Mika 7:8 - Mawu a Mulluku

⁸ We mudanaaka, ohikittheye vawi naari kiikuhalle kineerovenyattho. Naari kiri mwiipiphini, Apwiya sika enaakhalle omolleella waka.

Mika 7:8 Iomraidhean Croise

Yobu 31:29

Ngaahakallanlle ni otulli wa mudanaaka, ngaattheyille ddoohoosa ddammorenlliiwa.

Masalimo 112:4

Naari enthawi ya epiphi, muthu oolungama aneeta moowala, kaambiiwa tti ooreera murima, eechifundo ni awoona.

Masalimo 143:3

Mudanaaka ookithwara manyallo oonyingallella okumaaka muthayani. Ookikeraatthiha mwiipiphini wonanko muthu oyo akhwille khalle.

Masalimo 20:8

Adani eneerotthomowa emore, koma hiyaano nineerovenya niimelle.

Masalimo 27:1

Apwiya sika owala waka ni oovullusaaka. Ttaani kinaamoovekeemi? Apwiya sika mpanda wooteteza okumaaka. Ttaani kinaamutthukumellellekeemi?

Masalimo 35:19

Muhaakhullelle wi adanaaka oolleka ehakallalle ekaamba ya ddookatamiha ddaka. Muhaakhullelle wi ayo enakiita vihiri ekaamba ekiweheke ni eserekulle mookivevulla.

Masalimo 37:21

Muthu oonanara annaddivelliwa okongola koma khanawora ohokollosa, koma oolungama annakhalla ni murima waphaama ni woovaha.

Masalimo 37:24

Naari iikuha annavenya vawi Apwiya ennamuphara nnatta.

Masalimo 38:16

Vawi kinnavekella wi, “Muhaakhullelle wi ehakallallelle va miyaano ayo enakinyemulla yoona wi kooserenguwa.”

Masalimo 84:11

Vawi Apwiya Mulluku sika nndduwa ni yawiitetezella, ennaneerella echifundo ni onivaha olemu, Apwiya khenawiimana ddaphaama athu oolungama.

Masalimo 97:11

Owala onnaaphiyella athu oolungama, ooreera murima ennahakallalla.

Yesaya 2:5

“Sika vano nyu edduullu dda Yakobo, hankoni neete mu owala wa Apwiya.”

Yesaya 49:9

Kineerewaalleella a mundende wi ekhume, a mwiipiphini wi yooneyelle vaweella. Eneerophwanya yoocha mukhwipi mwa musewu, eneerophwanya munyepu mu asimiyaango,

Yesaya 50:10

Ttaani mwa nyuwaano anawoova Apwiya, aniiwellella mawu a oorumeyelliiwa? Arive muthu aweeta mwiipiphini oohikhalla ni yoomumolleella, aroromelle nnddina na Apwiya, ahameelle va Mullukwaaye.

Yesaya 9:2

Athu ayo yeeta mwiipiphini ahoona owala wunchichi. Ayo yakhalla mu epiphi yawoopiha owala wohaaphiyera.

Yeremiya 48:27

Mowabu, onnuupuwella mmo wamunyaambuselleewe Israele nave mmo waavevullelleewe wonanko allupaawiiya?

Yeremiya 50:11

“Nyu Ababiloni, mwahoononga yoohallanaaka. Naari mweelliweve murima, muhakallalleve, mulluphellupheve wonanko musaanaang'ombe oomuuputha tirigu apaalle mwinlleve mwawiitukhulla wonanko akavalo,

Yeremiya 8:4

Apwiya yaakilleella wi kaakohe athwiiwa wi, “Ethiyo muthu iikuha khanavenyattho? Ethiyo muthu ahollowa khahokollowattho?

Ezekiele 25:6

Mi Apwiya Mulluku kinallota wi, ‘Mwahoopa m'mattani ni olluphallupha moohakallalla nave mwaanyemulla ellapo ya Israele ni murimaanyu muttheene.

Ezekiele 35:15

Moollikana ni mmo mwahakallallelleenyu ni omora yoohallana ya enyumba ya Israele, miyaano kineeroweerellani emoddamoddave yeeyo. We mwaango wa Seiri ni ellapo ettheene ya Edomu oneerotthattuwa ntepe. Vano athu attheene eneerodduwella wi mi tti Apwiya Mulluku.”

