Mika 5:2 - Mawu a Mulluku

² Apwiya enallota wi, “We Betelehemu Efurata, ori mung'onong'ono variyari va matawoni a Yuda koma mwa weyaano muneerovenyera oolamulella Israele. Olliyoolla maambeellwaaye tti akhallekhalle, a mallapo oohaamba.”

Mika 5:2 Iomraidhean Croise

Genesis 35:16

Vano attheene yaavenyawo o Betele koma ehinaphiye o Efurata, enthawi yawi Rakele ayare yaamukwakhwanella nave oyara waye waamukatamiha wunchichi.

Genesis 35:19

Rakele akhwilleeye, avitthiwe mukhwipi mwa musewu wooya o Efurata, sika wi o Betelehemu.

Genesis 48:7

Kenre ddenndda ekaamba yawi enthawi kavenyereemi o Mesopotamiya, amaayo Rakele yakhwenlle mu ellapo ya Kanani, vihanlle mwanamutunda wi niphiye o Efurata. Ethakaraka ddaakimora wunchichi. Vano nahaavittha wenko mukhwipi mwa musewu wooyeella o Efurata.” (Efurata tti Betelehemu.)

Genesis 49:10

Yuda eneerophareella ekopo yoomwene enthawi ddittheddene. Aneerowummellella omwenooyo, nave aneerosunga masiviiwa, ophiyera mwaneenaneena aphiyalle, oyo anaalamulelle athu attheene.

1 Epilli 2:54

Salima aamuyara Betelehemu, Anetofati, Ataroti Beti Yowabu ni hafu a nlloko na Manahati navettho Azori.

1 Epilli 4:4

Penuwele aamuyara Gedori, Ezere aamuyara Husha. Alla sika yaari anamwani a Huri, awaambiha Betelehemu oyottho aari mwaana awaamba a Efurata.

1 Epilli 5:2

Koma a nlloko na Yuda yaari amasiva variyari va malloko a Israele nave mwene avenyenre wa alliwa naari ottekweene waari wa Yosefe.

Masalimo 132:6

Nahiiwa dda nibokosi na echipangano o Efurata, naaniphwanya mu emata dda o Yaara.

Masalimo 90:2

Miyaango ddihinakhallewo, muhinaphatuse ellapo yavatthi ni vookhalla athu, waambeella enthawi yoohimalla wa enthawi yoohimalla, nyu tti Mulluku.

Eksodo 18:21

Komattho munaphwanella wi ovenyera mwa athu attheenaalla, mwaatthoolle allopwana eezeru, oomoova Mulluku, oororomelleya ni oohaakhella ddamukaphwani nave mwaakeraatthihe yaalla wi ekhalle amodda oohoollella athu 1,000, amodda a athu 100, amodda a athu 50 ni amodda a athu khumive.

Eksodo 18:25

Ahaatthoolla allopwana eezeru variyari va Aisraelaayo ni waakeraatthiha wi ekhalle amodda oohoollella a athu 1,000, amodda a athu 100, amodda a athu 50, amodda a athu khumive

Yesaya 11:1

Enthambi eneerophuwa va nikoto na Yese nave yoophuwa eneerokhuma o misisi ddaye.

Yesaya 53:2

Vallethi oorumeyellaaye ahunnuwa wonanko yoophuwa vamiitthoni va Apwiya, wonanko musisi mu ethaya yawumma. Olliye khaarina mooneyello aphaama wi hiyaano ttuumuweha, khaareere wi ttuukuseyana murima.

Yesaya 55:4

Mudduwelle wi kaamutthoolla wi akhalle mbonaaka wa mitundu dda athu wi akhalle owahoollella ni owaalamulella athu anchichi.

Yesaya 7:14

Ekaamba ya yeella Apwiya weekhiiwa eneerewuuvahani echizindikiro. Ngoonani, namwalli aneerokhalla ni erukullu nave aneeromuyara mwaana aamullopwana nave aneeromuvaha nnddina nawi Imanuwele.

