Mateyu 9:15 - Mawu a Mulluku

¹⁵ Yesu ahaakhulla wi, “Ethiyo ttuuworeya wi awiithaniwa o machellello a okwati yinlleke ootthellooyo ari vaavo? Wohiworeya iyaayi! Koma eneerophiya enthawi yawi ootthellooyo aneerokusiwa va yaayo nave eneerohalla ocha.

Mateyu 9:15 Iomraidhean Croise

Yesaya 22:12

Enthawi yeeyo Apwiya Mulluku Amasiva Mattheene aawiithahanani wi mwinlle ni omoriha minthori, mucheme ni owara eziguduli.

Mateyu 9:14

Vano yaawa oohuddera a Yohane Oobatiza wa Yesu ekoha wi, “Kaambiiwa tini hiyaano ni Afarisi ninnahalla ocha* wiilliwiilli koma oohudderaanyu khenahalla?”

Mateyu 9:16

“Khaavo muthu anakusa echigamba ya ekuwo esha asowella va yoowara yakhalle. Vawi echigamba esheeyo eneerokwinyeya ni waahulla yoowareeyo wunchichi ohiyana ni khalle.

Mariko 2:19

Yesu ahaakhulla wi, “Ethiyo ttuuworeya wi awiithaniwa o machellello a okwati ehalleke ocha ootthellooyo ari vaavo? Wohiworeya iyaayi! Ootthellooyo ari vaavo khonapaalleya ohalla ocha.

Mariko 2:20

Koma eneerophiya enthawi yawi ootthellooyo aneerokusiwa va yaayo nave eneerohalla ocha.

Luka 17:22

Vano aallota wa oohudderaaye wi, “Enthawi enimawa munaapaallekeenyu woona nimodda na mallapo a miyaano Mwaana a Muthu koma khamuwa moona.

Luka 5:34

Yesu ahaakhulla wi, “Ethiyo ttuuworeya wi awiithaniwa o machellello a okwati ehalleke ocha ootthellooyo ari vaavo? Wohiworeya iyaayi!

Luka 5:35

Koma eneerophiyattho enthawi yawi ootthellooyo aneerokusiwa va yaayo nave eneerohalla ocha.”

Yohane 16:6

Koma kaambiiwa kohuulleellani nndda, m'murimani mwanyu mooddalla ethakaraka.

Yohane 3:29

Ootthelliwa mwaneena tti ootthella. Koma mukhwaaye a ootthellooyo aniimella vakhuviru ni omwiiwellella moohakallalla. Nave anahakallalla iiwa mawu a ootthella. Sika emoddamoddave yeeyo koohakallalla ni murimaaka muttheene.

Mitteko 14:23

Va orive mpingo yahaatthoollavo attekweene nave ni mavekello owaakattho ohalla ocha* yahaavelleella wa Apwiya, ayo yaakhulupililiiwa.

1 Akorinto 7:5

Muhikhootaneke koma vaavove mwiiwanane wi mweere ddiiddo va enthawi yooyeva wi mwiivelleelle wa Apwiya m'mavekelloni. Nave mweeddiiddo mukhallekettho nimodda wi Satana ahiweeseni ekaamba ya ohiihiiha wanyu.

2 Akorinto 11:27

Kaanaphara mutteko moollipa nave wiilliwiilli ngaakona. Kaanavolliwa ettalla ni nthona nave wiilliwiilli ngaarina yoocha. Kaanariryiwa nave ngaarina yoowara.

Yawuupullulla 19:9

Vano mungelo aallota wa miyaano wi, “Lemba ddenndda, oodalisiwa tti ayo yiithaniwe omachellelloni a okwati wa mwaanaankhosa.” Ahoonjererattho ollotanko wi, “Yaalla sika mawu awoona a Mulluku.”

Yawuupullulla 21:2

Nave kahoona muzinda waweella, Yerusalemu anaanweene, akitthaka ovenyera oddullu, wa Mulluku, waari okhozekille wonanko mutthiyana ootthelliwa awarihiwe phaama wi akumane ni mamune.