Mika 1:8 - Mawu a Mulluku

⁸ Vano Mika aallota wi, “Ekaamba ya yeella kineerewinlla moomoriha ethakaraka. Kineereweeta oohiwara esapato nave kiri epwillimwinddive, kikhuwaka wonanko khatwe ni winlla wonanko enthiwatiwa.

Mika 1:8 Iomraidhean Croise

2 Mamwene 18:13

Mu muyakha wa 14 wa omwene wa Hezekiya, Senakeribu mwene a o Asiriya aahella ekhoto mizinda ddittheddene ddamipanda dda o Yuda nave aaddaakha.

Estere 4:1

Mordekai iiwalleeye ddittheddene ddeereyillennddo, ahaahulla ddoowara ddaye, awara nthumba ni wiihella ntuura ekaamba ya ethakaraka. Aaya avollowa muwari mwa muzinda, inllaka mookhuwa ni moovoreyiwa murima wunchichi.

Yobu 30:29

Kootthattuwa mmbale a akhatwe, mukhwaaye a enthiwatiwa.

Masalimo 102:6

Kiri wonanko ephangwi muchipululuni, wonanko eddiiddi muntepeni.

Yesaya 13:21

Koma enama ddamuhakani sika ddinaakhalleke wenko, enyumba ddineeroddalla ni akuukuru, anthiwatiwa ni anaahe.

Yesaya 13:22

M'mattatthani mwaye muninlleke akhuddupa, mu enyumba dda mamwene ddooreera muninlleke akhatwe. Ddawoona, enthawi yohaatamella, mallapwiiwa ehanlle vang'ono omalla.”

Yesaya 16:9

Ekaamba ya yeella, kiniminlla wonanko mmo eninllella athu a mu muzinda wa Yazere ekaamba ya emata ddampesa dda o Sibima. Nyu athu a o Heshiboni ni Eleyale, kinuunaanihani ni miitthori ekaamba yawi moolephela ophwanya ddoohata ekaamba ya ekhoto eyo yoonongille ddittheddene.

Yesaya 21:3

Ekaamba ya yeella, nnddo koonilleemi ni wiiwa m'masomphenya ddookoopiha ni okivoreya wonanko mutthiyana aayaraka.

Yesaya 22:4

Sika vano muhinakiwehaka miyaano, kihiyeni kinlle moovoreyiwa murima. Muheese okikhurumusa murima va dda woonongeya wa athwaaka.

Yesaya 32:11

Nyu oohikhupanya erive ello, tthukumellani! Nyu atthiyana a vamurendelleni, halleellani! Rullani ddoowara ddanyu nave makellani eziguduli.

Yeremiya 4:19

Kookhwa, kookhwa! Ha, murimaaka onimakivoreya, murimaaka oni pha, pha, pha! Ngiwora ovillella. Kinniiwa winlla wa nipallapata, okhuwa wa ekhoto.

Yeremiya 9:1

Ddaawerokiddivella murwaaka waariki ehime ya maaddi, miitthwaaka yaariki neetuutu a miitthori, wi kiwinllelleke otthaana ni mahiiyu attheene ayo yakhwille a mutundu wa athwaaka.

Yeremiya 9:10

Mi kaallota wi, “Kineeromoriwa ethakaraka ni winlla mookhuwa ekaamba ya miyaango, ekaamba ya mapuro oochihellawo enama a muhakani vawi mapuro mattheenaayo ahoonongeya. Khaavo anayaawo, khoniiweyattho naari winlla wa eng'ombe. Epallame ddittheddene ddoovava enama ddamuhakani ddoothawa, oohooneyattho.”

Yeremiya 9:19

Ngiiwani winlla woovenyera o Ziyoni enallota wi, “Otulli, nohoonongeya! Noowulliwa muru wunchichi, Ninaphwanella nihiye ellapwaahu, kaambiiwa enyumba ddahu aaddikumulla.”

Ezekiele 32:18

“We mwaana a muthu winlle wunchichi ekaamba ya athu awaata a o Iguputo. Waavelleelle vamodda ni athu a mitundu ddimodda ddamasiva o ellapo ya ookhwa.

Mika 2:4

Nllapo nenno athu eneerewuunyemullani voowiipellani nchipo na maliro wi, ‘Otulli, nohoonongeya! Apwiya aanaakha ellapwaahu, ahaakawella ayo eniphanre okaporo.’

1 Samuele 19:24

Nayeenettho aarulla ddoowara ddaye anallotella vamiitthoni va Samuele. Aakonaatthi ahiwanre nndduwa nittheene, otthaana ni mahiiyu. Sika vahaambeya ollota wawi, “Ethiyo Saulo ari m'mullokoni wa anamallotella?”