Yeremiya 30:21

Oolamulella anaakhalle mmodda a alliwa, oohoollella anaavenyera variyari viwa. Kineeromususihella vakhuviru ni miyaano, olliye aneerewaatamana ni miyaano. Ttaani anaallipe murima wi aatamane ni mi?

Hoseya 6:3

Hankoni nillipihelle waadduwella Apwiya. Eneeronihokollweella wonanko waayaaka ni osa, owa wiwa onaakhalle madaliso wonanko murimu, murimwiine ntthokollapallaka oyo anoollowiha ethaya.

Amosi 9:11

Apwiya enallota wi, “Enthawi yeeyo kineerohokollosella omwene wa Davide oyo wakumuwalle wonanko enyumba. Kineeropotokosattho esiri ddiwa ddookumuwa ni omakattho matepiiwa, kineerewuuhokollosellattho mwakhalle.

Mika 4:10

Nyu athu a o Ziyoni, wuupuruwa ni wiipullella wonanko mutthiyana va enthawaaye yooyara. Vawi vano muneerovenyamo m'muzindanimmo wi mwakhalle m'mawaani. Muneeroya o Babiloni wuukaporoni komave muneerovullusiwawo vawi Apwiya eneerowoopollani wa adanaanyu.

Zekariya 13:7

Apwiya Amasiva Mattheene enallota wi, “We nsupada, venya, muwukile mbusaaka, mukhwaaka a vamurimani. Mukakathe mbusa nave enkhosa dda mulloko ddineeropallalleya. Kineeroddikakatha vamodda ni dding'onong'ono ddene.

Zekariya 9:9

Nyu athu a o Ziyoni, hakallallani wunchichi! Nyu athu a o Yerusalemu, thapellani! Ngoonani, mwenaanyu animawa wa nyuwaano! Anawa ari oopambana ni oogonjiha koma awiiyeviha ni oomuwella bulu, mwananankhoro a bulu.

Mateyu 2:1

Yesu ayariweeye mu etawoni ya Betelehemu mu echigawo ya Yudeya, mwene a ellapweeyo aari Herode.* Enthawi yeeyo athu oohuddera dda etheneeri oovenyera wookhuma nndduwa yaaphiya m'muzindani wa Yerusalemu.

Mateyu 2:6

‘We Betelehemu mu echigawo ya Yudeya, ori muullupalli variyari va matawoni a mu Yudeya. Oohoollella anawa avenyera mwa weyaano, oyo anaahoollelle athwaaka Aisraele wonanko mbusa.’ ”

Mateyu 28:18

Yesu aaphiya vakhuviru allota wi, “Attiitthaaka aakivaha olamulello muttheene wa oddullu ni wa vatthimva.

Luka 23:2

Wenko yahaamba omuhumullulla wi oochimwa voollotani wi, “Naamphwanya aweerihaka athu a mutundwaahu wi ewukile nave aahiihaka okhoma musonkho wa Kaisara.* Nave aniiromolla yeekha wi tti Mesiya,* mwene.”

Luka 23:38

Vaddullu va murwaaye vaakhalla yoolembiwa yawi, “Olla tti Mwene a Ayuda.”

Yohane 7:42

Mawu a Mulluku enallota wi, Mesiyooyo anaakhalle edduullu ya mwene Davide nave anaayariwelle mu Betelehemu, m'muzi mmo mwakhalla Davide.”

Deuteronomo 1:15

Sika kahaatthoolla oohoollellaanyu, athu eezeru ni oodduwanyeya phaama. Nave kahaakeraatthiha wi ewehereke amodda a milloko dda athu 1,000, amodda a milloko dda athu 100, amodda a milloko dda athu 50 nave amoddattho a milloko dda athu khumi. Amoddattho kahaatthoolla wi ekhalle enduna variyari vanyu.

Akolose 1:17

Khrisitu aakhallawo ddeko ddittheddene ddihinakhallewo nave ddeko ddittheddene ddoomakellelliwa vamodda mu eyaattano ni olliyooyo.

