Mateyu 8:6 - Mawu a Mulluku

⁶ “Apwiya, kaporwaaka akonaatthille vabedini owaani ekaamba yoorakalla vawi annoona ovoreya wunchichi.”

Mateyu 8:6 Iomraidhean Croise

Mateyu 4:24

Epillaaye yaavuwa mu echigawo ettheene ya Siriya, sika athu yaamukusella athu attheene a ereta ddoohiyanahiyana ni oovoriiwa oohiyanahiyana, athu ookhalla ni minepa ddoonanara, a achillechille ni oorakalla nave olliye ahaachiriha attheene.

Mateyu 8:7

Vano Yesu aamulleella wi, “Kineeroyaawo wi kamuchirihe.”

Mateyu 9:2

Wenko athu yaaphiya ni muthu oorakalla akonaatthille vamachirani. Nave Yesu vawoonani echikhulupililwiiwa, aallota wa oorakallooyo wi, “Mukhwaaka, llipa murima, machimwaawo aakhululukiwa.”

Mitteko 10:7

Nave mungeloolle aavenyavo, vano Korineliyo aawiithana allupa muttekwaaye eelli owaaka akhoto mmodda oyo aari oomullapella Mulluku nave oyo aari ovenyera mwa ayo yamurumeyella Korineliyo.

Mitteko 8:7

Minepa ddoonanara ddaakhuma mwa athu anchichi ddinllaka mookhuwa nave athu anchichi ookhwa meto ni oorakalla yaachirihiwa.

Mitteko 9:33

Wenko aakumanawo ni muthu nnddina naye Eneya oyo aari oorakalla nave aamoona okonaatthi vamwinllini vawi khaaworille weeta wa miyakha mitthanu ni miraru.

Akolose 3:11

Ekaamba ya yeella, khuwaavo ohiyana variyari va Ayuda ni athu ayo ehiri Ayuda, oophaddiwa ni oohiphaddiwa, athu a ellapo ddimodda, athu oohihuddera, akaporo ni athu eyo ehiri akaporo nave Khrisitu sika ari oopaalleya, Khrisitu ari mwa attheene.

Akolose 4:1

Apwiya nyu, mukhallekena phaama ni mweechilungamo akaporwaanyu. Vawi munnadduwella wi nyuwaano mookhallattho ni Apwiya oddullu.

1 Timoteo 6:2

Nave ayo erina apwiiwa ookhulupilila, ehaavevulle kaambiiwa tti asinniwa ni arokoriwa. Koma yaarumeyelleke phaama kaambiiwa ayo enapindula ni mitteko ddiwa, alliwattho tti ookhulupilila ni ookondiwa. Onaphwanella waahuddihe ni waallipiha murima mu ddenndda.

Filemoni 1:16

Vano khaari wonanko kaporove koma oomukhwaranya kaporo, tti mwanamunno ookondiwa. Miyaano kinnamukonda koma weyaano onaphwanella omukondeke wunchichi, wonanko kaporo navettho wonanko mwanamunno mu eyaattano ni Apwiya!