Mika 7:2 - Mawu a Mulluku

² Athu oororomelleya aamalla va ellapo yavatthi, khaavo naari mmodda oolungama. Attheene enniipitthellana wi emorihe nikhame, arive muthu annamusaya mbalaaye ni nthavi.

Mika 7:2 Iomraidhean Croise

Masalimo 10:9

Annawiipitthella wonanko mukango, anniipittha wi aaphare oohoowa wi aapurullelle munthavini mwaye.

Masalimo 12:1

Apwiya, kikavihereni, vawi khaavo muthu anuupwathani, khaavo oororomelleya variyari vahu.

Masalimo 12:2

Arive muthu annamoottottha mukhwaaye, anniisha nllumi naye, annallota ni murima mmodda.

Masalimo 57:6

Alliwaalle aareya nthavi manyallwaaka, murimaaka wookatamiheya wunchichi, aakata malliti ettilla ddinchichi, koma yaamorellemo weekhiiwa.

Miyambo 1:11

Yallota wi, “Nithware wi namwiipitthelle muthu wi nimwiiphe, namwiipitthelle muthu oohilakwa.

Miyambo 12:6

Mawu a muthu oonanara tti awiipha koma a oolungama tti oovullusa.

Yesaya 3:5

Athu eneerekohoosana, arive muthu omuhoosa mukhwaaye. Asombwe eneerekoweerella epewe attekweene nave athu shisha eneerekewaavevulla oophwanella ovahiwa olemu.

Yesaya 57:1

Oolungama ennakhwa nave khaavo anapwathawo. Athu oororomelleya ennaphariwa nave khaavo aniiwesesa ekaambiiwa. Athu oolungama ennavenyihiwavo wi otulli ohaamorelle.

Yesaya 59:7

Enathamakella weera ddoonanara, khenaselliha owiipha athu oohilakwa. Maganizwiiwa mattheene enakhalla va ddoonanara, orive weko enayiiwa ennatthollosa ni woononga.

Yesaya 9:19

Ekaamba ya yeella, osha murima wa Apwiya Amasiva Mattheene wohoosa ellapo nave athu tti wonanko ekhuni vawi khaavo muthu anammoriwella ethakaraka mukhwaaye.

Yeremiya 16:16

Apwiya enallota wi, “Kineerowiithana adani anchichi wonanko awiipha ehomba nave eneerewaaphara athwaalla. Vatulli viwa kineerowiithana adani amoddattho anchichi wonanko oosaya enama wi yaaphare athwaalla omiyaangoni, o asimiyaango ni m'makhunguni a m'mallukuni.

Yeremiya 5:16

Akhotwaayo mipaamba ddiwa ddinnawiipha athu anchichi nave attheene tti oollipa murima vakhotoni.

Yeremiya 5:26

“Vawi variyari va athwaaka vookhalla oonanara. Enniipittha wonanko oophara epallame nave ennareya misampha wi yaaphare athu.

Yeremiya 8:6

Kahaapella maaru nave kahiiwa koma kheyaallotillevo ddawoona. Khaavo arive oochimwa oyo oonihalle wi oolapa anallota wi, ‘Kenre tini mi?’ Koma arive muthu anathwara ettilla ddaye wonanko kavalo oothamakella ekhoto.

Maliro 4:18

Athu yaananithwara manyallo, khenaaworattho weeta m'misewuni ddahu. Mallapwaahu yaanayeva, okhwa wahu wahaatamella, omalla wahu waaphiya.

Ezekiele 22:12

Mwa weyaano mookhalla amodda awaakhella ddamukaphwani wi ewiiphe athu akhwiiwa, amodda ennaakhella ddawoonjerera wi epindule ni nnddo enakongolihiiwa. Attheenaayo aakitiwalla miyaano. Mi Apwiya Mulluku koollota.

Ezekiele 24:6

Vano mi Apwiya kinallota wi, “Otulli okhalle ni we muzinda wanikhame, epalli yamurawa munchichi, wawummellella ni woohitthulluwa. Mukhumihemo enthuli emodda emodda moohitthoolla.

Hoseya 5:1

Nyu allupa mukutho, apellani maaru! Nyu Aisraele attheene, iwani. Nyu a mu nibanja noomwene, reyaani naaru! Mawaaka oollaka eneerewuumorellani ekaamba yawi nyuwaano mwakhanlle wonanko mullapa o Mizipa apaalle mureyille nthavi o mwaango wa Tabori.

Hoseya 6:9

Monga mmo allupaawiiya enamwiipitthelliiwa muthu tti mmo allupa mukutho enatthukumanelliiwa wi ewiipheke athu va ettilla yooya o Shekemu. Ddawoona ennawiipha athu.

Mika 2:8

Apwiya enallota wi, “Koma nyuwaano muri wonanko adani wa athwaaka. Munnawaakha mukanjo athu amurendelle aweeta murima ori m'mapuroni, oohiganizera dda ekhoto.

Mika 3:10

Munammaka Ziyoni ni eyuuma yanikhame nave Yerusalemu ni onanara wanyu.

Mika 3:2

Koma munniitana ni ddaphaama ni okonda ddoonanara. Athwaaka munnawaatta ookumi ni ottovorolla muhehiiwa.

Zekariya 11:6

Apwiya enallota wi, “Sika ngiwa kimmorella ethakaraka arive muthu a va ellapo yavatthi. Kineeromvelleella arive muthu wa oohoollellaaye ni wa mwenaaye. Nave alliwaayo eneerotthollosa ellapo ettheene koma miyaano ngimuvullusa arive muthu m'mattani mwiwa.”

Mitteko 24:9

Ayuda attheene yahiiwanana dda mullatooyo nave yaallota wi ddeko ddittheddenennddo tti ddawoona.

1 Samuele 24:11

Attiitthaaka, ngayooneni echigamba ya otthoka wa mukanjwaanyu ella eri m'mattani mwaka. Vano mudduwelle wi m'murimani mwaka khamuri yoopaalla weera yoolakwa apaalle wuuwukilani vawi koophadda echigamba ya mukanjwaanyu koma wohiwiiphani. Miyaano nguulakwenlleni ello naari nyuwaano mukaashaashaka wi mukiiphe.

1 Samuele 26:20

Sika nyuwaano muhinaakhullella wi miyaano kikhwelle wuuteete ni Apwiya vawi mwene a Aisraele anapaalla okiipha mi ettotthomwa, muthu oohipaalleya, wonanko mmo athu enasayelliiwa ekhwalli m'mwaangoni.”