Mateyu 9:26 - Mawu a Mulluku

²⁶ Epilli yeella yaavuwa mu echigawo ettheene ya ellapweeyo.

Mateyu 9:26 Iomraidhean Croise

Mateyu 4:24

Epillaaye yaavuwa mu echigawo ettheene ya Siriya, sika athu yaamukusella athu attheene a ereta ddoohiyanahiyana ni oovoriiwa oohiyanahiyana, athu ookhalla ni minepa ddoonanara, a achillechille ni oorakalla nave olliye ahaachiriha attheene.

Mateyu 9:31

Koma alliwaayo yaavenyavo yavuwiha epilli ya Yesu mu echigawo ettheene ya ellapweeyo.

Mariko 1:28

Enthawi yeeyo epilli ya Yesu yaavuwa virive veko mu echigawo ya Galileya.

Mariko 1:45

Koma muthooyo aavenyavo nave ahaamba ollotallota wa athu avuwiha epilli virive veko. Sika Yesu khaworille ovira vawooneya ni athu m'matawoni koma akhanlle m'mapuroni ayeekha otte wa matawoni. Koma athu yaawa ovenyera m'mapuroni manchichi oohiyanahiyana.

Mariko 6:14

Vano Herode* ahiiwa ddittheddenenndda kaambiiwa epilli ya Yesu yaavuwa virive veko. Athu amodda yaanallota wi, “Yohane Oobatiza oovenya wa ookhwa! Ekaamba ya yeella annawora weera ddoottikhiniha.”

Luka 4:14

Yesu aahokollweella o Galileya nave masiva a Munepa Waweella yaari ni olliye. Epillaaye yaavuwa mu echigawo mutthemwene.

Luka 4:37

Nave epilli ya Yesu yaavuwa virive veko mu echigawommo.

Luka 5:15

Nave epilli ya Yesu yaavuwa moovirellella, sika athu anchichi yaawa wi emwiiwe ni ochirihiwa o ereta ddiwa.

Luka 7:17

Nave epilli yeella ya Yesu yaavuwa yiiweya mu Yudeya mutthemwene ni omapuroni mattheene owaatamella.

Mitteko 26:26

Vawi mwene Agripa annadduwella ddeko ddenndda nave kinallota moottaphuwa ddiidda. Ddeko ddenndda kheddaaweereyille mwawiipittheya sika kheyiivo naari emodda eyo ehinadduwelliiwa.