowa.’ Khawe o enyumba ya Yudasi wenko wakohere dda muthu nnddina naye Saulo a o muzinda wa Tariso vawi animavekella.

Mitteko 9:31

Nave mipingo dda mu ezigawo ddittheddene dda Yudeya, Galileya ni Samariya ddaari mu enthawi yamurendelle. Vookaviheriwani ni Munepa Waweella mipingo ddahunnuwa vookhallani ni athu anchichi vawi yaanawoova Apwiya.

Mitteko 9:36

Vano mu Yopa mwaakhalla oohuddera aamutthiyana mmodda nnddina naye Tabita. (Mu Egriki nnddina naye ninattaphullella Dorika.) Aaneera mitteko ddinchichi ddaphaama anaakavihera oohoowa

Akolose 4:2

Vekellani moohihiyerera, muwehereke mwaavekellaka nave mumuthokozeke Mulluku.

1 Atesalonika 5:17

Vekellani moohihiyerera.

Yakobo 1:5

Nave mmodda a nyuwaano aahikhalla ni ezeru, avekelle wa Mulluku. Aneerewaakhella vawi Mulluku annaavaha athu attheene ni murimaaye muttheene.

Yoswa 24:15

Vano waarumeyella Apwiya waawukatamihakani, mumutthoolle ollello oyo munaamurumeyellekeenyu apaalle milluku nnddo yaddirumeyelle makhollwaanyu ookhalla okhopella wa muhinje apaalle milluku dda Aamori ayo munakhalleenyuna mu ellapwiiwa. Koma miyaano ni a vanibanjani vaka ninaawaarumeyelleke Apwiya.”

Yawuupullulla 15:4

Athu attheene eneerowoovani nyu Apwiya, khaavo anaakhoote otitimiha nnddina nanyu, vawi nyuwaano tti aweella. Athu a mitundu ddittheddene eneeroowa ni wuullapellani nyuwaano, kaambiiwa mitteko ddanyu ddoolungama ddohooniwa wa athu attheene.”