Mika 1:1 - Mawu a Mulluku

¹ Va enthawi ya Yotamu, Ahazi ni Hezekiya mamwene a o Yuda, mawu a Apwiya yaawa wa Mika a o Moresheti mu masomphenya dda Samariya ni Yerusalemu.

Mika 1:1 Iomraidhean Croise

2 Mamwene 15:32

M'muyakha waneepiilli wa omwene wa Peka mwaana a Remaliya, mwene a o Israele, Yotamu mwaana a Uziya mwene a o Yuda aavollowa omwene.

2 Mamwene 15:5

Vano Apwiya yaamullaka mwenooyo ni ereta ya makate ophiyera okhwa waye nave akhalla mu enyumba ya vayeekha. Mwanaye Yotamu sika awehera nibanja na mwene ni waalamulella athu mwiillaponimmo munipuroni mwaye.

2 Mamwene 16:1

M'muyakha wa 17 wa omwene wa Peka mwaana a Remaliya, Ahazi mwaana a Yotamu mwene a o Yuda, aavollowa omwene.

2 Mamwene 18:1

M'muyakha waneeraru wa omwene wa Hoseya mwaana a Ela, mwene a o Israele, Hezekiya mwaana a Ahazi, mwene a o Yuda aavollowa omwene.

2 Epilli 28:1

Ahazi aari ni miyakha 20 avollowaaye omwene nave aalamulella o Yerusalemu miyakha 16. Olliye kheerille ddoolungama vamiitthoni va Apwiya wonanko eerella Davide nikhollo naye.

2 Epilli 29:1

Hezekiya ahaamba olamulella ari ni miyakha 25 nave aalamulella miyakha 29 o Yerusalemu. Amennya yaari Abiya mwaana a Zekariya.

Yesaya 1:1

Masomphenya a Yesaya mwaana a Amozi ayo oonilleeye oollota dda Yuda ni Yerusalemu mu enthawi ya olamulello wa Uziya, Yotamu, Ahazi ni Hezekiya, mamwene a o Yuda.

Yesaya 1:2

Apwiya yaallota wi, “We oddullu, ngiiwa nave we ellapo yavatthi, apella maaru, mi Apwiya kinimallota. Kahaayara anamwani navettho kahaallella koma aakiwukila.

Yesaya 7:1

Enthawi eyo Ahazi mwaana a Yotamu, edduullu ya Uziya, aariiye mwene a o Yuda, Rezini mwene a o Siriya ni Peka mwaana a Remaliya, mwene a o Israele, yaawa o Yerusalemu wi ehelle ekhoto muzindooyo koma kheyaawugonjihalle.

Yesaya 7:9

Ellapo ya Efuremu enaroromella muzindiiwa muullupalli wa Samariya nave Samariya anamuroromella mwenaaye Peka. Mwaahillipa mu echikhulupililwaanyu, khamukeraattheya.”

Yeremiya 26:18

“Enthawi eyo Hezekiya aariiye mwene a o Yuda, Mika a o Moresheti aallotella. Nave ahaalleella athu attheene a o Yuda wi Apwiya Amasiva Mattheene enallota wi, ‘Ziyoni aneerollimiwa wonanko emata, Yerusalemu aneerotthattuwa ntepe nave mwaango wa enyumba ya Apwiya oneerotthattuwa otthako.’

Hoseya 1:1

Alla tti mawu a Apwiya yawiille wa Hoseya mwaana a Beeri mu enthawi ya Uziya, Yotamu, Ahazi ni Hezekiya, mamwene a o Yuda nave mu enthawi ya Yerobowamu mwaana a Yowashi, mwene a o Israele.

Hoseya 4:15

Naari Aisraele ehiroromelleyaka, athu a o Yuda ehiphwanyeye ni mullatu. Ehiye woollapella o Giligala apaalle o Betaveni. Ehillupellettho vamiitthoni va Apwiya.

Hoseya 8:14

“Aisraele ahiimakella enyumba dduullupalli omutiwalla owaaphatusiiwa. Ayuda ahoonjerera mizinda ddampanda. Koma miyaano kineerewoosa mizindannddo nave munllooyo oneerohella enyumba ddiwa dduullupallinnddo.”

Amosi 1:1

Alla tti mawu a Amosi, mmodda a abusa a enkhosa a o Tekowa, ayo yuupullulliwe oollota dda Israele mu enthawi ya Uziya mwene a o Yuda ni mu enthawi ya Yerobowamu mwene a o Israele, mwaana a Yowashi miyakha miilli ehineereye echivomerezi.

Amosi 6:1

Otulli wa nyu munakhalla o Ziyoni moohitikheya, munakhalla o Samariya moohikatamiheya. Otulli wa nyu oovuwa a mutundu woovuwa, Aisraele, nko athu attheene enaphiyiiwawo.

Mika 1:5

Ddittheddenenndda ddineereya ekaamba ya ddoonanara dda Yakobo ni machimo a Israele. Ethiyo ddoonanara dda Yakobo tti ddawiidde? Ethiyo khe dda Samariya? Ethiyo mapuro oollapellamo mafano a Yuda eri wuuwi? Ethiyo kheri mu Yerusalemu?

Mika 3:9

Ngiiwani, nyu oohoollella a nibanja na Yakobo, oolamulella a nibanja na Israele! Munniitana ni echilungamo, munnakhoromaniha ddeko ddawookowa.

Habakuku 1:1

Olla sika othenga wa Apwiya oyo namallotella Habakuku oonilleeye mu masomphenya.

2 Petro 1:21

Vawi kheyiivo yoollotelliwa yawiille ovenyera wa ddoopaalla dda athu koma athu yahoollelliwa ni Munepa Waweella wi ellote othenga woovenyera wa Mulluku.