Mika 3:4 - Mawu a Mulluku

⁴ Enthawi enimawa mvo muninllelleenyu wa Apwiya koma khewaakhullani. Enthawi yeeyo Apwiya eneerewiipitthiha ekhoviiwa kaambiiwa mitteko ddanyu tti ddoonanara.

Mika 3:4 Iomraidhean Croise

Yobu 27:9

Ethiyo Mulluku ttuuwiiwa winlla waye ddookatamiha ddammorella?

Yobu 35:13

Ddawoona, Mulluku khaniiwa oveka woohikhalla ni mutteko, Amasiva Mattheene khanapwatha ddennddo.

Masalimo 18:41

Yaakhuwa koma khaarivo naari mmodda aavullusalle, yaawinllella Apwiya koma kheyaawaakhullalle.

Miyambo 1:28

Muneerekokiithana koma ngiwaakhullakani. Muneerekokaashaashesesa koma khamukiphwanyaka

Miyambo 28:9

Oyo anakhoota wiiwellella malamulo mavekellwaaye ennamunanara Mulluku.

Yesaya 1:15

Mwaatukhullellaka muddullu mattaanyu voovekellani, miyaano kineerewiipitthiha ekhovaaka. Naari mwaanjerere mavekellwaanyu mwawiidde, ngipwathawo kaambiiwa mattaanyu yooddalla ni nikhame.

Yesaya 3:11

Koma otulli wa athu oonanara! Ddeko ddineerewaakatamiha vawi nnddo ekhanlliiwa eweerellaka akhwiiwa ddineerewaahokollweella.

Yeremiya 11:11

Sika vano mi Apwiya kinallota wi kineerewaamorihella ddoohoosa ddoohithaweya. Naari ekinllelleve mwawiidde ngaapella maaru.

Yeremiya 14:12

Naari ehanlle ocha ngiiwa winlla wiwa. Naari evelleelleve mikutho ddooshellelliha ni dda ddoocha, ngaakhella. Koma kineerowoononga ni ekhoto, ettalla apaalle mullilli.”

Yeremiya 33:5

Ababiloni enimawa wi ehelle ekhoto nave enyumba ddiwa ddineeroddalla ni mitembo dda athu ayo kawiiphalleemi moowalli ni moosha murima. Muzinda yoolla koowureya etulli ekaamba ya ddoonanara dda athwiiwa.

Yeremiya 5:31

Anamallotella ennallota ddawoottha nave allupa mukutho ennakhullellana. Komave athwaaka ennakonda ddenndda. Ethiyo muneere tini voomallihella?”

Ezekiele 8:18

Vano miyaano kineerewaallaka moosha murima, Ngaamorella ethakaraka nave ngiweerella echifundo. Naari yinlleke wa miyaano mookhuwa, ngiwaapella maaru.

Mika 3:7

Oollotella ddamuhoollo eneerowulliwa muru nave awoombesa eneerovevulliwa. Attheene eneeromaalleya kaambiiwa Mulluku khanawaakhulla.

Mika 7:13

Koma ellapo yavatthi eneerotthattuwa echipululu ekaamba ya ddoonanara dda athwiiwa vawi yaayo sika mallivello a mitteko ddiwa.

Zekariya 7:13

Vawi kheyaakaapenlle maaru kawiithanilleemi, miyaanottho ngaawaapenlle maaru yakiithaniiwa. Mi Apwiya Amasiva Mattheene koollota

Mateyu 7:22

Va nllapo na echiweruzo, athu anchichi eneerollota wi, ‘Apwiya, Apwiya! Mu nnddina nanyu naallotella mawu a Mulluku, mu nnddina nanyu naakhumiha minepa ddoonanara ni mu nnddina nanyu naheera ddoottikhiniha ddinchichi!’

Luka 13:25

Vano mwaneena a enyumbeeyo aneerowalla o mullako nave amodda a nyuwaano muneerewiimella vaatte, mookothaka vanchiwini mullotaka wi, ‘Apwiya, nihullelleni.’ Olliye aneerewaakhulla wi, ‘Nginuudduwellani. Munavenyera wuuwi?’

Yohane 9:31

Ninnadduwella wi Mulluku khanawiiwellella athu oochimwa. Koma muthu mmodda aamullapellaka Mulluku nave aneera opaalla waye vano Mulluku annamwiiwellella.

Yakobo 2:13

Vawi muthu aweeruza moohikhalla ni echifundo nayeenettho Mulluku aneeromweeruza moohikhalla ni echifundo. Koma oyo ari ni echifundo khanoova echiweruzo ya Mulluku.

1 Samuele 8:18

Enthawi yeeyo yaphiya, muneerewinlla moomoriha ethakaraka wi Apwiya yuuvulluseni ekaamba ya mwene oyo munawiitthoollelleenyu koma Apwiya khewaapellani maaru.”