Mateyu 7:2 - Mawu a Mulluku

² Vawi Mulluku aneeroweeruzani moophwanaphwana ni mmo munaaweeruzelleenyu athu amodda navettho aneerophariha mutteko mulingo woophwanaphwana ni oyo munaphariheenyu mutteko wa athu amodda.

Mateyu 7:2 Iomraidhean Croise

2 Samuele 21:5

Alliwaayo yaallota wa mwene wi, “Muthoolle aanitthollosa nave yoopaallaaye yaari yawi nihikhallettho m'malireni a ellapo ettheene ya Israele.

Masalimo 109:17

Aanakonda otembelela, sika matembelelo emmorelle. Khaaddivelliwe waadalisa athu amodda, sika madaliso ekhalle woorekemella ni olliye.

Eksodo 21:24

niittho olliva niittho, niino olliva niino, nnatta olliva nnatta, nnyallo olliva nnyallo,

Yesaya 33:1

Otulli wa awoononga, we ohinoonongiweke! Otulli wa awoottottha, we ohinoottotthiweke ni arive muthu! We wahiya woononga oneerewoonongiwa nave wahiya woottottha oneerewoottotthiwa.

Yeremiya 34:17

Sika vano Apwiya enallota wi, “Nyu khamukiiwellelle, khamullalleyille murendelle wi mwaattaphulle abalaanyu ni akhwiinyu. Ddaphaama! Vano mi kineerewuullalleyellanittho dda murendelle, murendelleene wookhwa ni nsupada, mullilli apaalle ettalla. Kineerewuutthattusani ello yawoopiha wa athu a moomwene a va ellapo yavatthi.

Yeremiya 51:24

Apwiya enallota wi, “Nyu moonaka, kineeromuhokollosella ddoonanara Babiloni ni attheene ookhallamo ekaamba ya machimo mattheene eerilleeye o Ziyoni. Mi Apwiya koollota.”

Obadiya 1:15

“Nllapo nohaatamella mvo mi Apwiya kinaaweeruzeemi mitundu ddittheddene. Edomu, weerilleewe eneereweereya wa weyaano, oneerohokolloselliwa ddoonanara.

Mateyu 6:14

“Mwaakhululukella ayo yuulakwenlleni, Attiitthaanyu ooddullu eneerewuukhulukellanittho.

Mariko 4:24

Aallotattho wi, “Oyo ari ni maaru iiwesese! Mulluku aneerophariha mutteko mulingo wa nyuwaano woophwanaphwana ni oyo munaphariheenyu mutteko wa athu amodda naarittho aneerewuuvahani moovirellella.

Luka 6:38

Avaheni athu amodda nave Mulluku aneerewuuvahani. Mulingo wooddalla, woochinyelleya phaama oneerohiyiwa m'mattani mwanyu. Vawi mulingo munaphariheenyu mutteko wa athu amodda, Mulluku aneeropharihattho mutteko yooyo wa nyuwaano.”

2 Akorinto 9:6

Upuwellani wi muthu anamidda mmiddo wooyeva aneerohata ddooyeva nave oyo anamidda mmiddo wawaata aneerohata ddawaata.

Yakobo 2:13

Vawi muthu aweeruza moohikhalla ni echifundo nayeenettho Mulluku aneeromweeruza moohikhalla ni echifundo. Koma oyo ari ni echifundo khanoova echiweruzo ya Mulluku.

Yawuupullulla 18:6

Mumuhokolloselle aweerenlleeyeni, mumullivellihe opiilli va ddittheddene enreeye. Mumuwiryihe opiilli kapwaaye a yoowirya yoowalli wonanko yoowirya uuvahilleni olliyooyo.

Oweeruza 1:7

Vano Adonibezekoolle aallota wi, “Mamwene 70 oophaddeya eyaalla dduullupalli dda m'mattani ni ddam'manyalloni yaanatota enyenyeri vatthi va tebulwaaka. Vano Mulluku ookihokollosella nnddo kaaweerelleemi,” Vano aakuselliwa o Yerusalemu. Nave aakhwella wenko.

Oweeruza 5:27

Sisera aanyongollowa iikuha, akonaatthi vakhuviru ni Yaele. Aanyongollowa iikuha vakhuviru ni Yaele. Nko aanyongollowelleeye iikuhelle wenko, akhwa.”

1 Samuele 15:33

Koma Samuele aallota wi, “Nsupada nawo nooweeriha atthiyana wi ehikhalle ni anamwani. Emoddamoddave yeeyo amaayo khekhalla ni anamwani, moophwanaphwana ni atthiyana amoddaayo.” Vano Samuele aamwiipha Agagi amuphadda enthuli enthuli vamiitthoni va Apwiya o Giligala.