Mika 5:1 - Mawu a Mulluku

¹ Nyu a o Yerusalemu, vano atthukumaniheni akhotwaanyu. Nohaapheelliwa! Eneeromuukutha ni ekopo oolamulella a Israele vanramani.

Mika 5:1 Iomraidhean Croise

Genesis 35:19

Rakele akhwilleeye, avitthiwe mukhwipi mwa musewu wooya o Efurata, sika wi o Betelehemu.

Genesis 49:10

Yuda eneerophareella ekopo yoomwene enthawi ddittheddene. Aneerowummellella omwenooyo, nave aneerosunga masiviiwa, ophiyera mwaneenaneena aphiyalle, oyo anaalamulelle athu attheene.

1 Mamwene 22:24

Vano Zedekiya, mwaana a Kenana, aaphiya vakhuviru amuukutha Mikaya vanramani, amukoha wi, “Ethiyo munepa a Apwiya wavenyille mwawiidde mwa miyaano ollota ni weyaano?”

2 Mamwene 24:2

Sika Apwiya yaarumiha milloko ddakhoto dda Ababiloni, dda Asiriya, dda Amowabu ni dda Aamoni wi yamuhelle ekhoto Yuda ophiyera woononga ellapweeyo moollikana ni mmo Apwiya yallotilliiwa oweella mwa oorumeyelliiwa anamallotella.

Yobu 16:10

Athu ennakivevulla ni eyano ddiwa, enakuukutha vanramani mweepewe, ennatthukumana ollipana ni miyaano.

Miyambo 8:23

Yaakipanga khalle vawaambawaamba, ellapo yavatthi ehinaphatusiwe.

Yesaya 10:6

Kinamuruma wa mutundu woohipwatha dda Mulluku nave kinamulamula wi aye wa athu ayo kaananariwelleemi wi atthukumanihe ni waakha eyuumiiwa ettheene ni waanyingallella wonanko matokwi a m'musewuni.”

Yesaya 33:22

Vawi Apwiya sika ooneeruzaahu, Apwiya sika oonilamulellaahu, Apwiya sika mwenaahu nave alliwa sika enaanivulluse.

Yesaya 8:9

Nyu mitundu ddimodda dda athu tthukumanani mwawoova nave mutthukumelle. Nyu ellapo ddittheddene, iwesesani. Warani ddakhoto komave muneerokotholliwa. Ddawoona, warani ddakhoto komave muneerewinttakiwa.

Yesaya 9:5

Ddawoona, erive esapato ya muthu akhoto ni erive yoowara yoomorelliwa nikhame, ddineerokharihiwa wonanko ekhuni.

Yeremiya 25:9

kineerowiithaniha malloko mattheene ompoto ni oorumeyellaaka Nebukadinezara, mwene a o Babiloni. Kineerewaaruma wi ehelle ekhoto ellapweella ni athwiiwa navettho athu a mitundu ddimodda ddawaapheella ellapweella. Ddawoona, kineerewaatthollosa ni waatthattusa ello yoonanara, yoovevuwa ni yoosoonyiha wa enthawi yoohimalla.

Yeremiya 4:7

Wonanko mukango onuupulluwa ovenyera va wiipittha, emoddamoddave yeeyo awoononga ellapo ootimulla. Animawa wi oononge ellapwaanyu, mizinda ddaye eneerodditthattusa matepe oohikhallavo muthu ookhallamo.

Maliro 3:30

Avelleelle nrama naye wa oopaalla omuukutha, avillelle ddoomunyaambusa ddittheddene.

Ezekiele 21:32

Muneerokhalla wonanko ekhuni viikho. Amodda eneerewuukhumihani nikhame mwiillaponi mwanyu mwemmo. Khaavo oyo anaawuupuwellenittho. Mi Apwiya Mulluku koollota.”

Ezekiele 24:2

“We mwaana a muthu, ollello vaava lemba nnddina na nllapo nallello vawi tti nllapo nno mwene a o Babiloni aaphenlleeye muzinda wa Yerusalemu.

Daniele 9:25

Vano dduwella nave iiwesesa wi ovenyera enthawi eyo mawu yiiweyilliiwa awi Yerusalemu aneeropotokosiwattho ni omakiwattho ophiyera enduna yoozoziwa ephiyalle,* vinaavire miyakha mitthanu ni miilli oruuwiha otthanu ni opiilli. Sika muzindooyo oneeromakiwattho ori ni misewu ni engalande ddawiitetezella nave onakhallewo miyakha 62 oruuwiha otthanu ni opiilli koma enaakhalle enthawi ya ddoohoosa.

Yowele 3:9

“Llalleyani wa athu a mitundu ddittheddene wi, ‘Khozekellani ekhoto, wiithaneni akhotwaanyu amasiva, atthukumaniheni athu akhoto attheene wi yaatamelle, alleelleni wi esusellewo.

Amosi 2:3

Kineeromwiipha oolamulella variyari viwa, kineeroddiiphattho enduna ddaye vamodda ni olliye. Mi Apwiya koollota.”

Habakuku 1:6

Kineerewaawelliha odindo Ababiloni, mutundu wawoopiha ni wamasiva, eneerophiya virive veko va ellapo yavatthi wi yaakhe mapuro aaneena.

Habakuku 3:16

Vawiiwani nndda kinnatthukumella, eyanwaaka ennatikheya wunchichi ni woova, Mwiillaaka onnatthukumella, manyallwaaka ennoopana vatthimva. Kineerotiyera owa wa nllapo na ollakiwa wa oonihella ekhoto.

Mateyu 26:67

Vano yaamuttaphera mare owiitthoni waye ni omuukutha. Nave amodda yamoopille makofi

Mateyu 27:30

Yaanamuttaphera mare, enakusa ekopweelle enamuukuthana vamuruni vaye.

Mateyu 5:39

Koma miyaano vano kinimuulleellani wi, muhinamuhokollosella muthu aweerellani yoonanara. Muthu awuukutha vanramani noonnattanatta, ohimuhokolloselle, omwinnyettho nrama noonyottho wi awuukuthe.

Yohane 18:22

Yesu aallotilleeye ella, mmodda a akhoto oyo amwaatamenlle aamuukutha, allota wi, “Onamwaakhulla mullupa mukutho muullupalli mwawi ddiidda?”

Yohane 19:3

Yaawa wa olliyooyo ellota wi, “Mooselliwa, Mwene a Ayuda!” Nave yaamuukutha.

Mitteko 23:2

Vano mullupa mukutho muullupalli nnddina naye Ananiya* ahalamulella ayo yiimenlle vakhuviru ni Paulooyo wi emuukuthe owanoni waye.

2 Akorinto 11:20

Munnamwaakhullella arive muthu anuuhoosani apaalle wuuchellani ddaanyu apaalle anuullekani apaalle anuuvevullani apaalle anawuukuthani owiitthoni.

Deuteronomo 28:49

Apwiya eneerewiithaniha mutundu wa athu ovenyera woorekama, wookomella ellapo yavatthi wi ollipane ni nyuwaano. Athu a mutundu oyo ellotellwiiwa muhinayidduwelleenyu eneerewuumorellani wonanko mpungu.

Deuteronomo 33:27

Apwiya sika woothawellawo, annuusunga ni muwonwaaye woohimalla. Aawiikariha adani vamiitthoni vawo, ahuulleella wi owoononge attheene.

Oweeruza 17:7

O Betelehemu Yuda waakhalla musombwe mmodda eelleto a nlloko na Yuda oyo aari Mulevi.