Ezekiele 36:5

Mi Apwiya Mulluku kookhalla killotaka kishille murima owiipa mullatu athu a mitundu ddimodda ddittheddene monga Edomu. Alliwa moohakallalla wunchichi navettho moovevulla yahaakha ellapo ettheene eyitthattusa yayiwa, ekusa ni mapuro oochihella enameene.’

Amosi 9:11

Apwiya enallota wi, “Enthawi yeeyo kineerohokollosella omwene wa Davide oyo wakumuwalle wonanko enyumba. Kineeropotokosattho esiri ddiwa ddookumuwa ni omakattho matepiiwa, kineerewuuhokollosellattho mwakhalle.

Obadiya 1:12

Khawaaphwanenlle onyemulla otulli wa mbalaawo. Khawaaphwanenlle othapella woonongiwa wa athu a o Yuda. Khawaaphwanenlle waattheya mvo yaariiwa mu ddookatamiha.

Mika 4:10

Nyu athu a o Ziyoni, wuupuruwa ni wiipullella wonanko mutthiyana va enthawaaye yooyara. Vawi vano muneerovenyamo m'muzindanimmo wi mwakhalle m'mawaani. Muneeroya o Babiloni wuukaporoni komave muneerovullusiwawo vawi Apwiya eneerowoopollani wa adanaanyu.

Mika 7:10

Adanaaka vawoonani ddenndda eneerowulliwa muru vawi yaanallota wi, “Ari wuuwi Apwiya Mullukwaawo?” Vano kineerewoona ni miitthwaaka enyingallelliwaka wonanko matokwi m'musewuni.

Zekariya 12:8

Nllapo nenno Apwiya eneerewaateteza ookhalla o Yerusalemu mwawi athu oofooka wunchichi mwa alliwa enaakhalle amasiva wonanko Davide. Sika nibanja na Davide ninaakhalle noolamulella wonanko Mulluku, wonanko mungelo a Apwiya awaahoollella.

Malaki 4:2

Koma nyu awoova nnddina naka, nndduwa na echilungamo nineerewuukhumellani ni owaana ochiriha m'muuphello mwiwa. Muneerolluphallupha moohakallalla wonanko asaanaang'ombe ekhumihiwe munikhollani.

Mateyu 4:16

athwaawo ayo yaari mwiipiphini, ahoona owala wunchichi. Athu ayo yaari munipuroni na muuthuuchi wa okhwa, owala wohaaphiyera.”

Yohane 16:20

Ddawoona, kinimuulleellani wi muneerewinlla ni woopa ekutho koma athu a ellapo yavatthi eneerohakallalla. Nyuwaano muneerokokhupanya koma okhupanya wanyu eneerotthattuwa ehakallallo.

Yohane 8:12

Yesu aallotattho wi, “Mi tti owala wa ellapo yavatthi. Oyo anakithwara miyaano aneerokhalla ni owala woovaha okumi nave kheetattho mwiipiphini.”

Mitteko 26:18

Onaphwanella wi oweerihe wi yooneke wi erukunuwe ovenyera wiipiphini ephiye mu owala navettho ovenyera mu masiva a Satana ophiyera mu masiva a Mulluku. Sika mwa echikhulupililwiiwa eneerokhululukelliwa machimo ni waakhella nipuro niwa variyari va athu a Mulluku.’

2 Akorinto 4:6

Mulluku aallotille wi, “Owala omolleelle ovenyera mwiipiphini.” Tti Mulluku mmoddamoddave yooyo enre owala waye wi omolleelle m'mirimani mwahu wi onivahe odduwella dda ntitimiho na Mulluku noomolleella va ekhove ya Khrisitu.

2 Akorinto 4:9

Ninnahoosiwa koma oohitathilliwa ni Mulluku. Nave naari ninnavoreyiwa, khaninoonongeya.

Yawuupullulla 21:23

Khewaapaalleyettho wi m'muzindanimmo mukhalle nndduwa apaalle mweeri wi ddimolleellekemo kaambiiwa ntitimiho na Mulluku sika owala nave mwaanaankhosa sika enyaaliiwa.

Yawuupullulla 22:5

Khowa okhallattho mahiiyu navettho ookhallawaayo khewa epaallattho enyali apaalle nndduwa kaambiiwa Apwiya Mulluku sika enaakhalle owala wiwa, eneerolamulellattho wonanko mamwene wa enthawi yoohimalla.