Mika 7:3 - Mawu a Mulluku

³ Alliwa tti eeruso vaweerani ddoonanara. Enduna ni aweeruza eneetella ddamukaphwani nave oohoollella enaalleella ddoonanara nnddo enapaalliiwa weera. Sika enalakwella nimodda.

Mika 7:3 Iomraidhean Croise

Miyambo 16:30

Muthu oominyalliha miittho annaganiza ddoonanara nave oonyindulliha eyano annawiiha ddoonanara.

Miyambo 17:23

Muthu oonanara annaakhella ddamukaphwani wi akhoromanihe echilungamo.

Yesaya 1:23

Oohoollellaawo ennawukila nave enniiwanana ni allupaawiiya. Arive muthu annaakhella ddamukaphwani nave annathamakella emphaso. Khanaateteza akhwaadduni nave khanapwatha millatu dda anaamukhwelle.

Yesaya 26:21

Apwiya enimawa ovenyera nko enakhalliiwa wi yaallake athu a va ellapo yavatthi ekaamba ya machimwiiwa. Nikhame nawiithelliwa va ellapo yavatthi neneerewooneya vaweella nave mitembo dda athu awiiphiwa kheddiipitthiheya.

Yesaya 3:5

Athu eneerekohoosana, arive muthu omuhoosa mukhwaaye. Asombwe eneerekoweerella epewe attekweene nave athu shisha eneerekewaavevulla oophwanella ovahiwa olemu.

Yesaya 32:7

Oolleka ettilla ddaye tti ddoonanara vawi anaganizella ddeekuku wi aweerelle echiwembu oohoowa voowoottherani naari ehilakwille.

Yesaya 5:23

Otulli wa athu ayo enamulungamiha muthu oochimwa ekaamba ya ddamukaphwani nave enananariha mullatu wa muthu oohichimwa.

Yeremiya 3:5

Ethiyo Apwiya ttuunishella murima wa enthawi yoohimalla? Ethiyo ttuunanariwa wa enthawi yoohimalla?’ Mmu sika wallotelleewe. Komave waavirellella weera ddoonanara moollikana ni mmo wapaallelleewe.”

Yeremiya 4:22

Apwiya enallota wi, “Athwaaka tti ookarangeya, khenakidduwella miyaano. Tti wonanko anamwani oohollowa, oohiiwesesa erive ello. Tti eeruso vaweerani ddoonanara koma weera ddaphaama khenadduwella.”

Yeremiya 8:10

Sika awariwa kineerewaavelleella wa allopwana amodda, emata ddiwa kineeroddivelleella wa ayo enaavollowe munipuroni mwiwa. Vawi arive muthu, muullupalli ni mung'onong'ono, ookhalla ni eyuuma yoophwanya mwawoottha. Anamallotella ni allupa mukutho, attheene tti awoottha.

Ezekiele 22:12

Mwa weyaano mookhalla amodda awaakhella ddamukaphwani wi ewiiphe athu akhwiiwa, amodda ennaakhella ddawoonjerera wi epindule ni nnddo enakongolihiiwa. Attheenaayo aakitiwalla miyaano. Mi Apwiya Mulluku koollota.

Ezekiele 22:27

Oohoollellaaye tti wonanko akhatwe ookhaddulla enama, ennakhumiha nikhame ni woononga okumi wa athu wi ephwanye mphuro woonanara.

Ezekiele 22:6

“Ngoona mmo enduna ddawo ddinawiiphelliiwa athu voopharihani mutteko masiviiwa.

Ezekiele 34:21

Munnaddittuulla ni oddikakhella okhwipi Ddoofooka, munnaddikhuddulla ni manyakaanyu nave muddimwaramwarella wuuteete.

Ezekiele 9:9

Mulluku ahaakhulla wi, “Ochimo wa Aisraele ni Yuda tti wuullupalli wunchichi. Ellapo yooddalla ni ddawiipha nave muzinda wooddalla ni ddoohilungama. Athu enallota wi, ‘Apwiya khenanoona! Apwiya aayihiya ellapweella!’ ”

Hoseya 4:18

Yalezela wunchichi ennararuwa. Ennaddivelliwa ddoowulliha muru okhwaranya oriiheya wiwa.

Hoseya 7:3

Apwiya enallota wi, “Athu ennamukopa mwene ni mitteko ddiwa ddoonanara nave ennaddilleka enduna ddaye ni ddawoottha ddiwa.

Amosi 5:12

Mi kinnadduwella waata wa machimwaanyu, wunnuwa wa ddoolakwa ddanyu. Nyu tti adani a athu oolungama, munnaakhella ddamukaphwani, munnavirikaniha millatu dda oohoowa.

Mika 2:8

Apwiya enallota wi, “Koma nyuwaano muri wonanko adani wa athwaaka. Munnawaakha mukanjo athu amurendelle aweeta murima ori m'mapuroni, oohiganizera dda ekhoto.

Mika 3:11

Oohoollella kheneeruza vaahikhalla ddamukaphwani, allupa mukutho khenahuddiha vaahikhalla mallivello navettho anamallotella khenallotella vaahikhalla makobiri. Komave enahameella va Apwiya voollotani wi, “Ethiyo Apwiya kheri variyari vahu? Kheyiivo yookatamiha enaanimorelle!”

Mika 3:2

Koma munniitana ni ddaphaama ni okonda ddoonanara. Athwaaka munnawaatta ookumi ni ottovorolla muhehiiwa.

Mateyu 26:15

Ahaakoha wi, “Munaakivahe tini miyaano kamuvelleella Yesooyo wa nyuwaano?” Alliwaayo yaheerenga makobiri 30 emuvaha olliyooyo.

1 Akorinto 4:5

Sika muhimweeruze arive muthu enthawi yoophwanella ehinakwakhwane, owa wa Apwiya. Eneerewooniha ddawiipittheya dda mwiipiphini nave eneerewuupullulla maganizo a athu. Nave attheene eneerewaakhella ntitimiho naye na wa Mulluku.