Mateyu 8:16 - Mawu a Mulluku

¹⁶ Vano voophiyani misikuwa athu amodda yaawaana wa Yesu athu anchichi ookhalla ni minepa ddoonanara. Yesu aakhumiha minepannddo ni mawuve navettho ahaachiriha oovoriiwa attheene.

Mateyu 8:16 Iomraidhean Croise

Eksodo 15:26

Yaallota wi, “Mwaakiiwellellaka mi Apwiya Mullukwaanyu, muneera ddoolungama ni opwatha malamulwaaka ni wiiwellella nnddo kinuuhuddiheemini, nguullakani ni erive ereta eyo kaallakilleemina Aiguputo. Mi tti Apwiya ayo enuuchirihani.”

Mateyu 12:22

Vatulli viwa athu amodda yaawa wa Yesu ni muthu oohoona navettho oohillota kaambiiwa aakhalla ni munepa woonanara. Yesu anamuchiriha muthooyo, sika ahaamba woona ni ollota.

Mateyu 14:14

Yesu akhumalleeye mukallawanimmo, aawoona mulloko wa athu muullupalloolle nave ahaamorella ethakaraka nave ahaachiriha oovoriiwiiwa.

Mateyu 8:15

Ahaattannya nnatta niwa nave yaachirihiwa. Vano yaavenya emurumeyella ni ddoocha.

Mateyu 8:33

Oochiha ekumbannddo yaathawa eya o etawoni evuwiha mwahoolla ni yeeriweeyo wa athu yaari ni minepa ddoonanaraalle.

Mateyu 9:2

Wenko athu yaaphiya ni muthu oorakalla akonaatthille vamachirani. Nave Yesu vawoonani echikhulupililwiiwa, aallota wa oorakallooyo wi, “Mukhwaaka, llipa murima, machimwaawo aakhululukiwa.”

Mariko 2:3

Vano athu amodda yaawa wa Yesu ni muthu oorakalla atukhulliwe ni allopwana asese.

Mariko 5:8

Aallotille ddenndda kaambiiwa Yesu aari allotille wi, “Munepa woonanara, khumamo mwa muthoolla!”

Mariko 9:25

Yesu oonilleeye wi mulloko wa athooyo onimawa mwawaakuva vamodda momwaatamella, vano aasimwella munepa woonanarooyo wi, “We munepa woohiiwa ni woohillota, kinimuulamula wi khumamo mwa musomboolla ohivollowemottho!”

Luka 13:12

Yesu amoonilleeye, aamwiithana allota wi, “Moowe, moottaphulliwa o eretaanyu!”

Luka 4:40

Misikuwa nndduwa nivollowaka athu attheene yaarina akhwiiwa oovoriiwa ereta ddoohiyanahiyana yaawaana wa Yesu. Vano ahiiyaatthi mattaaye va attheenaayo, aachiriha.

Luka 4:41

Minepa ddoonanarattho ddaakhuma mwa athu anchichi, ddikhuwaka wi, “Nyu tti Mwaana a Mulluku!” Koma Yesu aaddisimwella minepa nnddo wi ddimaalle vawi ddaanamudduwella wi olliyooyo tti Mesiya* allotelliwe khalle.

Mitteko 5:15

Ekaamba ya mitteko dda amurummwa, athu oovoriiwa yaanakhumihelliwa omusewuni ekonaatthille vamachirani ni vaminllini wi Petro aaviraka naari muuthuuchaayeve waaphwanye.