Mika 4:4 - Mawu a Mulluku

⁴ Arive muthu anaakhalleke mwamurendelle, naari vatthi va muteekhwaaye wa mpesa ni vatthi va muteekhwaaye wanamukuyu, khaavo oyo anaawoopopiheke vawi Apwiya Amasiva Mattheene, aneena, aallota.

Mika 4:4 Iomraidhean Croise

1 Mamwene 4:25

Nave Ayuda ni Aisraele yaanakhalla mwamurendelle, arive muthu vatthi va muteekhwaaye wampesa ni vatthi va muteekhwaaye wanamukuyu ovenyera o Dani ophiya o Beeresheba mallapo mattheene a Solomoni.

1 Mamwene 5:5

Sika kinapaalla kaamakelle enyumba Apwiya Mullukwaaka moollikana ni mmo yaalleellelliiwa attiitthaaka Davide wi, ‘Mwanawo oyo kinaamukeraatthiheemi va mpando woomwene munipuroni mwawo sika anaakimakelle enyumba.’

Yobu 11:19

Onaakoneke moohirurumuseya, anchichi eneerekewuuveka.

Masalimo 72:3

Miyaango ddineerokusella madaliso wa athu, asimiyaango eneerowaana echilungamo.

Miyambo 3:25

Ohinoovaka ddawoopiha nnddo ddinawa moorurumusa apaalle otulli wowaamorella athu oonanara.

Yesaya 1:20

Koma mwakhoota nave mwawukila, muneerewiiphiwa ni nsupada. Mi Apwiya koollota.”

Yesaya 17:2

Mizinda dda o Asiriya khaddikhalla ni athu wa enthawi yoohimalla. Ddinaakhalle dda eziweto nnddo ddinaakonekemo mwamurendelle.

Yesaya 22:25

Apwiya Amasiva Mattheene enallota wi nllapo nenno ekhomo yoollipa eneerohateya, eneerotulleya nave eneerewiikuha vatthi. Mi Apwiya koollota.”

Yesaya 26:16

Nyu Apwiya, va enthawi ya ddoohoosa, athwaanyu yaawaashaashani. Enthawi eyo mwaallakeenyu, yaavekella wa nyuwaano.

Yesaya 32:17

Ekaamba ya yeella, mu ellapo ettheene muneerokhalla murendelle ni omaalleya ophiyera wa enthawi yoohimalla.

Yesaya 36:16

Muhimwiiwellelle Hezekiya. Mwene a o Asiriya anuulamulani wi mukhumemo m'muzindanimmo nave mumugonjelle. Mweera ddiiddo arive muthu anaacheke mpesaaye ni namukuyaaye ni owirya maaddi a mu ehimaaye.

Yesaya 40:5

Vano ntitimiho na Apwiya nineerewooneya, athu attheene eneerewoona, vawi Apwiya sika ellotille ddenndda ni eyanwiiwa.”

Yesaya 54:14

Oneerokeraattheya mu echilungamo, khowattho onyingallelliwa, ddawoona, khowattho woova, Khuwa woopopihiwa kaambiiwa ddeko ddawoopiha khaddiwaatamella.

Yesaya 58:14

Vano muneerohakallalla mwa miyaano Apwiya nave kineerewuupambanihani va ellapo yavatthi ettheene. Muneeroyichella yoohallana kamuvahilleemi Yakobo nikhollo nanyu. Mi Apwiya koollota ddenndda ni vayanoni vaka.”

Yeremiya 23:4

Kineeroddihiyera abusa ooddiwehera phaama nave kheddiwa ddoovattho apaalle woopopiheya apaalle ohollowa. Mi Apwiya koollota.”

Yeremiya 30:10

“We Yakobo, murummwaaka, ohoove. We Israele, ohitathille murima. Mi Apwiya koollota. Vawi Kineerewuuvullusani ovenyera o ellapo yawoorekama. Kineeroddoopollattho edduullu ddanyu ovenyera o ellapo dda wuukaporoni. Attheenenyu muneerohokollowattho, muneerokhalla ni murendelle oohikhallavo oowoopopihani.

Ezekiele 34:25

Kineerokeraatthihana echipangano yamurendelle. Kineeroddivenyihamo mwiillaponimmo enama ddittheddene ddamuhakani wi enkhosa ddaka ddikhallekemo mwamurendelle naari muchipululuni apaalle muhakani.

Ezekiele 34:28

Athu a mitundu ddimodda khewa ewaakhattho ddeko ddiwa nave enama ddamuhakani khaddiwa ddaattakhuna. Eneerokhalla mwamurendelle oohikhallavo oowoopiha.

Ezekiele 38:11

Vano oneerollota wi, ‘Kineerowana ekhoto ni ellapo ya mizi. Kineerooya wa athu ayo enakhalla mwamurendelle ayo ehinateteziwa ni mipanda apaalle machiwi ookhalla ni mikoko ddoollipa.

Ezekiele 39:26

Athwaayo eneerokeraattheya mwamurendelle mwiillaponi mwiwa, oohikhallavo owaakatamiha. Eneerotiwalla ddoowulliha muru ddiwa nnddo ddaamorenlle ekaamba ya ohikiroromella.’

Levitiko 26:6

Kineerowaana murendelle mwiillaponaanyu nave muneerekokonaatthi woohikhallavo owoopopihani. Kineerowiikariha enama ddamuhakani ddawoopiha mwiillaponaanyu nave khamuwa mukhalla ekhoto.

Mika 5:3

Ekaamba ya yeella Mulluku aneerewaahiya Aisraele ophiyera mutthiyana amuyanre mwaana. Vaavo oohalla a mutundwaaye eneerohokollweella wa Aisraele akhwiiwa.

Zefaniya 3:13

Oohalla a mu Israele khewa yeera yoohilungama, khewa ellotattho ddawoottha, khewa yeerattho ddoolleka. Eneerokhalla vaphaama vamurendelleni, oohikhallavo oyo anaawoopopihe.”

Zekariya 3:10

Nllapo nenno attheenenyu muneerewiithanihana wi mwahakallallelle murendellaanyu, arive muthu ari va muteekhwaaye wampesa ni wanamukuyu. Mi Apwiya Amasiva Mattheene koollota.’ ”