Mika 3:9 - Mawu a Mulluku

⁹ Ngiiwani, nyu oohoollella a nibanja na Yakobo, oolamulella a nibanja na Israele! Munniitana ni echilungamo, munnakhoromaniha ddeko ddawookowa.

Mika 3:9 Iomraidhean Croise

Nehemiya 13:17

Vaavo kahaahumullulla oohoollella a mu Yuda nave kahaakoha wi, “Ethiyo yoonanara muneerenyweella tti tini, oripiha nllapo na Sabata?

Eksodo 3:16

Khawe waatthukumanihe oohoollella attheene a Aisraele, waalleelle wi, ‘Apwiya Mulluku a makhollwaanyu, Mulluku a Abrahamu, Isaki ni Yakobo, aakooneyella nave aakilamula wi kuulleelleni wi oowa wa nyuwaano nave ohoona ddittheddene enaweerellani Aiguputo.

Miyambo 17:15

Ookamulla mullatu wa muthu oonanara wi khalakwille annaananara Apwiya emoddamoddave yeeyo anamweera muthu oolungama wi oolakwa.

Miyambo 17:23

Muthu oonanara annaakhella ddamukaphwani wi akhoromanihe echilungamo.

Miyambo 18:5

Khe waphaama omuyaara muthu oonanara apaalle omuwatteella echilungamo muthu oolungama.

Miyambo 21:7

Echiwawa ya muthu oonanara ennamoononga vawi annakhoota weera ddoolungama.

Yesaya 1:23

Oohoollellaawo ennawukila nave enniiwanana ni allupaawiiya. Arive muthu annaakhella ddamukaphwani nave annathamakella emphaso. Khanaateteza akhwaadduni nave khanapwatha millatu dda anaamukhwelle.

Yeremiya 5:28

Yooneneva nave miilli ddiwa tti ddoosalala. Ennavirellella weera mitteko ddiwa ddoonanara, kheneeruza mweechilungamo millatu dda akhwaadduni ni oohoowa wi ddeete phaama.

Ezekiele 44:23

Allupa mukutho yaahuddiheke athu ohiyaniha variyari va ddeko ddoopatuleya ni ddeko shisha navettho variyari va ddaweella ni ddooripihiwa ovelleelliwa mukutho.

Hoseya 5:1

Nyu allupa mukutho, apellani maaru! Nyu Aisraele attheene, iwani. Nyu a mu nibanja noomwene, reyaani naaru! Mawaaka oollaka eneerewuumorellani ekaamba yawi nyuwaano mwakhanlle wonanko mullapa o Mizipa apaalle mureyille nthavi o mwaango wa Tabori.

Levitiko 26:15

mwaavevullaka malamulwaaka nave murimaanyu waakhootaka nnddo kinuulamulellaamini ophiyera ohiwiiwellella malamulwaaka mattheene ni otathilla echipanganwaaka,

Amosi 5:7

Otulli wa ayo enakhoromaniha echilungamo, enanyaambusa ddoolungama.

Mika 1:1

Va enthawi ya Yotamu, Ahazi ni Hezekiya mamwene a o Yuda, mawu a Apwiya yaawa wa Mika a o Moresheti mu masomphenya dda Samariya ni Yerusalemu.

Mika 3:1

Ngiiwani, nyu oohoollella a nibanja na Yakobo, oolamulella a nibanja na Israele! Ethiyo nyu khamuphwanenlle odduwella echilungamo?

Deuteronomo 27:19

“ ‘Atembeleliwe arive muthu aweeruza moohilungama alleto, akhwaadduni ni anaamukhwelle.’ “Nave athu attheene yaakhulle wi, ‘Amen!’