Mika 4:1 - Mawu a Mulluku

¹ Va mallapo a muhoollo mwaango wa enyumba ya Apwiya oneerotthattusiwa woorekamesesa okhwaranya miyaango ddittheddene. Athu ddineerothamakella omwaangoninko,

Mika 4:1 Iomraidhean Croise

Genesis 49:1

Vatulli viwa Yakobo aawiithana anaaye aallopwana nave aalleella wi, “Mutthukumane vamodda wi kuulleelleni ddinaaweereyelleni muhoollo.”

Genesis 49:10

Yuda eneerophareella ekopo yoomwene enthawi ddittheddene. Aneerowummellella omwenooyo, nave aneerosunga masiviiwa, ophiyera mwaneenaneena aphiyalle, oyo anaalamulelle athu attheene.

Masalimo 110:3

Athwaawo eneerewiivelleella mwa opaalla wiwa va nllapo nno onaawooniheewe masivaawo vamwaangoni waweella. Asombwaawo eneeroowa wa weyaano mwawaata wonanko nikame ohinase.

Masalimo 22:27

Mitundu ddittheddene ddineerowuupuwella Apwiya ni waarukunuwella. Malloko mattheene eneerewaallapella.

Masalimo 48:1

Apwiya tti uullupalli, tti oophwanella waatitimiha wunchichi, m'muzindani mwiwa, vamwaangoni viwa vaweella.

Masalimo 86:9

Nyu Apwiya, mitundu ddittheddene dda athu mwaddiphatusalleenyu ddineeroowa wa nyuwaano, ddineerewuukokhorellani, ddineerotitimiha ottekweenaanyu,

Yesaya 27:13

Nllapo nenno nipallapata nuullupalli nineerewinlla owiithana Aisraele attheene ayo yaari wuukaporoni o Asiriya ni o Iguputo. Alliwa eneeroowa nave eneerewaallapella Apwiya va mwaangwiiwa waweella o Yerusalemu.

Yesaya 43:6

Kineerewaalleella oompoto wi, ‘Ahiyeni!’ Kineerewaalamula oomwera wi, ‘Muhaawanddeellelle!’ Anaaka aallopwana ehokollowe ovenyera o ellapo ddawoorekama, anaaka aatthiyana ewe ovenyera wookomella ellapo yavatthi,

Yesaya 49:6

Apwiya enallota wi, “Tti ello yoovevuwa wi okhalle oorumeyellaaka, wi waavenyihe malloko a Yakobo, waahokollosella owaniwa Aisraele oohalla. Kineeroweerani wi mukhalle owala wa mitundu ddimodda dda athu, wi ovullusa waka ophiye o makomello a ellapo yavatthi.”

Yesaya 54:2

Wunnuwihe nipuro nootthipellavo musasaawo, ottaphuruse wunchichi ekuwo ddene. Ohilephele, orekamihe mikwe ddene, ollipihe ekhomo ddene.

Yesaya 56:7

“Kineerewaaphiyiha o Ziyoni, mwaangwaaka wootthoolliwa. Kineerewaavaha ehakallallo mu enyumbaaka yamavekello. Mikutho ddiwa ddawoosa ni mikutho ddiwa ddimodda kineeroddaakhella va nikuwa naka. Valle enyumbaaka eneeroromolliwa enyumba yoovekellamo athu a mitundu ddittheddene.”

Yeremiya 16:19

Nyu Apwiya tti masivaaka ni mpandaaka, voothawellavo vaka va enthawi ya ddoohoosa. Athu a mitundu ddittheddene eneeroowa wa nyu ovenyera o makomello mattheene a ellapo yavatthi. Nave eneerollota wi, “Makhollwaahu yaakhalla ni milluku ddawoottha, yaakhalla ni mafano oohikhalla ni mutteko.

Yeremiya 26:18

“Enthawi eyo Hezekiya aariiye mwene a o Yuda, Mika a o Moresheti aallotella. Nave ahaalleella athu attheene a o Yuda wi Apwiya Amasiva Mattheene enallota wi, ‘Ziyoni aneerollimiwa wonanko emata, Yerusalemu aneerotthattuwa ntepe nave mwaango wa enyumba ya Apwiya oneerotthattuwa otthako.’

