Mateyu 8:13 - Mawu a Mulluku

¹³ Vano Yesu aamulleella akhoto muullupallooyo wi, “Hokollweella owaninyu nave eyo okhulupilinleewe eneereweeriwa wa weyaano.” Vano kaporwaayooyo aachirihiwa enthawi yeeyo.

Mateyu 8:13 Iomraidhean Croise

Oollalleya 9:7

Vano khawe wache yoochaawo moohakallalla nave wamuwirye vinywaawo ni murima woohakallalla vawi Mulluku ohaakhullella khalle ddaweera ddawonnddo.

Mateyu 15:28

Vano Yesu aamwaakhulla wi, “We tti mutthiyana a echikhulupililo yuullupalli. Onapaalleewe eneereweereya wa weyaano.” Enthawi yeeyo mwanaye a mutthiyanoolle aachirihiwa.

Mateyu 17:20

Yesu ahaakhulla wi, “Tti ekaamba yawi echikhulupilwaanyu tti yooyeva. Ddawoona, kinimuulleellani wi mwakhalla ni echikhulupililo yooyeva wonanko mmiddo wa masitadi, ttuuwora ollota wa mwaango wi, ‘Susavo mva oye valle!’ Mwaangooyo oneerosusa. Kheyiivo enaalepheliwe weeriwa ni nyuwaano.”

Mateyu 8:4

Vano Yesu aamulleella wi, “Ngiiwa nndda vano! Ohimulleelle arive muthu koma khawe wa mullupa mukutho wi awoone wi woheella. Vano waheraatthi mukutho olle walamuliwe ni Mose wi vikhalle omboni wa athu wi woheellihiwa.”

Mateyu 9:22

Yesu aarukunuwa amoona olliyooyo nave aallota wi, “Llipa murima, echikhulupilwaawo yohuuchiriha.” Waambeella enthawi yeeyo mutthiyanooyo aachira.

Mariko 7:29

Vano Yesu aallota wa mutthiyanooyo wi, “Kaambiiwa wohaakhulla phaama, hokollweella owaninyu. Munepa woonanarooyo wookhuma khalle mwa mwanawo aamutthiyanooyo.”

Mariko 9:23

Yesu aallota wi, “Kaaworaka? Ddittheddene ddinaworeya ni oyo ari ni echikhulupililo.”

Yohane 4:50

Yesu allota wi, “Khaweni, mwaninyu oochira!” Olliyooyo aakhulupilila nnddo Yesu allotilleeye nave aahokollweella owaniwa.