Mika 4:3 - Mawu a Mulluku

³ Alliwa eneereweeruza variyari va mitundu dda athu ddinchichi, eneeromalliha ohiiwanana variyari va malloko amasiva, avakhuviru ni awoorekama. Athu eneerohana masupadiiwa wi ekhalle ehipa ni mavakiiwa wi ekhalle ezikwakwa. Mitundu dda athu khaddiwa ddiimesellanattho masupada, khaddiwa ddihudderattho ddoowana ekhoto.

Mika 4:3 Iomraidhean Croise

Masalimo 46:10

“Khurumuwani, dduwellani wi miyaano tti Mulluku. Mitundu dda athu ddinnakititimiha, a ellapo yavatthi ennakititimiha.”

Masalimo 46:9

Ennamalliha ekhoto va ellapo yavatthi ettheene. Enninttaka muura, ennakotholla nivaka, ennaahella munllo magareta akhoto.

Masalimo 72:3

Miyaango ddineerokusella madaliso wa athu, asimiyaango eneerowaana echilungamo.

Masalimo 72:7

Va mallapwaaye echilungamo eneerewunnuwa, murendelle oneerewaata ophiyera mweeri ohiyalle owala.

Masalimo 82:8

Nyu Mulluku, venyani, eruzani ellapo yavatthi, vawi mitundu dda athu ddittheddene tti ddaanyu.

Masalimo 96:13

vamiitthoni va Apwiya, vawi enimawa wi yeeruze ellapo yavatthi. Eneereweeruza ellapo ettheene mweechilungamo, athu a mitundu ddittheddene mwawoona.

Masalimo 98:9

vamiitthoni va Apwiya vawi enimawa wi yeeruze ellapo yavatthi. Eneereweeruza ellapo ettheene mweechilungamo, mitundu ddittheddene moohiweha ekhove.

Yesaya 2:4

Apwiya eneereweeruza variyari va mitundu dda athu, eneeromalliha ohiiwanana variyari va malloko manchichi. Athu eneerohana masupadiiwa wi ekhalle ehipa ni mavakiiwa wi ekhalle ezikwakwa. Mitundu dda athu khaddiwa ddiimesellanattho masupada, khaddiwa ddihudderattho ddoowana ekhoto.

Yesaya 25:3

Ekaamba ya yeella mitundu ddamasiva dda athu ddineerewuutitimihani, m'mizindani dda mitundu ddeekuku athu eneerowoovani.

Yesaya 51:5

Kineeroowa mwawaakuva wi kiwoopolle athwaaka, enthawaaka yawaavullusa eri vakhuviru vawi meekhaaka kineerolamulella mitundu ddittheddene dda athu. Ellapo ddawoorekama ddinimakitiyera wi kiwe, enakitiyerella moororomella wi kaavulluse.

Yesaya 60:12

Koma ellapo ni moomwene ayo ehinuurumeyella eneerotthollowa, athu a mitundu ddenndda eneerewoonongeya.

Yesaya 65:25

Mumbulu ni mwaanaankhosa eneerekochella vamodda nave mukango oneerekocha munyepu wonanko eng'ombe navettho nthupi sika ninaakhalle yoocha ya enowa. Va mwaangwaaka waweella wa Ziyoni khaviwa vikhalla ello yoovoreya apaalle yawoononga.”

Yesaya 9:7

Olamulello ni murendellaaye ddineerovirellella waata, aneerokhalla va mpando wa mwene Davide, aneerokeraatthiha ni ollipiha omwenaaye, vaweerani ddoolungama ni ddaphaama waambeella enthawi yeeyo wa enthawi yoohimalla. Ni murimiiwa muttheene Apwiya Amasiva Mattheene yoosimikiza okwakhwanihella ddenndda.

Daniele 2:44

Va enthawi ya moomwenaayo, Mulluku ooddullu aneerokeraatthiha omwene woohoonongiwa. Oneerewaaphwinya ni waatthollosa moomwene mamodda mattheene nave omwenooyo weekhiiwa oneerokhalla wa enthawi yoohimalla.

Hoseya 2:18

Enthawi yeeyo kineerokeraatthiha echipangano ni enama ddamuhakani, epallame ddoovava, ddawaapadda wi ddaattane ni athwaaka. Vano kineerewinttaka muura, nsupada ni ezida ddakhoto ddimodda ddittheddene nave kineeroddivenyihamo mwiillaponimmo wi alliwa ekhalleke mwamurendelle.

Hoseya 2:20

Kineerewuutomela moororomelleya nave oneerodduwella wi mi tti Apwiya.”

Yowele 3:2

Kineerotthukumaniha mitundu ddittheddene ni oddiwaana ohito wa ntapo na Yehoshafati. Wenko kineeroweeruza ekaamba ya nnddo yaweerelliiwa Aisraele, athwaaka ni yoohallanaaka vawi ahaapallallesella mu ellapo ddiwa ddittheddene nave ayikawakawa ellapwaaka.

Mika 5:15

Moowalli ni moonanariwa kineerollaka mitundu ddittheddene dda athu nnddo ddihinakiiwellella.”

Zekariya 14:3

Vatulli viwa Apwiya eneeroowa wi ewane ni adanaayo wonanko yeerelliiwa nllapo na ekhoto.

Zekariya 8:20

Apwiya Amasiva Mattheene enallota wi, “Enthawi ya owa wa athu oovenyera o mizinda ddinchichi eneerokwakhwana.

Zekariya 9:10

Apwiya enallota wi, “Kinerewaavenyihawo magareta akhoto o Efuremu, kineerewaakusawo akavalo o Yerusalemu, miira ddakhoto ddineerokotholliwa. Mwenaawo eneerokeraatthiha murendelle variyari va mitundu dda athu. Aneerekolamulella ovenyera o enyanja emodda ophiya o enyanja emodda, ovenyerattho o muhinje wa Yufurate ophiya o makomello a ellapo yavatthi.”

Mitteko 17:31

Vawi ootthoolla nllapo nawi eeruze ellapo yavatthi ettheene ni echilungamo mwa muthu amutthoonlleeye. Ohoonihella yeella wa arive muthu voomuvenyihani muthu yoolla wa ookhwa!”

Yawuupullulla 19:11

Kahoona oddullu ohulleyille nave kavalo aweella ahooneya. Oomuwella oyo nnddina naye aari Oororomelleya ni Awoona, oyo aneeruza ni owana ekhotwaaye mwa echilungamo.

1 Samuele 2:10

Apwiya Mulluku muullupalli eneerewaanyenya adaniiwa, eneerowoopopiha ni ogugudeya wa murimu woovenyera oddullu. Apwiya eneeroweeruza ophiyera omalla wa ellapo yavatthi ettheene, mweniiwa eneeromwinnya masiva, eneerowunnuwiha masiva a mweniiwa oozoziwa.”*