Mitteko 1:9 - Mawu a Mulluku

⁹ Allotilleeye ddenndda, yamoona awellihiwaka oya oddullu nave aavollowa m'miraponi ahooneyattho.

Mitteko 1:9 Iomraidhean Croise

Masalimo 68:18

Nyuwaano mwaawella oddullu, mwahaaphara athu anchichi monga amundende, mwahaakhella emphaso wa athu, naari wa athu oowukila, wi mwakhallekena wenko, nyu Apwiya Mulluku.

Eksodo 19:9

Apwiya yaamulleella Mose wi, “Kineeroowa wa weyaano m'muraponi woottika wi athwaayo ekiiweke kaallotaka ni weyaano wi yuukhulupilileke enthawi ddittheddene.” Vano Mose ahaalleella Apwiya nnddo yallotille athwaayo

Eksodo 34:5

Apwiya yaakittha m'muraponi yiimella ni Mose nave yaaromolla nnddina niwa nawi Apwiya.

Yesaya 19:1

Nngu sika ollotella wa dda Iguputo. Apwiya aawella va murapo woothamaka oya o Iguputo. Mafano a o Iguputo eneerotthukumella vamiitthoni viwa nave mirima ddiwa ddineerotthomowa ekaamba ya woova.

Daniele 7:13

Kiwehakave ddeko m'masomphenya mahiiyu, ngoonani, kaamoona mmodda wonanko mwaana a muthu akitthaka ni mirapo ddooddullu. Amwaatamenlle oyo aarivo khalle, amodda yaamuvelleella wa olliye.

Mariko 16:19

Apwiya Yesu yamanlliiwa ollotanko, yaawellihiwa oya oddullu yakeraatthi o nnattanatta na Mulluku.

Luka 21:27

Vano mi, Mwaana a Muthu, kineerewooneya kiwaaka vamiraponi ni masiva muullupalli ni ntitimiho.

Yohane 6:62

Muneere tini mwakoona mi Mwaana a Muthu kiwellaka oya wenko kaarimiwo khalle?

Mitteko 1:11

Allopwana yaalla yaallota wi, “Nyu Agalileya, mwiimellelle tini munaweha oddullu? Yesu oyo aawellihiwe oya oddullu ovenyera wa nyuwaano, aneerohokollowattho wonanko mmo mwamoonilleenyu ayaaka oddullu.”

Mitteko 1:2

ophiyera nllapo awellihiweeye oya oddullu. Ahinawellihiwe, ahaalamulella mwamasiva a Munepa Waweella allopwana aatthoonlleeye wi ekhalle amurummwaaye.

1 Atesalonika 4:17

Vano hiyaano niri ookumi nineerotthukumanihiwa ni alliwaayo nave nineerotukhullelliwa m'miraponi wi nakumane ni Apwiya muddullu. Nave vawiddiidda nineerokhalla ni Apwiya wa enthawi yoohimalla.

1 Timoteo 3:16

Ndithu, ella tti yoovittheya yawoona yuullupalli ya echikhulupililwaahu yawi, “Yooyo ahuupullulliwa mu mwiilli wa muthu, Munepa aamweerella omboni wi olliye tti awoona. Nave ahooniwa ni angelo. Aallalleyiwa mwa athu a mitundu ddittheddene, aakhulupililiwa mu ellapo yavatthi ettheene, nave aawellihiwa oddullu mu ntitimiho.”

Yawuupullulla 1:7

Ngoonani aneeroowa m'miraponi! Arive muthu aneeromoona naarittho alle yamuhomille. Malloko mattheene a va ellapo yavatthi eneeromwinllella. Sika ddinaakhalle ddiiddo!

Yawuupullulla 11:12

Nave anamallotella eellaayo yahiiwa wiithana wa mawu oowella oovenyera oddullu wi, “Waani wuno!” Adaniiwaalle yoonaka yaawella oddullu m'miraponi.

Yawuupullulla 14:4

Yaalla yahiisunga sika asombwe oohiiripiha ni atthiyana. Yaanamuthwara mwaanaankhosa orive weko ayiilleeyewo. Yahoopolliwa variyari va athu attheene nave tti awaamba ovelleelliwa wa Mulluku ni wa Mwaanaankhosoolle.