Yeremiya 3:17

Enthawi yeeyo Yerusalemu aneeroromolliwa ‘Mpando woomwene wa Apwiya.’ Nave mitundu ddittheddene dda athu ddineerotthukumana wenko vamiitthoni va Apwiya. Khewa ekhalla awumma murima ni othwara murimiiwa woonanara.

Yeremiya 31:12

Athu eneeroowa yiipaka mookhuwa va miyaango dda Ziyoni, eneerohakallalla wunchichi ekaamba ya ddaphaama ddinchichi ddoovenyera wa Apwiya. Ddaphaamanndda tti tirigu, vinyo anaanweene, makhura owaaka anamwanankhosa ni a asaanaang'ombe. Okumiiwa onaakhalle wonanko emata yoohellella, alliwa khewa emoriwa ethakaraka.

Yeremiya 48:47

Komave mallapo a muhoollo Apwiya eneerohokollosellattho murendelle wa Mowabu.” Nndda sika ellotille Apwiya dda nnddo ddinaamweereyelle Mowabu.

Ezekiele 38:16

Oneerowa wi ollipane ni athwaaka Aisraele wonanko ephevo yuullupalli yoohuruwella ellapo. Mallapo yaayo kineerowaambaniha ni ellapwaaka wi athu a mitundu ddimodda ekidduwelle mvo kinaawoonihelleemi weella waka va nnddo kinaaweerelleemi, we Gogi.’ ”

Ezekiele 40:2

M'masomphenya, Apwiya yaakikusella o ellapo ya Israele ekihiya vamwaangoni woorekama mvo koonilleemi yoomakiwa wonanko muzinda omwera.

Ezekiele 43:12

Nenna sika lamulo na mu enyumba ya Apwiya eyo enaamakiwe vaddullu va mwaango. Vatthevene vawaapheella vineerokhalla vaweellesesa. Nenna sika lamulo na mu enyumba ya Apwiya.”

Daniele 10:14

Sika koowa wi kuutthopoollelle nnddo ddinaaweereyelle athwaawo mallapo enawaalla. Ddeko waddoonilleewe m'masomphenyanndda ddineereweereya mallapo amuhoollo.”

Daniele 2:28

Koma wookhalla Mulluku oddullu awuupullulla ddoovittheya. Olliye oomudduwelliha mwene Nebukadinezara nnddo ddineereye muhoollo. Vano nndda sika ddeko moonilleenyu m'masomphenya muri vabedini vanyu.

Daniele 2:35

Sika mukoko, olloko, mukuwa, siliva ni golide ddittheddene ddaanyenyeya vamodda. Nave ddaavavihiwa ni ephevo wonanko mallulla va nipuro nawuuputhella enthawi yoohata, oohihallavo erive ello. Koma nlluku nanyenyille nifanonno naatthattuwa mwaango muullupalli, oddalla ellapo yavatthi ettheene.

Daniele 2:44

Va enthawi ya moomwenaayo, Mulluku ooddullu aneerokeraatthiha omwene woohoonongiwa. Oneerewaaphwinya ni waatthollosa moomwene mamodda mattheene nave omwenooyo weekhiiwa oneerokhalla wa enthawi yoohimalla.

Daniele 7:14

Vano aavahiwa olamulello, olemu ni omwene wi athu a ellapo ddittheddene, mitundu ddittheddene ni ellotello ddoohiyanahiyana yaanamurumeyella. Olamulellwaaye tti wa enthawi yoohimalla, khowa omalla nave omwenaaye khowa woonongeya.

Daniele 7:18

Koma aweella a Mulluku Amasiva Mattheene eneerewaakhella masiva oomwene nave eneerokhallanave wa enthawi ddittheddene ni wa enthawi yoohimalla.”

Daniele 7:22

ophiyera mvo oyo aarivo khalle aphiyalleeye. Sika echiweruzo yaaweetella phaama aweella a Mulluku Amasiva Mattheene. Ella sika enthawi eyo aweella yaakhenlliiwa omwene.

Daniele 7:27

Omwene, olamulello ni ottekweene wa mamwene mattheene a va ellapo yavatthi ddineerovelleelliwa wa aweella a Mulluku Amasiva Mattheene. Omweniiwa onaakhalle woohimalla, oolamulella attheene a ellapo yavatthi eneerekewaarumeyella ni owiiwellella.”

