Mateyu 9:2 - Mawu a Mulluku

² Wenko athu yaaphiya ni muthu oorakalla akonaatthille vamachirani. Nave Yesu vawoonani echikhulupililwiiwa, aallota wa oorakallooyo wi, “Mukhwaaka, llipa murima, machimwaawo aakhululukiwa.”

Mateyu 9:2 Iomraidhean Croise

Oollalleya 9:7

Vano khawe wache yoochaawo moohakallalla nave wamuwirye vinywaawo ni murima woohakallalla vawi Mulluku ohaakhullella khalle ddaweera ddawonnddo.

Yesaya 44:22

Kooddivenyihavo ddoolakwa ddawo wonanko murapo, machimwaawo wonanko ethapo, hokollowella wa miyaano vawi koowoopolla.”

Mateyu 14:27

Enthawi yeeyo Yesu aallota wa alliwaayo wi, “Llipani murima! Tti miyaano, muhoove.”

Mateyu 4:24

Epillaaye yaavuwa mu echigawo ettheene ya Siriya, sika athu yaamukusella athu attheene a ereta ddoohiyanahiyana ni oovoriiwa oohiyanahiyana, athu ookhalla ni minepa ddoonanara, a achillechille ni oorakalla nave olliye ahaachiriha attheene.

Mateyu 6:12

Munikhululukelle machimwaahu, wonanko mmo ninaakhululukellaahu amodda ayo enilakwenlle.

Mateyu 8:10

Yesu iiwalleeye ddenndda, aattikhina nave aallota wa athu yamuthwaraayo wi, “Ddawoona, kinimuulleellani wi ngimuphwanyille muthu mu Israele a echikhulupililo yuullupalli wonanko yeella.

Mateyu 8:16

Vano voophiyani misikuwa athu amodda yaawaana wa Yesu athu anchichi ookhalla ni minepa ddoonanara. Yesu aakhumiha minepannddo ni mawuve navettho ahaachiriha oovoriiwa attheene.

Mateyu 9:22

Yesu aarukunuwa amoona olliyooyo nave aallota wi, “Llipa murima, echikhulupilwaawo yohuuchiriha.” Waambeella enthawi yeeyo mutthiyanooyo aachira.

Mateyu 9:5

Yookhweya ttiivi, ollota wi, ‘Machimwaawo aakhululukiwa,’ apaalle ollota wi, ‘Venya weete?’

Mateyu 9:6

Kineerowoonihani vano wi, mi Mwaana a Muthu kookhalla ni olamulello va ellapo yavatthi wookhululukella machimo.” Sika aamulleella muthu oorakallooyo wi, “Venya, kusa machiraawo oroweke owaninyu!”

Mariko 1:32

Misikuwa nndduwa nivollowille athu yaawaana wa Yesu oovoriiwa attheene ni athu ookhalla ni minepa ddoonanara.

Mariko 10:49

Yesu ahiimella allota wi, “Mwiithaneni awe.” Sika yaamwiithana muthu oohoonooyo ellota wi, “Llipa murima, venya, animawiithana.”

Mariko 5:34

Yesu aallota wa mutthiyanooyo wi, “Mutthiyana we, echikhulupilwaawo yohuuchiriha. Rowa ni murendelle, woochirihiwa.”

Mariko 6:50

Attheenaayo yaamoona olliyooyo nave yahoova wunchichi. Koma enthawi yeeyo Yesu aallota wa alliwaayo wi, “Llipani murima! Tti miyaano, muhoove!”

Yohane 16:33

Kohuulleellani ddenndda wi mukhalle ni murendelle ekaamba ya miyaano. Ellapo yavatthi eneerewuuhoosani koma llipani murima vawi miyaano koogonjiha ellapo yavatthi.

Yohane 2:25

Khavaapaalleyattho wi mmodda amulleelle dda yaayo kaambiiwa olliye yeekhaaye aadduwella mirima ddiwa.

Yohane 21:5

Vano ahaakoha wi, “Mohiipha ello?” Yaamwaakhulla wi, “Iyaayi, khaniiphalle ello.”

Mitteko 14:9

Muthooyo aamwiiwa Paulo allotaka. Vano Paulo aamuwehesesa nave ahoona wi muthooyo annakhulupilila wawi ttuuwora ochira.

Mitteko 19:12

Naari mipango dda m'mattani ni ekuwo apharihalleeye mutteko ddakusiwa ddakhuneelliwana oovoriiwa, ereta ddiwa ddaanachirihiwa navettho minepa ddoonanara ddaanakhuma.

Mitteko 23:11

Mahiiyu yaayo Apwiya yahiimella vaari Paulo ellota wi, “Ohoove! Woovelleella omboni dda miyaano o Yerusalemu wuno nave onaphwanella weerettho ddiidda o Roma.”

Aroma 5:11

Khe yeeyove komattho ninnahakallalla mwa Mulluku oweella mwa Apwiihu Yesu Khrisitu oyo anaattanihalle ni Mullukooyo.

Yakobo 2:18

Koma muthu mmodda annallota wi, “Muthu mmodda ookhalla ni echikhulupililo nave mmodda ookhalla ni mitteko. Vano koonihe miyaano echikhulupililo yoohikhalla ni mitteko nave miyaano kineerowooniha echikhulupililwaaka yoovenyera m'mittekoni mwaka.”