Mateyu 9:34 - Mawu a Mulluku

³⁴ Koma Afarisi yaallota wi, “Tti muullupalli a minepa ddoonanara anamuvaha Yesu masiva ookhumiha minepa ddoonanara.”

Mateyu 9:34 Iomraidhean Croise

Mateyu 10:25

Tti wookwakhwanella wa oohuddera okhalla wonanko muhuddihaaye nave wa kaporo okhalla wonanko apwinnya. Mwaneena a nibanja aneeroromolliwa wi Belezebulu,* muullupalli a minepa ddoonanara, athu amodda a munibanjanimmo eneeroromolliwa manddina oonanara ohiyana ni nnddina nenna.

Mateyu 11:18

Vawi Yohane awiilleeye, aahalla ocha* ni oohimuwirya vinyo nave athu yaallota wi, ‘Ookhalla ni munepa woonanara.’

Mateyu 12:22

Vatulli viwa athu amodda yaawa wa Yesu ni muthu oohoona navettho oohillota kaambiiwa aakhalla ni munepa woonanara. Yesu anamuchiriha muthooyo, sika ahaamba woona ni ollota.

Mateyu 12:27

Miyaano kaakhumihaka minepa ddoonanara kaambiiwa Belezebulu sika anakivaha masiva aweerella ddenndda, vano anaavaha oothwarellellaanyu masiva ooddikhumiha ttaani? Ddineera oothwarellellaanyu ddineeroweeruzani wi nyuwaano tti oolakwa vookiphwanyellani mullatu.

Mariko 3:22

Ahuddihi amodda a malamulo oovenyera o Yerusalemu yaallota wi, “Ookhalla ni Belezebulu!* Tti Belezebulu, muullupalli a minepa ddoonanara, anamuvaha olliye masiva ookhumiha minepa ddoonanara.”

Luka 11:15

Koma athu amodda yaallota wi, “Masiva ookhumihella minepa ddoonanaraalla anavahiwa ni Belezebulu,* muullupalli a minepa ddoonanara.”

Yohane 3:20

Vawi attheene eneera ddeko ddoonanara enniitana ni owala. Nave khenawa nko ori owala kaambiiwa khenapaalla wi mitteko ddiwa ddoonanara ddooneye.

Yohane 7:20

Mulloko waathoolle wahaakhulla wi, “Wookhalla ni munepa woonanara! Ttaani aneesesesa owiipha?”