Mika 1:16 - Mawu a Mulluku

¹⁶ Nyu a o Yuda, chemani mpala wooniha wi munawinllella aniinyu mwaakondeenyu. Mukhalle ni nttari na echiwombankhanga vawi aniinyu yahuuhiyani.”

Mika 1:16 Iomraidhean Croise

2 Mamwene 17:6

M'muyakha waneetthanu ni sese wa omwene wa Hoseya, mwene a o Asiriya aamugonjiha Samariya nave ahaaphara Aisraele aayaana wuukaporoni o Asiriya. Ahaahiya athu amodda mu muzinda wa Hala, amodda vakhuviru ni muhinje wa Habori mu echigawo ya Gozani nave amoddattho mu mizindani dda Amedi.

Yobu 1:20

Vano Yobu aavenya, aahulla mukanjwaaye nave aachema murwaaye. Nave aakokhora ni waallapella Apwiya

Yesaya 15:2

Athu a o Diboni enawella enyumba ya milluku ddiwa ni mapurwiiwa oollapellamo yinllaka. Athu a o Mowabu eninllella muzinda wa Nebo ni wa Medeba. Orive muru woochemiwa mpala, ereru ddittheddene ddoochemiwa.

Yesaya 22:12

Enthawi yeeyo Apwiya Mulluku Amasiva Mattheene aawiithahanani wi mwinlle ni omoriha minthori, mucheme ni owara eziguduli.

Yeremiya 16:6

Uullupalli ni ang'onong'ono, attheene eneerokhwa mu ellapommu koma malirwiiwa kheyinllelliwa apaalle ovitthiwa. Khaavo oyo anoonihe ethakaraka vawiiremaremani apaalle ochema meehi ekaamba ya malirwaayo.

Yeremiya 4:8

Sika warani eziguduli, mukhupanye ni winlla wunchichi, kaambiiwa owalli wawoopiha wa Apwiya khonavenyevo va Yuda.”

Yeremiya 47:5

A o Gaza eneerochema ekaamba ya ethakaraka, a o Ashikeloni enaakhwe mullakallaka. Nyu oohalla mwa Afilisti, ethiyo muuniichekecheke ekaamba ya winlla ophiyera niini?

Yeremiya 6:26

Apwiya enallota ni athwiiwa wi, “Nyu athwaaka, warani eziguduli nave upuruwani vantuurani. Inllani mwamasiva wonanko muthu anamwinllella mwanaye mmoddave vawi moorurumusa awoononga aneeroowa wi awiipheni.

Yeremiya 7:29

“We Yerusalemu, chema meehaawo nave waatathille. Ipa nchipo nawinlla vaddullu va miyaango, kaambiiwa mi Apwiya koosha murima, ddawoona, kohuuhiya.

Maliro 2:19

Venyani nave moope ekutho variyaririyari va mahiiyu, llotani ddoonikohini ddanyu ddittheddene vamiitthoni va Apwiya. Tukhullellani matta muddullu ni ovekella wa Apwiyaayo, ekaamba ya okumi wa aniinyu ayo enangomowa ni ettalla m'misewuni ddittheddene.

Amosi 7:11

“Amosi anallota wi, ‘Yerobowamu aneerokhwa ni nsupada Aisraele eneeropharelliwa wuukaporoni woorekamella ni owaniwa.’ ”

Amosi 7:17

“Vano Apwiya enallota wi, ‘Mwaariyo aneerotthattuwa ooraruwa m'muzindanimmu. Anaawo aallopwana ni aatthiyana eneerokhwa ni nsupada. Ellapwaawo eneeroyikawakawa, waakawella athu amodda, weyaano onaakhwelle mu ellapo yooripihiwa, Aisraele eneeropharelliwa wuukaporoni woorekamella ni owaniwa.’ ”

Amosi 8:10

Kineerotthattusa ehakallallo ddanyu okhalla winlla, machipwaanyu eehakallallo okhalla amaliro. Kineerewuuwarihani attheene eziguduli, miru ddanyu ddittheddene ddineerochemiwa mipala. Munaakhalle wonanko makhollo oomwinllella mwaniwa mmoddave, nllapo nenno nittheene ophiyera omalla wiwa, ninaakhalle noovoreya.”

Deuteronomo 28:41

Muneerekewaayara anamwani aallopwana ni aatthiyana koma khekhalla aanyu kaambiiwa eneerekophariwa okaporo.