Mika 2:1 - Mawu a Mulluku

¹ Otulli wa athu ookhozekella ddoochimwa ayo yaakonaka mahiiyu mattheene enaganizera mitteko ddoonanara. Wasa ohinase ennaddeera vawi aakhalla ni masiva.

Mika 2:1 Iomraidhean Croise

Genesis 31:29

Kookhalla ni masiva ooweerella yoonanara koma mahiiyu evirallaalla, Mulluku a attiittho ookilleella wi, ‘Onesesa wi ohimoopopihe Yakobo mu erive ettilla.’

1 Mamwene 21:7

Vaavo Yezebele, mwaariye aamukoha wi, “Ethiyo nyu khemuhiyo mwene a o Israele? Venyani, khaweni mwache nave murimaanyu ohakallalle. Mi kineerewukusellani emata yampeseeyo ovenyera wa Naboti Muyezireele.”

Estere 3:8

Vano Hamani aamulleella mwene Ahasuwero wi, “Vookhalla nlloko nimodda na athu nno nimwareyelle mwiillaponi ettheeneella nave ninaphwanyeya mu erive echigawo eyo munalamulelleenyu. Malamulo a athu yaalla tti oohiyana ni malamulo a athu amodda attheene. Nave athu yaalla kheniiwellella malamulo a mwene, sika khe phaama wi mwene aahiyerere.

Estere 5:14

Vano mwaariye Zereshi ni akhwaaye attheene yaamulleella wi, “Mupotokose muteekho wawiimakellellavo woorekama mamita 23. Ohinase mumulleelle mwene wi amumakellelle vamuteekhonimvo Mordekai. Sika muyeewo moohakallalla omachellelloni ni mwene.” Malangizwaalla yaamuddivella Hamani, sika aapotokosiha muteekho wawiimakellellavooyo.

Estere 9:25

Koma Estere aphiyalleeye vamiitthoni va mwene, mwenooyo aalamula voolembani wi ddoopaalla owoononga Ayuda nnddo ekeraatthihalle Hamani, ddimmorelle yeekha nave wi Hamanooyo ni anaaye aallopwana emakellelliwe vamuteekhoni.

Yobu 15:35

Alla sika ooddalla ekuku ni aweera ddoonanara, enthawi ddittheddene enaganiza ddoolleka.”

Yobu 24:14

Ohinase eechiwembu annavenya wi awiiphe oohoowa ni oopaneya. Waripa annatthattuwa mullupaawiiya.

Masalimo 36:4

Anaganiza ddoowukila aakonaka mahiiyu, anneeta mu ettilla eyo ehiri yaphaama, khanarapa ddoonanara.

Masalimo 36:5

Nyu Apwiya, echikondaanyu yoohisintheya ennaphiya oddullu, ororomelleya wanyu onnaphiya m'miraponi.

Masalimo 58:3

Athu oonanara tti oohollowa waambeella eri m'murimani mwa ameewa, athu anamullota tti ootathiya waambeella nllapo na oyariwa wiwa.

Miyambo 12:2

Apwiya ennamweerella echifundo muthu aphaama koma ennamuvaanyiha aweera ddoonanara.

Miyambo 14:22

Ethiyo oyo anaganizella ddoonanara khanahollowa? Ooganizella ddaphaama anneerelliwa echifundo ni ororomelliwa.

Miyambo 3:27

Ohinahiya oweerella ddaphaama athu oophwanella orina masiva aweerella.

Miyambo 4:16

Vawi khenakona ophiyera yeerille ello yoonanara. Ekhove kheddinawa ophiyera emukwakwatuwihalle mmodda.

Yesaya 29:20

Koma eekuku eneerotthollosiwa, awaattheya akhwiiwa eneerothiima nave ookuseya murima ni ddoonanara eneerewoonongiwa.

Yesaya 3:14

Apwiya enawiipa mullatu attekweene ni oohoollella a athwiiwa. Enaahumullulla wi, “Nyu sika moonongille emata yampesa nave enyumba ddanyu ddooddalla ni ddeko ddawaakha ovenyera wa oohoowa.

Yesaya 32:7

Oolleka ettilla ddaye tti ddoonanara vawi anaganizella ddeekuku wi aweerelle echiwembu oohoowa voowoottherani naari ehilakwille.

