Mika 3:5 - Mawu a Mulluku

⁵ Vookhalla anamallotella ayo enaahollosa athwaaka. Mmodda aavaha yoocha, ennallotella dda murendelle. Koma mmodda ahaavaha yoocha, ennamullotella dda ekhoto.

Mika 3:5 Iomraidhean Croise

Miyambo 28:21

Ntthoollo khe naphaama koma enthawi emodda muthu annooniha okondella ekaamba ya mwanabuledi.

Yesaya 3:12

Athwaakanyu, asombwe sika enuuhoosani nave atthiyana sika enuulamulellani. Ha, athwaakanyu, enuuhollosani tti oohoollellaanyu nave enuuvirikanihellani ettilla ddanyu.

Yeremiya 23:27

Anamallotellaalla enaganiza wi athwaaka eneerokitiwalla vawiiwani ddoollohannddo wonanko mmo makhollwiiwa yatiwallelliiwa voomullapellani Baala.

Yeremiya 23:32

Kinnaakhoota anamallotella ayo enalloha ddawoottha, enaalleella athwaaka ni waavirikaniha ni ddawoottha ddiwannddo. Khe miyaano kaarumalle apaalle waalamula nave kheenaakavihera athu naari vang'ono. Mi Apwiya koollota.”

Yeremiya 6:14

Ennavolliha makhwata a athwaaka vaddulluve. Nave enallota wi, ‘Murendelle, murendelle,’ koma ohiri murendelle.

Yeremiya 6:4

Eneerollota wi, “Khozekani wi muhelle ekhoto muzindoolla! Waawoni niwuhelle ekhoto otthaana vaava!” Koma vano eneerollotattho wi, “Otulli vawi nndduwa nootthettemana nave miithuuchi dda misikuwa ddohaamba orekama!

Maliro 2:14

Anamallotellaawo yaawoonella weyaano masomphenya awoottha ni oolleka. Kheyaawoonihalle ochimwa wawo wi okhalle waphaama, koma yaawooniha masomphenya awoottha ni oohollosa.

Ezekiele 13:9

Kineerewaallaka anamallotella ayo enoona m'masomphenya awoottha ni awoombesa moohollosa. Khekhallana va mutthukumano wa athwaaka. Kheyeerengelliwa nimodda ni Aisraele nave khehokollweella mu ellapo ya Israele. Sika muneerodduwella wi mi tti Apwiya Mulluku.’

Hoseya 4:5

Munnakwakwatuwa otthaana ni mahiiyu nave anamallotella enneera emoddamoddave. Kineeromoononga meenyu, Israele.

Yowele 3:9

“Llalleyani wa athu a mitundu ddittheddene wi, ‘Khozekellani ekhoto, wiithaneni akhotwaanyu amasiva, atthukumaniheni athu akhoto attheene wi yaatamelle, alleelleni wi esusellewo.

Mika 2:11

“Muthu mmodda eetaka ni murima wawoottha ni woolleka anallotella wi, ‘Ddawoona, muneerokhalla ni vinyo ni ddoowirya ddoowalli ddinchichi,’ namallotella yoolla athwaalla eneeromukonda.

Mika 3:11

Oohoollella kheneeruza vaahikhalla ddamukaphwani, allupa mukutho khenahuddiha vaahikhalla mallivello navettho anamallotella khenallotella vaahikhalla makobiri. Komave enahameella va Apwiya voollotani wi, “Ethiyo Apwiya kheri variyari vahu? Kheyiivo yookatamiha enaanimorelle!”

Malaki 2:8

Koma vano nyu allupa mukutho moohiya ettilla yawoona. Ehuddihwaanyu yohaakwakwatuwiha anchichi. Moonanariha echipangano kakeraatthihalleemi ni Levi. Mi Apwiya Amasiva Mattheene koollota.

Mateyu 15:14

Muhaapwatheke! Yaayo tti oohoollella oohoona owaahoollella akhwiiwa oohoona. Vano oohoollella oohoona amuhoollella oohoona mukhwaaye, eelli attheene eneeromorihellana munllitini.”

Mateyu 7:15

“Chenjerani ni anamallotella awoottha; enaphiya wa nyuwaano yooneyaka oomaalleya wonanko enkhosa koma muwari mwiwa eri enama ddawoopiha

Aroma 16:18

Vawi athu yaayo khenamurumeyella Khrisitu, Apwiihu koma minkhella ddiwa. Ennaalleka athu ooreera murima voollotani mawu ooreeriha.