Mika 4:5 - Mawu a Mulluku

⁵ Naari orive mutundu wa athu othwaraka milluku ddiwa, hiyaano ninaawaathware Apwiya Mullukwaahu wa enthawi yoohimalla.

Mika 4:5 Iomraidhean Croise

Genesis 17:1

Abramu ari ni miyakha 99 Apwiya yaamooneyella emulleella wi, “Mi tti Mulluku Amasiva Mattheene. Vano wiiwellelleke enthawi ddittheddene nave ohichimweke

2 Mamwene 17:29

Koma orive mutundu wa athwaayo waavirellella opanga mafano a milluku ddiwa nave yaanaddihiya mu mapuro oollapellamo ayo Asamariya yaddimakilliiwa. Orive mutundu wa athwaayo waakhalla ni enyumba dda mullukwiiwa mu orive muzinda mmo yakhalliiwa.

2 Mamwene 17:34

Enimeerave mitetho ddiwa ophiyera ollellova. Alliwa khenawoova Apwiya wiilliwiilli nave khenathwara malangizo naari malamulo ayo Apwiya yaddilamulaliiwa edduullu dda Yakobo oyo yamuvahilliiwa nnddina nawi Israele.

Masalimo 20:6

Vano kinnadduwella wi Apwiya ennamoopolla oozoziwiiwa.* Ennamwaakhulla eri oddullu, onipuroni niwa naweella, voomuvullusani mwamasiva a nnattanatta niwa.

Masalimo 48:14

“Mullukwaahu tti awi ddiidda, tti Mullukwaahu waambeella enthawi yoohimalla, tti oohoollellaahu wa enthawi yoohimalla.”

Masalimo 71:16

Kineeroowa ni othenga wootthopoolla dda mitteko ddamasiva dda Apwiya Mulluku. Kineerotitimiha echilungamwaanyuve.

Yesaya 2:5

“Sika vano nyu edduullu dda Yakobo, hankoni neete mu owala wa Apwiya.”

Yesaya 26:13

Apwiya Mullukwaahu naari nalamulelliwaka ni amodda, khaninapwatha nnddina nimodda koma naanyuve.

Yesaya 26:8

Ninnathwara ettilla ya malamulwaanyu, nyu Apwiya, ninnuutiyerellani. Ninnapaallesesa wi muupuwelliweke ni wi nnddina nanyu nititimihiweke.

Yeremiya 32:40

Kineerokeraatthiha echipangano yoohimalla ni alliwa nave ngihiya oweerella ddaphaama. Kineerewaavaha murima wookova, mwawi ddiiddo khewa ekihiyattho.

Zekariya 10:12

Kineerewaallipiha athwaaka, eneereweeta moollapella mu nnddina naka, mi Apwiya koollota.”

Mitteko 14:16

Khalle ahaahiya athu attheene wi yeereke ddoopaalla ddiwa.

Deuteronomo 27:10

Sika muwiiwellelleke Apwiya Mullukwaanyu nave musungeke malamulo ni malangizwiiwa mattheene ayo kinawinnyeemini ollello.”

Akolose 2:6

Vawi moomwaakhullella Khrisitu Yesu okhalla Apwiyaanyu, mukhallekettho mu eyaattano ni olliye.

Akolose 3:17

Vano erive ello muneereenyu apaalle munalloteenyu enaphwanella yeeriwe mu nnddina na Apwiya Yesu, mwaamuthokozaka Mulluku Attiitthaanyu oweella mwa olliyooyo.

Yoswa 24:15

Vano waarumeyella Apwiya waawukatamihakani, mumutthoolle ollello oyo munaamurumeyellekeenyu apaalle milluku nnddo yaddirumeyelle makhollwaanyu ookhalla okhopella wa muhinje apaalle milluku dda Aamori ayo munakhalleenyuna mu ellapwiiwa. Koma miyaano ni a vanibanjani vaka ninaawaarumeyelleke Apwiya.”