Yesaya 5:8

Otulli wa athu ayo enoonjerera okulla enyumba ni emata ddittheddene ophiyera waakha mapuro mattheene wi ellapo ekhalle yayiwayayiwa.

Yesaya 59:3

Vawi mattaanyu yooripihiwa ni nikhame na machimo manchichi. Eyano ddanyu ddoollota ddawoottha ni ddoonanara.

Yeremiya 18:18

Vano athu yaallota wi, “Hankoni niiwanane ddoomweerella echiwembu Yeremiya wi nivirellelle okhalla ni allupa mukutho oonihoollella, athu eezeru oonilangiza ni anamallotella oonillalleyella mawu a Mulluku. Hankoni nimwiipe mullatu nave nihiye opwatha mawaaye.”

Ezekiele 11:2

Apwiya yaakilleella wi, “We mwaana a muthu, allopwana eellaalla tti ayo enapangana ddoonanara ni waalangiza athu ddoonanara m'muzindani.

Ezekiele 33:26

Munnaroromella masupadaanyu. Munneera ddoonanara nave arive muthu annararuwa ni mwaara a mukhwaaye. Ethiyo vano ellapweeyo ttuukhalla yaanyu?’

Ezekiele 38:10

“Mi Apwiya Mulluku kinallota wi, ‘Va nllapo nenno m'murimani mwawo muneeroowa maganizo oopaalla okhozekella weera ddoonanara.’

Ezekiele 46:18

Vano mwene ahiwaakhe athu echigawo ya ellapwiiwa mowaavenyihawo o nipuro niwa na ellapo. Anaaye a mwene aavahe echigawiiwa o nipuro nno niri naayenaaye. Sika wi ahiimwaakhe naari mmodda mwa anaaka yoohallanaaye.”

Mika 6:12

Athu eeyuuma tti eechiwawa. Athu attheene tti awoottha ni oolleka.

Nahumu 1:11

“We Ninive mwa weyaano mwaavenyera muthu a yoolinga yoonanara, oopaalla oweerella Apwiya echiwembu sika mulangizi oohikhalla ni mutteko.

Zekariya 7:10

Muhaahooseke anaamukhwelle ni akhwaadduni, alleto apaalle oohoowa navettho omuganizera ddoonanara mukhwiinyu.’

Mariko 15:1

Osaka wene ohinase allupa mukutho uullupalli, attekweene a Ayuda,* ahuddihi a malamulo* ni attekweene a millatu attheene yaakumana wi yiiwanane yaweera. Yaammaka Yesu ni onyolo, emukusa, emuvelleella wa Pilato, oolamulella a o Roma.

Luka 20:19

Ahuddihi a malamulo ni allupa mukutho uullupalli enthawi yeeyo yaapaalla wi emmake Yesu kaambiiwa yaadduwella wi ahaalleella niphwanaphwaniho nowaavaanyiha. Koma yawoova athwaayo.

Yohane 19:11

Yesu ahaakhulla wi, “Khamwaakhallena olamulello va miyaano mwahivahiweke ni Mulluku. Sika muthu oyo akivelleelle wa nyuwaano ookhalla ni machimo muullupalli ohiyana ni nyuwaano.”

Mitteko 23:12

Ohinase Ayuda amodda yaakumana vamodda nave yiiwanana moollupella wi khecha apaalle owirya ophiyera emwiiphalle Paulo.

Mitteko 23:15

Vano nyuwaano ni attekweene a millatu murumihe mawu wa oolamulella a akhoto a o Roma wi aweena Paulo wa nyuwaano, wonanko munapaalla muphwanye ddawoona ddiwa dda muthu yoolla. Nave hiyaano nookhozekella wi nimwiiphe naari ahinaphiye wuno.”

Aroma 1:30

Ennaallotella akhwiiwa ddoonanara, ennamwiita Mulluku, ollotellana epewe, ennakota ni wiitukhulla. Enaganizera ettilla ddinchichi ddaweerella ddoonanara, khenawiiwellella makhollwiiwa,

Deuteronomo 28:32

Aniinyu aallopwana ni aatthiyana eneerophariwa okaporo ni alleto, nyuwaano moonaka ni miitthwaanyu. Nave nllapo ni nllapo munaakhallelleke oweha ottilla wi apaalle aniinywaayo ttuuhokollowa koma khamuphuravo ello.