Mika 2:3 - Mawu a Mulluku

³ Sika Apwiya enallota wi, “Ngoonani, kineerewuumorihellani otulli ekaamba ya ddoonanaranndda. Kineerewuumakellellani nigoli* munikohini mwanyu nno muhinaaworeenyu onirulla. Khamuwa mweetattho mookota ekaamba yawi enthawi yeeyo enaakhalle yoonanara.

Mika 2:3 Iomraidhean Croise

Yesaya 29:20

Koma eekuku eneerotthollosiwa, awaattheya akhwiiwa eneerothiima nave ookuseya murima ni ddoonanara eneerewoonongiwa.

Yesaya 3:16

Apwiya enallota wi, “Atthiyana a o Ziyoni tti awiitukhulla wunchichi, eneeta mathuri eri muddullu nave enaweha moorukunusa miittho. Eneeta mwawiinyarulla nngu yinllihaka ebangili ddiwa dda m'metoni.

Yesaya 5:19

Alliwa enallota wi, “Apwiya yaakuve, ephare muttekwiiwa moohiselliwa wi noone. Nnddo ddinapaalla weera Aweella a Israele ddeereye wi niddidduwelle.”

Yeremiya 18:11

Khawe vano waalleelle athu a o Yuda ni a o Yerusalemu wi Apwiya enallota wi, ‘Mi kookhozekella wuumorihellani otulli ni wuullakani. Nyu attheene, hokollowani, arive muthu ahiye ettilla ddaye. Nave potokosani makhallellwaanyu ni ddaweera ddanyu.’

Yeremiya 27:12

Mawu amoddamoddave yaayo kaamulleellattho Zedekiya mwene a o Yuda wi, “Ivelleelleni o nigoli na mwene a o Babiloni ni omurumeyella olliye ni athwaaye wi muvulluse okumaanyu.

Yeremiya 34:17

Sika vano Apwiya enallota wi, “Nyu khamukiiwellelle, khamullalleyille murendelle wi mwaattaphulle abalaanyu ni akhwiinyu. Ddaphaama! Vano mi kineerewuullalleyellanittho dda murendelle, murendelleene wookhwa ni nsupada, mullilli apaalle ettalla. Kineerewuutthattusani ello yawoopiha wa athu a moomwene a va ellapo yavatthi.

Yeremiya 36:23

Yehudi eerenga mapeji mararu apaalle masese a nibukhunno, mwene anaphara ni owaahulla ni mpeni nave aavokhella viikho woottotthowa. Aavirellella weera ddenndda ophiyera nibukhu nittheene nishille ni munllo.

Yeremiya 43:2

Azariya mwaana a Hoshaya, Yohanani mwaana a Kareya navettho athu attheene awiitukhulla, yaamulleella Yeremiya wi, “We onimoottha. Apwiya Mullukwaahu kheyuurumalle wi ollote wi, ‘Muhiyeewo o Iguputo.’

Yeremiya 8:3

Athu attheene oohalla mwa athu a mutundu woonanaroolla, orive weko kiwiikarilleemiwo eneerotthoolla okhwa okhwaranya wi eneerovirellella okhalla ni okumi. Mi Apwiya Amasiva Mattheene koollota.”

Maliro 1:14

“Ddoolakwa ddaka aaddimaka vamodda wi ddikhalle wonanko nigoli.* Aaddimaka ni mattiiwa nave aaddimakellella munikohini mwaka wi masivaaka emalle. Apwiya aakivelleella wa athu, ayo kihinaaworeemi ollipanana.”

Maliro 2:17

Apwiya aheera nnddo yaganizelliiwa wi yeera, Akwakhwaniha nnddo yallotilliiwa mwawoopopiha. Moollikana ni mmo yaganizalliiwa khalle, aawoononga moohikhalla ni echifundo, ahaakhullella wi adanaawo ehakallalle ahaanjerera wunchichi masiva a adanaawo.

Maliro 5:5

Enanikakha mweekuku nigoli* niri munikohini mwahu, nootopa koma khannaakhullelliwa wiithuuwa.

Daniele 4:37

“Sika mi Nebukadinezara kinnamutthamalla Mulluku, kinnamuthokoza ni omutitimiha mwene Ooddullu. Ddaweera ddaye ddittheddene tti ddaphaama nave ettilla ddaye ddittheddene tti ddoolungama. Olliye annamuyeviha arive muthu awiitukhulla.”

Amosi 2:14

Oothamaka khawora othawa, amasiva khakhallattho ni masiva naari akhoto khewora wiivullusa.

Amosi 3:1

Nyu athu a o Israele, ngiiwani mawu a Apwiya awuuhumullullani ayo yuukhumihalleni mu Iguputo awi,

Amosi 3:2

“Mwa mitundu ddittheddene dda va ellapo yavatthi tti nyeeneve kinuudduwelleemini ni wuupwathani, sika kineerewuullakani wunchichi ekaamba ya machimwaanyu mattheene.”

Amosi 5:13

Sika ekaambiiwa enthawi monga yeella, eezeru khanallotavo ello vawi tti enthawi yoonanara.

Mika 2:1

Otulli wa athu ookhozekella ddoochimwa ayo yaakonaka mahiiyu mattheene enaganizera mitteko ddoonanara. Wasa ohinase ennaddeera vawi aakhalla ni masiva.

Aroma 16:4

ayo yahooville wiiphiwa wi evulluse okumaaka. Miyaano ni mipingo ddittheddene dda athu ayo ehiri Ayuda ninnaathokoza yaayo.

Aefeso 5:16

Muphariheke mutteko enthawaanyu vaweerani ddaphaama kaambiiwa alla tti mallapo oonanara.

Deuteronomo 28:48

Sika vano muneerewaarumeyella adani ayo Apwiya enaarumihiiwa wi ellipane ni nyuwaano. Muneerovolliwa ettalla ni nthona nave muneerokhalla ni osiwa navettho ddeko ddittheddene ddineerewuuramani. Apwiya eneerewuuhoosani mweekuku ophiyera moonongeyille.

Yakobo 2:13

Vawi muthu aweeruza moohikhalla ni echifundo nayeenettho Mulluku aneeromweeruza moohikhalla ni echifundo. Koma oyo ari ni echifundo khanoova echiweruzo ya Mulluku.