Mika 7:9 - Mawu a Mulluku

⁹ Kinaphwanella ovillella owalli wa Apwiya kaambiiwa kahaachimwella ophiyera yiiwalle mullatwaaka ni owukamulla. Koma vatulli viwa eneerokivollochiha mu owala nave kineerewoona ovullusa wiwa.

Mika 7:9 Iomraidhean Croise

2 Samuele 24:17

Davide aamoona mungeloolle nave aallota ni Apwiya wi, “Mi sika kichimwalle nave koheera ddoonanara. Koma enkhosanndda ddilakwille tini? Vano nnatta nanyu nikillake mi ni nibanja na attiitthaaka.”

Yobu 23:10

Koma annadduwella meetellwaaka, kineerokhalla wonanko golide akeesa.

Yobu 35:14

We Yobu, onallota wi khonamoona Mulluku, komave olliye sika aneeruze mullatwaawo nave onnamutiyerella olliye wi akamulle.

Masalimo 119:154

Mukikavihere va mullatwaaka, mukoopolle mukivahe okumi moollikana ni mawaanyu.

Masalimo 37:6

Eneerewoonihella vaweella ohilakwa wawo, echilungamwaawo oneerowala wonanko otthaana.

Masalimo 43:1

“Nyu Mulluku, kamullani wi miyaano ngilakwille, mukiseere vamullatuni vaka ni oohikhulupilila, mukivulluse wa athu oolleka ni oohilungama.

Masalimo 7:6

Apwiya venyani moosha murima, mullipane ni adanaaka oowalli. Tthupulluwani nyu Mullukwaaka, lamulani wi echilungamo yeereye.

Masalimo 94:15

Echilungamo eneerohokollweella o echiweruzo, athu aweella murima eneeroyithwara.

Yesaya 42:16

“Kineerewaahoollella oohoona m'misewuni ehiddidduwenlliiwa, kineerewaavelleella va ettilla nnddo ehinavirekiiwa. Kineerotthattusa epiphi eri vahoollo viwa wi ekhalle owala, kineeromwaramwara phaama nipuro nookateyakateya. Nndda sika kinaaweerelleemi, ngaakhoota alliwa.

Yesaya 42:7

Oneerewaahulla miittho athu oohoona, oneerewaattaphulla oomakiwa, oneerewaakhumiha ookhalla mwiipiphini.

Yesaya 46:13

Kinnasusella vakhuviru ni ovullusa waka, kohaatamella, ngiselliwa wuuvullusani. Kineeromuvullusa Ziyoni, kineeroyiriiha ellapo ya Israele.”

Yesaya 51:22

Apwiya, Apwiyaawo, Mullukwaawo, ayo enuutetezella enallota wi, “Ngoona, koowaakha kapu oohahareyiha, kapu oyo kawinnyalleemini kishille murima khamuwa mumuwiryattho.

Yesaya 56:1

Apwiya enallota wi, “Vawi ovullusa waka wohaatamella echilungamwaaka eneerewooneya naanweene vaava.

Yeremiya 10:19

Arive muthu a o Yerusalemu aakhuwa wi, “Otulli, nikhwata naka tti nawoopiha! Nikhwata naka tti noomoriha ethakaraka, keesa wi nngu sika ollakiwa waka, sika kineerovillella.

Yeremiya 14:7

Athwaaka eninllella wa miyaano wi, “Nyu Apwiya, mweerevo ello ekaamba ya nnddina nanyu naari machimwaahu enihumullullaka aneeniihu, ohiroromelleya wahu tti wuullupalli, ddawoona, nohuuchimwellani.

Yeremiya 51:10

Vano Apwiya ahooniha vaweella echilungamwaahu. Hankoni nillalleye o Ziyoni nnddo Apwiya Mullukwaahu, eneerelliiwa.

Maliro 1:18

Vaavo Apwiya aheera phaama, ekaamba yawi miyaano kaawukila malamulwiiwa. Ngiiwani, nyu athu a mitundu ddittheddene, ngoonani ohoowa waka. Anamwallaaka ni asombwaaka aapharelliwa wuukaporoni.

Levitiko 26:41

Valle ekaamba ya ddenndda miyaano kaavaanyihana kiwiikarihella mu ellapo ya adaniiwa. Vano yiiyeviha weekhiiwa, athu awumma mirimaalla nave yaakhullella ollakiwa ekaamba ya machimwiiwa.

Malaki 3:18

Vano athu eneerohiyaniha variyari va athu oolungama ni oohilungama, variyari va ayo enamurumeyella Mulluku ni ayo ehinamurumeyella.

1 Akorinto 4:5

Sika muhimweeruze arive muthu enthawi yoophwanella ehinakwakhwane, owa wa Apwiya. Eneerewooniha ddawiipittheya dda mwiipiphini nave eneerewuupullulla maganizo a athu. Nave attheene eneerewaakhella ntitimiho naye na wa Mulluku.

2 Timoteo 4:8

Vano eyo enakitiyera tti waakhella emphaso ya echilungamo eyo Mulluku akisungenlleeye. Apwiya ayo eri Ooweeruza aphaama sika enaakithuve va nllapo na echiweruzo. Khekivaha miyaanove komattho wa attheene ayo enatiyera mookonda wi Apwiya eneeroowa.

Yawuupullulla 18:20

Hakallallani ooddullu nyu! Hakallallani athu a Mulluku ni amurummwa owaaka anamallotella nyu! Vawi Mulluku oomullaka va nnddo eerilleeye wa nyuwaano!

1 Samuele 24:15

Ekaamba ya yeella Apwiya eneereweeruza wi ooneye oolakwa variyari va nyuwaano ni miyaano. Eneerokiteteza nave eneerewooniha echilungamwaaka vookivullusani wa nyuwaano.”

1 Samuele 25:39

Vano Davide iiwalle wi Nabala ookhwa aallota wi, “Etitimiheye Apwiya ayo emuhokolloselle yoonanara Nabala va epewe akeerelleeye nave wi yaakivaanyiha miyaano wi kiheere yoonanara. Apwiya aamuhokollosella Nabala mitteko ddaye ddoonanara.” Vano Davide ahaaruma athwaaye wi yamukohelle Abigaile nibanja wi akhalle mwaariye.

1 Samuele 26:10

Nave Davide ahaalleella wi, “Kinnadduwella wi Apwiya sika enaamwiiphe apaalle nllapo naye nakwakhwana wi akhwe apaalle aniiphiwe okhotoni.

1 Samuele 3:18

Sika Samuele aamulleella ddittheddene nave khaakhuwalle erive ello. Eli aallota wi, “Yaayo sika Apwiya, yeere eyo enaaddivella.”