Mika 3:6 - Mawu a Mulluku

⁶ Wa anamallotella yaalla Apwiya enallota wi, “Ekaamba ya yeella khamuwa moonattho ddeko m'masomphenya, khamuwa mullotellattho. Nyu anamallotella, enthawi yohuumallellani, epiphi yohuumorellani.”

Mika 3:6 Iomraidhean Croise

Masalimo 74:9

Ezizindikiro ddahu ddittheddene ddohoonongeya, khaawo naari namallotella naari mmodda, khaavo naari mmodda variyari vahu oyo anadduwella enthawi ya omalla wa ddenndda.

Yesaya 29:10

Apwiya yohuukonihani ekhove ddookhwana, yohuukhuneellani miittho, ayo tti anamallotella nave yohuukhuneellani omuruni, ayo tti oollohella.

Yesaya 59:10

Ninnaapapella esiri wonanko oohoona, wonanko oohikhalla ni miittho. Ninnakwakwatuwa otthaana wonanko misikuwa. Ddawoona, niri akumi komave niri wonanko ookhwa.

Yeremiya 13:16

Atitimiheni Apwiya Mullukwaanyu, ehinamorihe epiphi wi mukwakwatuwe m'miyaangoni, ehinatthattuse owala nko mwatiyerellaanyu wi okhalle epiphi yoottikana.

Yeremiya 15:9

Moowe a anamwani atthanu ni eelli oongomowa, anavumella muddullu. Epiphi yommorella otthaana, oowullihiwa muru nave murima onimamvoreya. Oohalla attheene kineerewaavelleella wa adani wi ewiiphe ni nsupada. Mi Apwiya koollota.”

Yeremiya 18:18

Vano athu yaallota wi, “Hankoni niiwanane ddoomweerella echiwembu Yeremiya wi nivirellelle okhalla ni allupa mukutho oonihoollella, athu eezeru oonilangiza ni anamallotella oonillalleyella mawu a Mulluku. Hankoni nimwiipe mullatu nave nihiye opwatha mawaaye.”

Ezekiele 13:9

Kineerewaallaka anamallotella ayo enoona m'masomphenya awoottha ni awoombesa moohollosa. Khekhallana va mutthukumano wa athwaaka. Kheyeerengelliwa nimodda ni Aisraele nave khehokollweella mu ellapo ya Israele. Sika muneerodduwella wi mi tti Apwiya Mulluku.’

Ezekiele 7:26

Otulli oneerothwarana, vineerovuwa epilli yoohimalla. Athu eneerowaashaasha anamallotella wi yaallotelle ddamuhoollo, eneerorama allupa mukutho wi yaahuddihe malamulo nave attekweene kheyaalangizattho.

Amosi 8:11

Apwiya Mulluku enallota wi, “Enthawi enimawa mvo kinaarumiheemi ettalla mwiillaponimmo. Khekhalla ettalla yoorama buledi apaalle nthona koma ettalla yoorama mawu a Apwiya.

Mika 2:6

“Athu enakilleella wi, ‘Muhinillalleyelle, muthu ahinillalleyelle ddenndda vawi khaniwa niwulliwa muru.