Mateyu 7:24 - Mawu a Mulluku

²⁴ “Vano arive muthu oyo aniiwa ni weera mawaaka anaphwanaphwana ni muthu eezeru oyo aamakille enyumbaaye vanllukuni.

Mateyu 7:24 Iomraidhean Croise

Yobu 28:28

“Sika aamulleella muthu wi, ‘Owoova Apwiya sika ezeru, othawa ddoonanara sika odduwella.’ ”

Masalimo 111:10

Owoova Apwiya tti waamba wa ezeru, oothwara malamulwiiwa annakhalla ni odduwella. Apwiya tti ootitimiheya wa enthawi yoohimalla.

Masalimo 119:130

Otthopoollella mawaanyu onakhalla wonanko owala, onnavaha ezeru wa athu oohikhalla ni ezeru.

Masalimo 119:99

Kinniiwesesa waakhwaranya ahuddihaka attheene, vawi kinnaganizera dda malamulwaanyu.

Miyambo 10:25

Namangalle aawoopaka athu oochimwa ennavavihiwa koma oolungama ennakeraattheya wa enthawi yoohimalla.

Miyambo 10:8

A murima weezeru annaakhella malamulo koma ookarangeya ootokollolla aneerewoonongeya.

Miyambo 12:7

Athu oonanara ennatathilliwa nave ennatiwalleya koma nibanja na oolungama ninnallipa.

Miyambo 14:8

Ezeru dda muthu oochenjera ddikonne voodduwellani phaama ettilla ddaye koma ookarangeya annallekiwa ni okarangeya waye.

Mateyu 12:50

Oyo aneera ddoopaalla dda Attiitthaaka ooddullu sika mwanamunnaka, murokoraka ni amoowaaka.”

Mateyu 16:18

Sika kinuuvaha nnddina nawi Petro ottaphullella wi, ‘nlluku’. Vanllukuni vaava kineeromakavo mpingwaaka nave masiva a okhwa khewugonjiha.

Mateyu 24:45

“Ttaani ari mullupa mutteko oororomelleya ni eezeru? Tti oyo apwinnya enaamutthoolliiwa wi aawehereke allupa mutteko attheene a mpa mwaye ni waavaha ddoocha va enthawi yaphaama.

Mateyu 25:2

Atthanu a yaayo yaari ookarangeya nave atthanu a yaayo yaari eezeru.

Mateyu 25:4

Koma a ezerwaalle yaakusa makhura mamodda awaanjerera mookusella mwiwa.

Mateyu 25:9

Koma a ezerwaalle yahaakhulla wi, ‘Iyaayi, khanikwakhwanella nyuwaano ni hiyaano. Yaani wa ookulliha malonda wi mwiikullelle weekhiinyu.’

Mateyu 7:25

Nave murimu aarupa, mihinje ddaaddalla navettho ephevo yahoopa mwamasiva va enyumbeeyo koma kheyaakumuwalle kaambiiwa yaamakiwa vanllukuni.

Mateyu 7:26

“Koma arive muthu aniiwa mawaakaalla koma ahaapharihella mutteko anaphwanaphwana ni muthu ookarangeya amakille enyumbaaye vamihavani.

Luka 11:28

Koma Yesu aallota wi, “Oodalisiwa tti ayo eniiwa mawu a Mulluku ewiiwellella!”

Yohane 13:17

Vano vawi moodduwella ddawoonanndda, nyuwaano tti oodalisiwa mwaweraka ddenndda!

Yohane 14:15

“Mwaakikondaka miyaano muneerothwara malamulwaaka.

Yohane 15:10

Mwathwara malamulwaaka, muneerokhalla mu echikondaaka wonanko mmo kithwarelleemi malamulo a Attiitthaaka ni okhalla mu echikondaaye.

Yohane 15:14

Nyuwaano tti akhwaaka mweera kinuulamuleemini.

Aroma 2:13

Vawi khehiyo athu awiiwa malamulove enaalungamihiwe vamiitthoni va Mulluku koma ayo eniiwellella malamulwaayo.

1 Yohane 2:3

Niiwellella malamulo a Mulluku, sika ninnasimikiza wi ninnamudduwella.