Aheberi 13:8

Yesu Khrisitu tti yooyo oddillo, ollello ni mallapo mattheene.

Aheberi 7:14

Tti ddoodduwanyeya phaama wi yayariwelle o nlloko na Yuda. Nave Mose khaaromonlle dda nlloko nenna ovenyera khalle voollotani dda allupa mukutho.

1 Yohane 1:1

Ninuulembellani nyuwaano dda mawu oovaha okumi, ayo yaarivo waambeella vawaamba. Noowiiwa nave noowoona ni miitthwaahu. Ddawoona, noowoona nave mattaahu ahaattannya yaayo.

Yawuupullulla 19:16

Va yoowaraaye ni vakasambarani vaye vaalembiwa nnddina nawi, “Mwene a mamwene ni Apwiya a apwiya.”

Yawuupullulla 2:8

“Omulembelle oohoollella a mpingo wa o Smurina wi, “Alla sika mawu oovenyera wa oyo ari awaambeella ni oomallihella, oyo akhwille koma vano ookhallattho mukumi awi,

Yawuupullulla 21:6

Olliyooyo aallota wi, “Woomalla! Mi tti awaambeella ni oomallihella, waamba ni omalliha. Wa muthu ari ni nthona kineeromuvaha moohillivella wi awirye maaddi oovenyera va neetuutu amaaddi ookumi.

Oweeruza 17:7

O Betelehemu Yuda waakhalla musombwe mmodda eelleto a nlloko na Yuda oyo aari Mulevi.

Rute 1:1

Enthawi emodda Aisraele yalamulelliwiiwa ni oweeruza, mwaakhalla ettalla mwiillaponimmo. Sika muthu mmodda a o etawoni ya Betelehemu o echigawo ya Yuda aaya ni mwaariye owaaka anaaye aallopwana eelli wi yakhalle wa enthawi yooyeva mu ellapo ya Mowabu.

Rute 4:11

Athu attheene yaari vamullakoni valle ni attekweenaalle yaallota wi, “Ee, hiyaano tti amboni. Mutthiyana oyo onaamutthelleewe, Apwiya emweerihe wi akhalle wonanko Rakele ni Leya, atthiyana ayo yamuyarele Yakobo anamwani anchichi. Weyaano okhalle muthu eeyuuma mu nlloko na Efurata nave okhalle muthu oovuwa mu etawoni ya Betelehemu.

1 Samuele 10:19

Koma ollello, nyuwaano moomukhoota Mullukwaanyu oyo uuvullusalleni mu ddoohoosa ni ddookatamiha ddanyu. Munallota wi, ‘Iyaayi! Koma muninnye mwene oonilamulella.’ Vano mutthukumane vamiitthoni va Apwiya moollikana ni mallokwaanyu ni mabanjaanyu.”

1 Samuele 17:12

Davide aari mwaana a Yese, mu Efurati, o Betelehemu a o Yuda. Oyo aari ni anamwani aallopwana atthanu ni araru. Va enthawi ya mwene Saulo, Yese aari uulluvanlle wunchichi.

1 Samuele 17:18

Okusettho mukaka wawumma waweeriwa tchiizi wookwakhwana khumi oyeena wa akhoto muullupalli. Nave woone mmo asinnawo enakhallelliiwa nave waweenawo echizindikiro emodda yawooniha wi ennakhallawo phaama.

1 Samuele 23:23

Vano moonesese mapuro mattheene aniipittheeyemo nave muwettho wuno ni okilleella ddawoona ddiwa. Vano kineerewuuthwarani nave akhalla wenko kineeromwaashaasha variyari va athu attheene ellapo ettheene ya Yuda.”

1 Samuele 8:12

Amodda aneeroweera wi ekhalle oolamulella akhoto ma 1,000 nave amodda ma 50. Nave amodda enaallimeke m'matani mwaye ni ohata ddoollimiwannddo, ohana ezida ddakhoto ni ezipangizo dda magereta akhoto.