Mateyu 9:6 - Mawu a Mulluku

⁶ Kineerowoonihani vano wi, mi Mwaana a Muthu kookhalla ni olamulello va ellapo yavatthi wookhululukella machimo.” Sika aamulleella muthu oorakallooyo wi, “Venya, kusa machiraawo oroweke owaninyu!”

Mateyu 9:6 Iomraidhean Croise

Yesaya 43:25

Miyaano, ddawoona miyaano, tti oyo anakhululukella machimwaawo ekaamba ya ntitimiho naka nguupuwellaka machimwaawo.

Mika 7:18

Ethiyo ttaani ari Mulluku oophwanaphwana ni nyuwaano, oyo anakhululukella machimo ni ovenyiha ddoolakwa dda oohalla a yoohallanaanyu? Khamunasunga m'murimani onanariwa wa enthawi yoohimalla ekaamba ya echikondaanyu yoohisintheya.

Mateyu 4:24

Epillaaye yaavuwa mu echigawo ettheene ya Siriya, sika athu yaamukusella athu attheene a ereta ddoohiyanahiyana ni oovoriiwa oohiyanahiyana, athu ookhalla ni minepa ddoonanara, a achillechille ni oorakalla nave olliye ahaachiriha attheene.

Mateyu 8:20

Yesu aallota wi, “Akhatwe aakhalla ni milliha ddiwa navettho epallame ddookhalla ni emphuru ddiwa koma mi, Mwaana a Muthu, nginna naari voohameella murwaaka.”

Mateyu 9:2

Wenko athu yaaphiya ni muthu oorakalla akonaatthille vamachirani. Nave Yesu vawoonani echikhulupililwiiwa, aallota wa oorakallooyo wi, “Mukhwaaka, llipa murima, machimwaawo aakhululukiwa.”

Mateyu 9:5

Yookhweya ttiivi, ollota wi, ‘Machimwaawo aakhululukiwa,’ apaalle ollota wi, ‘Venya weete?’

Mateyu 9:7

Vano muthooyo aavenya anarowa.

Mariko 2:10

Kineerowoonihani vano wi mi, Mwaana a Muthu, kookhalla ni olamulello va ellapo yavatthi wookhululukella machimo.” Sika aallota wa muthu oorakallooyo wi,

Mariko 2:7

“Kaambiiwa tini analloteeye mwawi ddiidda? Anamullotella epewe Mulluku! Mullukuve sika anawora okhululukella machimo!”

Luka 5:21

Ahuddihi a malamulo ni Afarisi yahaamba wiikoha weekhiiwa wi, “Muthu yoolla ttaani, anamullotella epewe Mulluku! Mullukuve sika anawora okhululukella machimo.”

Yohane 10:28

Nave kinnaddivaha okumi woohimalla, khaddiwa ddikhwa. Khaavo muthu anaakaakhe ddennddo ovenyera mu nnatta naka.

Yohane 17:2

Vawi mookivaha olamulello va athu attheene wi kaavahe okumi woohimalla athu attheene mwakivahilleenyu.

Yohane 5:27

Nave aakivaha miyaano olamulello waweeruza kaambiiwa miyaano tti Mwaana a Muthu.

Yohane 5:8

Yesu aallota wi, “Venya, kusa mwinllaawo weete.”

Mitteko 5:31

Yooyo Mulluku aamuwelliha akhalla onnattanatta naye wi akhalle Oohoollella navettho Oovullusa wi aavahe athu a o Israele ekari yoorukunuwa murima ni okhululukelliwa machimwiiwa.

Mitteko 9:34

Petro aallota wi, “Eneya, Yesu Khrisitu ohuuchiriha. Venya nave okuse mwinllaawo.” Enthawi yeeyo Eneya aavenya.

2 Akorinto 2:10

Mwamukhululukella muthu yoolla nameenettho kinnaakhululukella. Vawi eyo kikhululukelleemi, yaari erivo ello yoopaalleya okhululukella, kinakhululukella ekaamba ya nyuwaano ni vamiitthoni va Khrisitu.

2 Akorinto 5:20

Vano hiyaano tti akazembe a Khrisitu nave Mulluku annuuvekani oweella mwa hiyaano. Vano ninnuuvekani munipuroni mwa Khrisitu wi mwaattanihiwe ni Mulluku.

Aefeso 4:32

Nave mweerellaneke echifundo ni oreerellana murima navettho mukhululukellaneke wonanko mmo Mulluku uukhululukelleeyeni oweella mwa Khrisitu.

Akolose 3:13

Muvillellaneke mmodda ni mukhwaaye nave mukhululukellane mmodda akhalla ni yookhupanya va mukhwaaye. Munaphwanella mukhululukellaneke mmodda ni mukhwaaye wonanko mmo Apwiya yuukhululukelliiwani nyuwaano.