Hoseya 3:5

Vatulli viwa Aisraelaayo eneerohokollowa ni owaashaasha Apwiya Mulluku ni edduullu ya Davide mweniiwa. Enthawi yeeyo Aisraele eneerowoovattho Apwiya nave eneerewaakhella ddaphaama ddiwa.

Mika 3:12

Sika vano ekaamba ya nyuwaano, Ziyoni aneerollimiwa wonanko emata, Yerusalemu aneerotthattuwa ntepe nave mwaango wa enyumba ya Apwiya oneerotthattuwa otthako.

Zekariya 14:10

Ellapo ettheene eneeromwaramwariwa phaama ovenyera o Geba ophiya o Rimoni, omwera wa Yerusalemu. Koma Yerusalemu aneerowellihiwa va nipuro naye ovenyera o mullako wa Benjamini ophiya o nipuro nko waari Mullako Wawaamba, ophiya o mullako wa Ekona navettho ovenyera o nttattha na Hananele ophiya o nipuro noovotella mpesa wa mwene.

Zekariya 2:11

Enthawi yeeyo athu anchichi eneeroowa wa mi Apwiya, muneerotthattuwa athwaaka nave kineerokhalla variyari vanyu.” Vano muneerodduwella wi Apwiya Amasiva Mattheene sika ekirumalle.

Zekariya 8:3

Mi Apwiya Amasiva Mattheene kineerohokollweella o Ziyoni nave kinaakhalleke o Yerusalemu, muzindaaka waweella. Sika Yerusalemu aneeroromolliwa Muzinda Woororomelleya. Mwaango wa mi Apwiya Amasiva Mattheene oneeroromolliwa Mwaango Waweella.

Malaki 1:11

Ovenyera wookhuma nndduwa ophiyera woovollowa nndduwa nnddina naka ninaakhalle nuullupalli variyari va mitundu ddittheddene. Va nirive nipuro ennakoosella lubani* nave ennavelleella mikutho ddoopatuleya vawi nnddina naka tti nuullupalli variyari va mitundu dda athu ddittheddene. Mi Apwiya Amasiva Mattheene koollota.

Mitteko 2:17

Mulluku aallota wi, ‘Vatulli viwa kineerohella munepaaka va athu attheene, aniinyu aallopwana ni aatthiyana eneerollotella, athu awuulluvalla eneerolloha, asombwe eneerewoona masomphenya.

Aheberi 1:2

Koma mu mallapo oomallihellaalla anallota wa hiyaano oweella mwa Mwanaye. Mwa olliyoolla Mulluku aaphatusa ellapo ni ddittheddene ddinakhalla mwemmo. Nave Mulluku aamutthoolla wi omamallihello wene ddeko ddittheddene ddikhalle ddaayeddaaye.

2 Petro 3:3

Yawaambeella, munaphwanella wi mwiiwesese wi mallapo oomallihellaalla athu amodda oolamuliwa ni minkhella ddiwa eneerewooneya. Eneeroweerellani epewe

Yawuupullulla 11:15

Nave mungelo aneetthanu ni piilli ahoopa nipallapata naye. Nave kahiiwa mawu oowella ovenyera oddullu oollota wi, “Omwene wa ellapo yavattheella tti wa Apwiihu ni wa Mesiyaaye.* Nave Apwiihu eneerolamulella wa enthawi ddoohimalla!”

Yawuupullulla 15:4

Athu attheene eneerowoovani nyu Apwiya, khaavo anaakhoote otitimiha nnddina nanyu, vawi nyuwaano tti aweella. Athu a mitundu ddittheddene eneeroowa ni wuullapellani nyuwaano, kaambiiwa mitteko ddanyu ddoolungama ddohooniwa wa athu attheene.”

Yawuupullulla 20:4

Nave vano kahoona mipando ddoomwene nave ayo yakeraatthille va mipandonnddo yaari ayo yavahiwe olamulello waweeruza millatu. Kahoonattho minepa dda athu ayo yiiphiwe ekaamba ya mawu a Mulluku owaakattho ovelleella omboni dda Yesu. Kheyaallapenlle enama yuullupalli yawoopiha apaalle nifano niwa naari odindiwa ni echidindo ya enameeyo va eyuuchi ddiwa apaalle va mattiiwa. Yaavenyihiwa wa ookhwa nave elamulella wonanko mamwene vamodda ni Khrisitu wa miyakha 1,000.