Mitteko 1:12 - Mawu a Mulluku

¹² Vano amurummwa yaahokollweella o Yerusalemu ovenyera o mwaango wa Olivi, oyo waatamanne ni Yerusalemu olendo vakhuviru nikilomita nimodda.

Mitteko 1:12 Iomraidhean Croise

Zekariya 14:4

Nllapo nenno eneerewiimella va mwaango wa Olivi oyo ori wookhuma nndduwa wa Yerusalemu. Mwaangooyo oneerokawiwa veelli ni ntapo nuullupalli noovenyera wookhuma nndduwa ophiyera woovollowa nndduwa. Hafu a mwaangooyo anaasuselle ompoto nave hafu mmoddooyo omwera.

Mateyu 21:1

Yesu ni oohudderaaye yaatamelliiwa o Yerusalemu yaaphiya mu etawoni ya Betefage o mwaango wa Olivi. Vano Yesu ahaarumiha oohudderaaye eelli wi ehoolle.

Mateyu 24:20

Vekellani wa Mulluku wi othawa wanyu ohikhalle mu eyitta apaalle va nllapo na Sabata!

Mateyu 24:3

Vano Yesu akeraatthille va mwaango wa Olivi, oohudderaaye yaawa mwa weekhiiwa. Yaamukoha wi, “Nilleelleni ddittheddene ddenndda ddineereye niini? Nave echizindikiro ya enthawi ya owa wanyu waneepiilli ni omalla wa ellapo yavattheella enaakhalle yawiidde?”

Mateyu 26:30

Yahiipa nchipo nave yaakhuma eya o mwaango wa Olivi.

Luka 19:29

Aatamenlleeye matawoni a Betefage ni Betaniya vakhuviru ni mwaango wa Olivi, ahaarumiha oohudderaaye eelli wi ehoolle.

Luka 21:37

Mallapo mattheene Yesu aanahuddiha mu enyumba ya Mulluku koma mahiiyu aanakhalla va mwaango wa Olivi.

Luka 24:50

Yesu ahaahoollella oohudderaaye akhumana m'muzindanimmo aphiyana o Betaniya. Wenko aawelliha mattaaye aadalisa.

Luka 24:52

Yaamullapella, ehokollweella o Yerusalemu, ehakallallaka wunchichi.

Yohane 11:18

Betaniya aari vakhuviru ni Yerusalemu orekamella waye waatamella makilomita mararu.